Fréttablaðið - 29.06.2010, Blaðsíða 13
ÞRIÐJUDAGUR 29. júní 2010 13
Við réðumst öll á Alþingi. Hvað vorum við mörg? Sjö hundruð?
Eitt þúsund? Tíu þúsund? Börðum
potta og pönnur. Hrópuðum og köll-
uðum. Börðum í rúður og grýttum
eggjum, snjóboltum og snýtubréf-
um. Einhverjir voru fyrr á ferð og
komust upp á palla. Öskruðu þar á
þingmenn að koma sér út.
Gott hjá þeim.
Stjórnmálastéttin hafði brugð-
ist, við því varð að bregðast. Þús-
undir stóðu á Austurvelli, þau
heitustu inní Alþingisgarði. Bón-
usfáni blakti á þaki þinghússins.
Undir sátu þingmenn Baugs og FL,
Landsbankans og Kaupþings, sem
fengið höfðu styrk í vasa og stól-
inn góða. Sátu þar að loknu lands-
ins hruni sem framkallað var af
þessum stuðningsaðilum þeirra,
hjásetu þeirra sjálfra og flokks-
systkina þeirra, amatöranna í rík-
isstjórn og Seðlabanka. Sátu þar og
héldu að þeir fengju frið til þings.
Eftir á að hyggja er maður mest
hissa á því þingmenn hafi slopp-
ið þurrum fötum frá reiði þjóðar
sinnar.
Einu og hálfu ári síðar sitja
styrkþegarnir enn á þingi, þótt
stóllinn þeirra lykti af illa fengnu
útrásarfé og ýmsu fleiru sem sess-
an geymir. Þeim þykir í lagi að
sitja á Alþingi í boði glæpamanna
sem settu þjóðfélagið á hausinn,
þrykktu krónunni í gegnum gólfið,
lánum okkar upp í rjáfur og neita
nú síðast að mæta í lögboðnar yfir-
heyrslur. Síðan bíta þessir sömu
þingmenn höfuð af skömm sinni
með því að sitja samþykkir því að
þeirra eigin stofnun, Alþingi, dragi
níu manns fyrir rétt vegna „árás-
ar“ á þá sömu stofnun.
Einu og hálfu ári eftir Hrun
hefur enginn verið kallaður fyrir
dómara nema þessir níu. Enginn
útrásarvíkingur, enginn banka-
stjóri, enginn Icesave-meistari,
enginn Seðlabankastjóri, enginn
ráðherra, enginn þingmaður.
„Vont er þeirra ranglæti en
verra þeirra réttlæti.“
Æ, ég trúi því ekki að ég sé að
vitna hér í Jón Hreggviðsson í
umfjöllun um okkar „upplýsta lýð-
ræðisþjóðfélag við upphaf tuttug-
ustu og fyrstu aldar“, en þar haf-
iði það: Ísland virðist aðeins hafa
verið uppfært, líkt og tölvuforrit;
í eðli sínu hefur það ekkert breyst.
Í dag býr Hr. Hreggviðsson í Sala-
hverfinu í íbúð sem hann keypti á
lánum sem nú eru komin í tvöfalt
virði eignarinnar og ekur um á litl-
um slyddujeppa sem hann þyrfti
að losa sig við en getur það ekki
vegna þess að hann „á ekki fyrir
sölunni“. Í eftirhrunsreiði sinni
varð honum á að rekast í þingvörð
og skal nú fyrstum refsað í átak-
inu: Réttlæti eftir hrun.
Það særir mann kannski mest
hvað þetta hljómar klisjukennt en
við erum víst enn að dæma snær-
isþjófa á meðan stórbokkarnir sitja
seigfullir í höllum sínum erlendis.
Réttvísin rýkur inn á moldargólf en
stöðvast við gylltan þröskuld.
Um Rússland er sagt að það verði
alltaf keisaraveldi, með tilheyrandi
aðli og einræði. Jafnvel kommún-
isminn breyttist í ennþá spillt-
ara keisaraveldi í höndum þessa
fólks. Kannski tekur þúsund ár að
breyta þjóðarhugsun, kannski er
það ekki hægt. Ísland virðist dæmt
til að verða eilíf nýlenda þar sem
hátopparnir eru fastir í óskiljan-
legri samkeppni við erlendar hirð-
ir og berja á lágtoppunum heima
sem aftur berja á embættismönn-
um sem taka pirring sinn út á Jóni
og Gunnu Hreggviðsbörnum. Hér
er ennþá unnið eftir reglunni: Sá
sem stal húsinu sleppur en sá sem
braut í því rúðu skal dæmdur.
Setningin „Drullið ykkur út!“
sem glumdi af pöllum yfir þingheim
eftir að allt okkar efnahagslíf var
hrunið var ekki „árás á Alþingi“
heldur virðing við Alþingi, tilraun
til að rusla út svo endurreisn gæti
hafist. Í raun var þetta aðeins vin-
samleg ábending til hrunameist-
ara Íslands, sem þáðu þingsæti sín
af útrásarvíkingum og sátu prúðir
hjá, á sínum eigin lögum og reglu-
gerðum, á meðan hetjurnar hlóðu í
loftkastalann yfir höfðum okkar, að
pilla sér úr augsýn þjóðar í sárum.
Alþingi Íslendinga lögsækir níu
manneskjur fyrir að benda þing-
mönnum á hið augljósa: Þeir brugð-
ust og ber að víkja. Alþingi Íslend-
inga vill níu manneskjur í fangelsi
fyrir þau sannleiksorð. Vill að þau
sitji inni mánuðum saman fyrir þá
stóru sök.
Alþingi Íslendinga ætti fremur
að sækja níu þingmenn úr eigin
röðum og biðja þá að hlýða ráðum
níumenninganna.
Setningin „Drullið ykkur út!“ sem
glumdi af pöllum yfir þingheim eftir
að allt okkar efnahagslíf var hrunið
var ekki „árás á Alþingi“ heldur virð-
ing við Alþingi, tilraun til að rusla út
svo endurreisn gæti hafist.
Níu þingmenn
Dómsmál
Hallgrímur
Helgason
rithöfundur
Jákvæðar fréttir berast þessa dag-ana frá Afríku um knattspyrnu-
afrek og frábæra stemningu á HM í
knattspyrnu í Suður-Afríku. Keppn-
in hefur nú þegar sýnt og sannað að
Afríkubúar eru fyllilega færir um
að hýsa stórviðburði sem þennan.
Þrátt fyrir hrakspár hefur skipu-
lagning tekist með ágætum og ekki
hefur orðið vart við þá glæpaöldu
sem spáð hafði verið. Fréttir eru
oftar en ekki neikvæðar og lang-
flestar fréttir frá Afríku og þriðja
heiminum snúast um hungursneyð,
fátækt, stríð og náttúruhamfarir.
Á hinn bóginn gleymist oft sá
mikli árangur sem náðst hefur á
undanförnum árum. Ban Ki-moon,
framkvæmdastjóri Sameinuðu
þjóðanna kynnti í síðustu viku nýja
skýrslu um stöðu „Þúsaldarmark-
miðanna um þróun,“ sem verald-
arleiðtogar samþykktu á Þúsaldar-
fundi sínum í september árið 2000.
Þar hétu þeir því að vinna með
markvissum hætti að því að upp-
ræta hungur og fátækt í heiminum
og auka lífsgæði íbúa í verst settu
ríkjum heims (www.2015.is).
Ban Ki-moon fagnaði því að þrátt
fyrir fjármála-, fæðu- og orku-
kreppu að undanförnu hefði heim-
urinn náð talsverðum árangri í að
útrýma fátækt, þótt dregið hefði úr
hraðanum. Þannig væri nú búist við
að 15 prósent jarðarbúa byggju við
fátækt árið 2015. Það er þó langt í
frá öruggt að markmiðunum sem
stefnt var að 2000 verði náð. Verald-
arleiðtogar koma saman til fundar
á Allsherjarþingi SÞ í haust til að
meta árangurinn.
Heimsþekktir knattspyrnumenn
með Zinédine Zidane og Didier
Drogba í broddi fylkingar hafa tekið
höndum saman við SÞ til að hvetja
veraldarleiðtogana til dáða í tilefni
af heimsmeistarakeppninni í knatt-
spyrnu í Afríku.
„Það getur enginn setið hjá og
verið áhorfandi í baráttunni gegn
fátækt,“ segir markahrókurinn
Didier Drogba. „Við verðum öll að
vera á leikvellinum til að bæta líf
milljóna fátækra um allan heim,“
bætti hann við þegar hann kynnti
hressilega sjónvarpsauglýsingu
(www.kickoutpoverty.org) sem sýnd
verður á sjónvarpsstöðvum á meðan
HM stendur yfir.
„Heimsmeistarakeppnin þjapp-
ar fólki saman um landsliðin og
við þurfum á álíka ástríðufullum
stuðningi að halda til að binda enda
á fátækt og hungur,“ sagði Zinéd-
ine Zidane, fyrrverandi fyrirliði
heimsmeistara Frakka 1998. „Það
eru aðeins örfá ár þangað til Þús-
aldarmarkmiðunum á að vera náð,
þannig að nú er tíminn til að grípa
til aðgerða.“
Enginn á hliðarlínunni – allir með
Baráttan gegn fátækt
Árni
Snævarr
yfirmaður
Norðurlandasviðs
á Upplýsingskrifstofu
Sameinuðu þjóðanna í
Brussel
HOLTAGÖRÐUM GLÆSIBÆ KRINGLUNNI SMÁRALIND www.utilif.is
ÍS
L
E
N
S
K
A
KK
/S
IA
.I
S
/U
T
I
5
0
6
9
4
0
6
/1
0
Deuter Aircontact Pro
Sá vandaðasti úr smiðju Deuter.
Frábært stillanlegt burðarkerfi.
Fáanlegur í ýmsum stærðum f. dömur og herra.
Deuter Aircontact
Margverðlaunaður bakpoki! Góður í lengri ferðir.
Vandað, stillanlegt burðarkerfi. Regnyfirbreiðsla.
Fáanlegur í ýmsum stærðum f. dömur og herra.
Deuter Futura
Okkar vinsælustu dagpokar! Með frábæru
öndunarkerfi í baki. Regnyfirbreiðsla og
ýmsar festingar. Fáanlegur í ýmsum stærðum.
50+15 L
Verð: 44.990 kr.
55+15 L
Verð: 47.990 kr.
60+15 L
Verð: 49.990 kr.
70+15 L
Verð: 49.990 kr.
45+10 L
Verð: 31.990 kr.
55+10 L
Verð: 34.990 kr.
65+10 L
Verð: 42.990 kr.
75+10 L
Verð: 47.990 kr.
22 L
Verð: 15.990 kr.
28 L
Verð: 17.990 kr.
32 L
Verð: 19.990 kr.
42 L
Verð: 23.990 kr.
Góðir ferðafélagar í sumar
Deuter bakpokarnir eru mest verðlaunuðu bakpokar seinni ára