Fréttablaðið - 29.06.2010, Blaðsíða 21
veiði ● fréttablaðið ●ÞRIÐJUDAGUR 29. JÚNÍ 2010 3
● MARÍUFISKURINN SÁ FYRSTI Gjarnan er talað um maríu-
lax þegar veiðimaður dregur sinn fyrsta lax á land. Orðið maríulax hefur
þó sennilega þróast út frá orðinu maríufiskur sem á sér langa sögu en
maríufiskurinn var fyrsti fiskur kallaður sem sjómaður veiddi ævinni.
Hefðin var sú að gefa fátækustu konunni í verstöðinni, eða þeirri elstu,
fiskinn þegar í land var komið. Eins þótti það gæfumerki ef ungur veiði-
maður veiddi góðfisk það er að segja, þorsk, ýsu eða lúðu og myndi
honum farnast vel á sjó. Í kaþólskri trú var heitið á Maríu mey til fiski-
heilla og henni gefinn fyrsti fiskurinn svo líklega er nafnið
þannig til komið.
Heimild: Vísindavefur Háskóla Íslands
Hilmar Hansson hefur hnýtt
flugur í tugi ára og fer reglu-
lega til Rússlands að veiða.
Hann er með veiðidellu og
opnaði litla verslun í bílskúrn-
um sínum sem hann kallar
Veiðiflugur.
„Ég hef hnýtt flugur í 30 ár og veit
svo sem allt um flugur. Sennilega
er ekkert hægt að standa í svona
rekstri nema hafa sérþekkinguna.
Þetta er svolítið nördasamfélag,“
segir Hilmar Hansson, veiðimaður
og verslunareigandi, og viðurkennir
að eiga sjálfur sínar uppáhaldsflug-
ur. „Það eru Green Highlander sem
er stórlaxafluga og Stardust sem ég
veiði mest á.“
Veiðin var áhugamál sem vatt
upp á sig en Hilmar er dúkalagn-
ingameistari að mennt. Í fyrra setti
hann, ásamt eiginkonu sinni Odd-
nýju Magnadóttur, af stað vefversl-
un með veiðivörur. Vefverslunin
fékk svo góð viðbrögð að þau hjón-
in opnuðu litla verslun í bílskúrnum
á Kambsvegi 33 nú í vor og hefur
verið fullt út úr dyrum síðan.
„Menn komu hingað heim til að fá
að skoða flugurnar svo það var ekki
annað hægt en að opna búð. Íslensk-
ir veiðimenn þekkja þetta fyrir-
komulag líka vel, svona litlar búðir.
Við erum ekki með mikið en allt sem
þarf til fluguveiði, fatnað, stangir,
flugur og hjól og seljum til dæmis
eina íslenska veiðihjólið. Hannað og
smíðað af Steingrími Einarssyni frá
Ísafirði. Hjólið hefur verið á mark-
aðnum í nokkur ár en nýlega full-
komnaði Steingrímur bremsuna á
hjólinu svo þetta er eitt besta veiði-
hjólið á markaðnum í dag.“
Inntur eftir því hvað geri flugu
að góðri veiðiflugu segir Hilm-
ar heil mikil vísindi liggja að baki
fluguhnýtingum. Erfitt sé þó að
segja til um hvað geri eina flugu
betri en aðra.
„Menn eru að hanna flugur hver
í sínu horni, sumar verða betri
en aðrar og fara þá í sölu. Ég á til
dæmis eina sem heitir Fjallkonan
sem veiðir lax sjóbirting og bleikju
og hún er mjög einföld. Maður sér
það oft bara á þeim hverjar eru
góðar veiðiflugur, þá á litunum og
samsetningunni,“ segir Hilmar
og bætir við að óvanir geti stuðst
við þá þumalputtareglu að nota
flugur með silfur, bláum og svört-
um lit á vorin en rauðar, gular og
gylltar á haustin. „Flugurnar líkja
í raun eftir lífríkinu og þeir hörð-
ustu veiða einn fisk, opna magann
á honum til að sjá hvað hann hefur
verið að éta og hnýta svo fluguna
strax á bakkanum.“
Þegar blaðamaður náði tali af
Hilmari var hann nýkominn úr
veiðiferð til Rússlands en hann
hefur haldið utan um veiðiferðir
þangað um árabil. Þar segir hann
að menn veiði stærstu fiskana.
„Núna veiddi ég 28 punda fisk.
Maður veiðir ekki endilega fleiri
fiska í Rússlandi en í öðrum lönd-
um en stærri. Ég hef farið á hverju
vori í níu ár og hef haldið utan um
vikuferðir þangað síðustu árin. Þá
höfum við flogið til Murmansk og
þaðan er síðan flogið með þyrlu á
morgnana í ána og veiðimennirn-
ir svo sóttir aftur að kvöldi í þyrlu.
Ferðirnar hafa verið vel sóttar und-
anfarin ár en nú hefur gengið hins
vegar sett strik í reikninginn. Ég
mun hins vegar halda þessu áfram.
Þetta eru sannkallaðar ævintýra-
ferðir og stórir fiskar draga mann
til Rússlands.“
Heimasíða litlu verslunarinnar á
Kambsvegi er, www.veidiflugur.is.
- rat
Nördasamfélag í fluguhnýtingum
Áhugamál varð að verslun. Hilmar Hansson opnaði búð í bílskúrnum með konu sinni,
Oddnýju Magnadóttur.
„Við vorum að veiða á smábáta-
bryggjunni og sáum eitthvað í sjón-
um. Við héldum fyrst að það væri
dautt sæskrímsli,“ segir Agnes
Andradóttir 11 ára, sem veiddi
furðufisk, ásamt frænku sinni Guð-
björgu Heiðu Stefánsdóttur 9 ára, á
Hólmavík í sumar þar sem þær voru
í heimsókn hjá langömmu og -afa.
„Afi Guðbjargar hjálpaði okkur
þegar við vorum að reyna að veiða
hann. Við potuðum í hann með
veiðistönginni og þá synti hann
smá í burtu en þá krækti hann í
fiskinn og við veiddum hann,“ út-
skýrir Agnes sem hefur meðal ann-
ars veitt tvo laxa í Langá. Fiskur-
inn sem þær stöllur lönduðu var
158 sentimetra langur. Í ljós kom
að um vogmey var að ræða en
Agnes segir að þeim hafi þótt fisk-
urinn ljótur og ekki hafi komið til
greina að elda hann. „Nei, við hent-
um honum bara.“
Samkvæmt Vísindavef Háskóla
Íslands getur vogmær orðið 3 metra
löng og slæðist öðru hvoru í veið-
arfæri sjómanna hérlendis. Hún
er þunnvaxin og löng með langan
bakugga en aðrir uggar eru mjög
litlir eða engir. Í Ferðabók Egg-
erts Ólafssonar og Bjarna Pálsson-
ar segir að nafn vogmeyjarinnar sé
dregið af því eðli fisksins að koma
með flóðinu upp að landi í grunnum
víkum og vogum. Fiskurinn sé svo
litfagur og mjúkur og því sé hann
kenndur við mey. - rat
Veiddu vogmey
Agnes Andradóttir og Guðbjörg Heiða Stefánsdóttir veiddu hálfgert sæskrímsli á
Hólmavík í sumar.
MYND/JÓN HALLDÓRSSON F43280610
KANADAFERÐ -
ELDRI BORGARAR
HAUST Í NÝJA SKOTLANDI
9. – 16. SEPTEMBER, 2010
Upplýsingar hjá Jónasi Þór á jonas.thor1@gmail.com og 861 1046
www.vesturheimur.com
Ferðamálastofa
Icelandic Tourist BoardÖrfá sæti laus.
GIST Á SAMA HÓTELI Í HALIFAX í SJÖ NÆTUR
Atlantica Hotel
INNIFALIÐ: Flug, gisting, morgunverður, allur akstur, skoð-
unarferðir, aðgangur að söfnum og þjóðgörðum, hádegisverður í
skoðunarferðum og fararstjórn
VERÐ: 187.000