Samtíðin - 01.07.1970, Blaðsíða 31

SAMTÍÐIN
Vill skipta um heila
SKURÐLÆKNIRINN, dr. Christian Barn-
ard í Suður—Afríku, sem frsegur er orðinn
fyrir hjartaígræðslur sínar, sagði nýlega í
samtali við blaðamann í París, að nú stefndi
hann að því að skipta um heila í fólki.
Bamard komst þannig að orði: „Áður
héldu menn, að ókleift væri að skipta um
hjörtu í fólki. Okkur hefur tekizt það. Hvers
yegna skyldum við þá ekki skipta um heila?
Ég hef sett mér það mark og mið að hefja
heilaígræðslur í Höfðaborg”.
Barnard er 47 ára gamall. Hann kom til
Parísar sl. vetur í sambandi við útkomu end-
urminninga sinna í bókarformi. Titill þeirrar
bókar, ÆVI, getur ekki styttri verið. Hins
vegar hafa að undanförnu birzt „langhundar”
miklir í erlendum vikublöðum vegna ásta-
rciála doktorsins, en hann er kvennagull á
heimsmælikvarða, hefur óspart verið orðaður
við ýmsar fegurðardísir, er nýskilinn við eig-
mkonu sína og kvæntur 19 ára gamalli auð-
uiannsdóttur í Suður—Afríku. Þessar blaða-
greinar um líferni Barnards hafa verið með
Þeim hætti, að fyrrverandi eiginkona hans
hefur fundið sig knúna til opinberra and-
svara, enda skortir hana ekki gögn til að
sýna fram á lauslæti manns síns. Hefur ekki
staðið á vikublöðum Evrópu að veita hinum
hispurlausu játningum frúarinnar viðtöku.
Hafa hin frægu Barnardshjón þannig að und-
anförnu haft tekjur af að bera tilfinninga-
mál sín á torg í dálkum vikublaðanna.
Nú bíða skurðlæknar veraldarinnar eftir
arangrinum af heilaflutningum dr. Barnards,
en blaðamennirnir bíða eftir því, hve langt
verði í hjónabandi hans og hinnar 19 ára
gömlu auðmannsdóttur, sem er á aldur við
d.óttur hans frá fyrra hjónabandi.
ORÐSEIMDIMG
ÞEIR örfáu áskrifendur SAMTÍÐAR-
INNAR, sem enn eiga ógreiddar póstkröf-
ur sínar fyrir árgjaldinu 1970 (215 kr.)
eða hafa af vangá látið endursenda þær,
ei'u vinsamlega beðnir að senda okkur nú
þegar árgjaldið í ábyrgðarbréfi eða póst-
ávísun.
SAMTlÐIN.
ÍO-/S-
MYNDIRNAR af Denna dæmalausa hafa
vakið mikla ánægju blaðalesenda um víða
veröld undanfarin ár. íslendingar þekkja
þær úr Tímanum.
Snillingurinn, sem býr þær til, heitir Hank
Ketcham og býr í Genéve í Sviss. Upphaf-
lega kallaði hann strákinn í blöðunum Dennis
the Menace og skóp hann eftir syni sínum,
sem fæddist í september 1946, en varð fyrst
frægur 5 ára gamall árið 1951 og hefur ekki
elzt í blöðunum síðan.
H. Keteham starfaði hjá Walt Disney á 5.
tug aldarinnar og teiknaði þá m. a. myndir i
kvikmyndirnar Draumóra (Fantasia) og
og Gosa (Pinocchio). Naumast var unnt að
hugsa sér betri teikniskóla, enda lærði Ketc-
ham þar ósköpin öll. Einn góðan veðurdag
byrjaði hann að teikna son sinn. Langflestir
foreldrar láta taka ljósmyndis af börnum sín-
um, en Ketcham langaði hins vegar að festa
á blað sem flesta spaugilega tilburði sonar
síns. Síðan sendi hann nokkrar þessara
mynda dagblaði einu í Bandaríkjunum, og
hófst þá sigurganga Denna þar í landi. Leiddi
hún brátt til heimsfrægðar.
Denni á sér fjölda nafna í þeim um það
bil 50 löndum, þar sem myndir af honum
birtast daglega. Frakkar kalla hann: Denis
la petite peste, Hollendingar: Henkie het Hu-
isgevaar, Danir Jern Henrik, Tyrkir: Yumur-
cak, svo að dæmi séu nefnd. Eins og stendur
birtist hann í samtals 700 dag- og vikublöð-
um, milljónum manna til óblandinnar á-
nægju.
Dennis Ketcham, upphafleg fyrirmynd
Denna dæmalausa, var sl. vetur liðsforingi í
bandaríska sjóhernum. Hann var rúmt ár í
Vietnam. Hann segir, að sig langi mest til
að kaupa jörð og fara að búa.