Fréttablaðið - 29.06.2010, Blaðsíða 33

Hver fær bréf
frá þér?
„Til fyrirmyndar“ er yfirskrift hvatningarátaks þar sem landsmenn eru
hvattir til að senda kveðju til þeirra sem þeim þykir vera til fyrirmyndar.
Bréfsefni með yfirskriftinni „Takk fyrir að vera til fyrirmyndar“ verður
dreift inn á heimili um allt land dagana 29. og 30. júní. Einnig verður
hægt að nálgast kveðjuna á pósthúsum og N1-stöðvum um land allt.
Bréfin má setja ófrímerkt í póst innanlands.
Átakið er tileinkað frú Vigdísi Finnbogadóttur og íslensku þjóðinni í
tilefni af því að í dag eru 30 ár liðin frá því að Íslendingar voru til
fyrirmyndar með því að vera fyrstir þjóða til að kjósa konu sem forseta
í lýðræðislegum kosningum. Með átakinu eru landsmenn hvattir til að
gefa sér tíma til að staldra við og huga að því sem vel er gert.
tilfyrirmyndar.is