Fréttablaðið - 16.07.2010, Blaðsíða 2

2 16. júlí 2010 FÖSTUDAGUR
EFNAHAGSMÁL Höfundar skýrslu Alþjóðagjaldeyr-
issjóðsins (AGS) um íslenska skattkerfið segjast
einungis hafa bent á möguleika til að auka tekjur
ríkisins með aukinni skattheimtu, það sé íslenskra
stjórnvalda að velja á milli þess að hækka skatta
eða finna leiðir til að skera niður ríkisútgjöldin.
„Hvort skattar verða hækkaðir eða ekki er
ákvörðun sem ríkisstjórnin og íbúar Íslands verða
að taka,“ sagði Julio Escolano, einn skýrsluhöf-
unda, á fundi með fjölmiðlafólki á vegum AGS í
gær.
Tvær leiðir eru færar til að stoppa í fjárlagagat
næstu ára, og hvorug góð, sagði Escolano. Undir
það tók Franek Rozwadowski, sendifulltrúi AGS á
Íslandi. Hann sagði ríkisstjórnina verða að hækka
skatta eða skera niður útgjöld til að halda sig innan
ramma samkomulagsins sem hún hefur gert við
AGS, en það sé ekki sjóðsins að segja í hvaða hlut-
falli það þurfi að gerast.
Escolano segir kenningar um að með því að
lækka skatta megi auka tekjur ríkisins með auk-
inni veltu hagkerfisins áhugaverðar, en hann hafi
aldrei séð þær ganga upp í raunveruleikanum. Til
dæmis megi benda á tekjuskerðingu íslenska ríkis-
ins þegar virðisaukaskattur hafi verið lækkaður í
sjö prósent. - bj
AGS ráðleggur stjórnvöldum ekki að hækka skatta heldur bendir á möguleika:
Stjórnvalda að ákveða aðferðir
TVEIR KOSTIR Stjórnvöld verða að skera niður útgjöld eða
hækka skatta til að halda sig innan ramma samningsins við
AGS, sagði Franek Rozwadowski, sendifulltrúi sjóðsins á
Íslandi, á fundi með fjölmiðlafólki í gær. FRÉTTABLAÐIÐ/GVA
DÓMSMÁL Sakborningur í stóru
fíkniefnamáli bar fyrir dómi í gær
að Sverrir Þór Gunnarsson, betur
þekktur sem Sveddi tönn, hefði
lagt á ráðin um innflutning efn-
anna, ríflega eins og hálfs kílós af
kókaíni. Annar sakborningur við-
urkenndi að hafa átt samskipti að
undanförnu við Sverri, sem dvelur
á Spáni, og millifært á hann þrjár
milljónir um síðustu jól.
Sverrir Þór, sem á árum áður
var kallaður Sveddi tönn í undir-
heimunum vegna tannlýtis, hlaut
árið 2000 sjö og hálfs árs fangels-
isdóm fyrir þátttöku sína í stóra
fíkniefnamálinu svokallaða. Síðan
hann kom úr fangelsi hefur hann
dvalið erlendis, meðal annars í
Brasilíu og á Spáni. Lögregla hér-
lendis hefur hann grunaðan um að
vera höfuðpaurinn á bak við marg-
ar smygltilraunir og innflutning
á miklu magni af fíkniefnum til
Íslands undanfarin ár, frá Spáni
og Suður-Ameríku. Síðan kókaín-
málið, sem tekið var til meðferð-
ar í gær, kom upp hefur íslensk og
spænsk lögregla leitað Sverris á
Spáni án árangurs.
Fyrir dómi í gær játaði burðar-
dýr kókaínsins, Jóhannes Mýrdal,
að hafa farið til Alicante og tekið
við ferðatöskum sem innihéldu
kókaínið. Hann sagðist hafa talið
að um kannabisefni væri að ræða
og að hann hafi átt að fá hálfa til
eina milljón fyrir viðvikið.
Orri Freyr Gíslason og Pétur
Jökull Jónasson eru einnig ákærðir
í málinu en vísa hvor á annan. Orri
og Pétur þekktust ekki fyrir hand-
töku en í yfirheyrslum hjá lögreglu
bendluðu þeir báðir Davíð Garð-
arsson við málið. Hann er einnig
ákærður í málinu. Davíð er dæmd-
ur nauðgari og var á flótta undan
réttvísinni í útlöndum í hálft annað
ár. Á þeim tíma dvaldi hann meðal
annars hjá Sverri Þór í Brasilíu.
Í réttarsalnum í gær gjörbreytt-
ist framburður Orra og Péturs og
kannaðist þá hvorugur við aðild
Davíðs. Þetta þótti saksóknara
grunsamlegt og spurði hvort Davíð
hefði rætt við mennina tvo eftir
að þeir voru handteknir. Því játti
Davíð. Spurður hvort honum þætti
ekki einkennilegt að framburð-
urinn hefði breyst svo mikið
eftir þau samskipti svaraði
Davíð engu.
Orri sagði hins vegar
hugmyndina að smyglinu
komna frá Sverri Þór og
fimmta sakborningnum,
Guðlaugi Agnari Guð-
mundssyni, sem
á k ærðu r er
fyrir skipu-
lagningu og
fjármögnun
smyglsins.
Guðlaug-
ur neitaði
alfarið
sök fyrir dómi í gær. Hann gekkst
þó við því að þekkja Sverri. Þeir
hefðu verið vinir í fjögur ár og
um jólin hefði hann millifært til
Sverris þrjár milljónir. Guðlaug-
ur, sem hefur dvalið mikið erlend-
is síðustu ár, meðal annars í Bras-
ilíu og á Spáni, sagðist hins vegar
ekkert vita um tengsl Sverris við
fíkniefni.
Sverrir er ekki ákærð-
ur í málinu enda hefur hann
ekki fundist svo taka megi af
honum skýrslu. Komi hann í
leitirnar er hins vegar ekki úti-
lokað að hann verði þá dreginn
fyrir dóm. stigur@frettabladid.is
Benti á Svedda tönn
Sakborningur í stóru kókaínsmyglmáli segir hugmyndina að smyglinu komna
frá Sverri Þór Gunnarssyni, meintum eiturlyfjabarón, sem fékk þungan dóm í
stóra fíkniefnamálinu og fer nú huldu höfði á Spáni. Burðardýrið játaði sök.
Í FELUM Sverrir Þór hefur
dvalið í Brasilíu og á
Spáni undanfarin ár.
Lögregla hefur und-
anfarið leitað hans á
Spáni, án árangurs.
DAVÍÐ HLÍFT Tveir sakborningar, sem ekki þekktust, sögðu lögreglu að Davíð Garð-
arsson væri viðriðinn málið. Nú hefur sá framburður snarlega breyst eftir samskipti
þeirra við Davíð. FRÉTTABLAÐIÐ/VILHELM
„Guðbjörg, er þetta þá ekki
algjör steypa?“
„Kannski, en ég hef gaman af því að
steypa mér í djúpu laugina.“
Guðbjörg Gissurardóttir er stofnandi nýs
tímarits sem nefnist Í boði náttúrunnar
og munu efnistök tengjast náttúrunni á
ýmsan hátt. Í viðtali við Fréttablaðið í gær
sagðist Guðbjörg þó vera algjör steypu-
stelpa sem hefði aldrei farið í sveit.
FJARSKIPTI Evrópskar persónu-
verndarstofnanir segja athugun á
meðferð persónuupplýsinga í fjar-
skiptagögnum í álfunni hafa leitt
í ljós að varðveisluskyldu á fjar-
skipta- og vefumferðarupplýsing-
um sé ekki réttilega framfylgt í
ríkjum Evrópusambandsins.
„Meðal annars hafi komið í ljós
að upplýsingar hafi verið varð-
veittar of lengi, of mikið hafi
verið varðveitt af upplýsingum og
þeim hafi verið miðlað of frjáls-
lega,“ segir í frétt Persónuvernd-
ar af málinu. Lesa má úr ályktun
stofnananna að Ísland hafi ekki
verið meðal þeirra landa sem
könnuð voru í þessu samhengi.
- gar
Evrópsk fjarskiptafyrirtæki:
Frjálslega farið
með viðkvæm
persónugögn
FÓLK Efnt verður til útitónleika
í Hljómskálagarðinum í kvöld.
Fram koma reggíhljómsveit-
in Hjálmar, Hörður Torfason og
fleiri.
Á morgun verða svo ýmsar
uppákomur í tilefni þess að þá er
langur laugardagur. Meðal annars
verður útimarkaður á Hljóma-
lindarreitnum þar sem fólk getur
fengið söluborð sér að kostnaðar-
lausu. Að venju verður fjölbreytt-
ur varningur í boði auk lifandi
tónlistar. - mþl
Líf og fjör í miðborginni:
Tónleikar og
götumarkaður
HLJÓMALINDARREITURINN Finna má
útimarkað á Hljómalindarreitnum í allt
sumar en mest er um að vera á laugar-
dögum. FRÉTTABLAÐIÐ/DANÍEL
Hafa klippt 70 númeraplötur
Lögreglan á Suðurnesjum hefur klippt
bílnúmer af 70 bílum það sem af er
júlí vegna ógreiddra trygginga. Oftast
eru plöturnar teknar að næturlagi.
LÖGREGLUFRÉTTIR
Múslimsk hjúkrunarheimili
Múslimskir innflytjendur í Danmörku
skoða nú möguleikann á því að opna
bæði framhaldsskóla og hjúkrunar-
heimili fyrir múslima í landinu. Þeir
vonast til að hægt verði að opna
fyrstu stofnanirnar eftir tvö til fjögur ár
og segja mörg hjúkrunarheimili ekki
sinna matarhefðum og hátíðisdögum
múslima nógu vel.
DANMÖRK
KJARAMÁL Kjarasamningaviðræður Landssam-
bands slökkviliðs- og sjúkraflutningamanna (LSS)
og launanefndar sveitarfélaga sigldu í strand
í gær eftir sjö klukkutíma fund. Launanefnd-
in hafnaði kröfum LSS og lagði síðan fram tilboð
sem samninganefnd LSS gat ekki fallist á. Að öðru
óbreyttu stefnir því í verkfall en boðað hefur verið
til þess 23. júlí náist ekki samningar um bætt kjör.
„Launanefndin segir að hún sé búin að ganga
eins langt og hún mögulega geti og ef svo er þá
held ég að það náist ekki samningar,“ segir Finn-
ur Hilmarsson, varaformaður LSS. Hann segir
launanefndina hafa boðið 1,4 prósenta launahækk-
un en að það sé nokkuð langt frá kröfum LSS.
„Okkar viðmið er stétt sem er ekkert óskyld okkur
sem eru lögreglumenn.
Gerðardómur skar upp úrskurð um þeirra kjör
í vor og okkar kröfur eru ekki langt frá þeim
kjörum,“ sagði Finnur enn fremur.
Spurður um verkfallið sagði Finnur: „Verkfallið
er bara einn dagur. Svo munum við boða aftur til
eins dags verkfalls verði ekki gengið að kröfum
okkar og svo kemur að því að við förum í allsherj-
arverkall.“
Verkfall slökkviliðsmanna hefði það í för með
sér að lágmarksfjöldi starfsmanna væri á hverri
vakt og ekki væri hægt að kalla út aukamanns-
kap. Á höfuðborgarsvæðinu yrðu þá 22 starfs-
menn til reiðu en til samanburðar voru rúmlega
80 slökkviliðsmenn á vettvangi þegar bruni varð
á horni Lækjargötu og Austurstrætis í apríl 2007.
- mþl
Kjaraviðræður slökkviliðs- og sjúkraflutningamanna og launanefndar sveitarfélaga sigldu í strand í gær:
Stefnir í verkfall hjá slökkviliðsmönnum
SLÖKKVILIÐSMENN VIÐ STÖRF Náist ekki samn-
ingar við slökkviliðsmenn skellur á eins dags
verkfall næstkomandi föstudag. FRÉTTABLAÐIÐ/PJETUR
Bruni í togara
Eldur kom upp í vélarrúmi þýska tog-
arans Kiel, sem liggur í Hafnarfjarð-
arhöfn, í gær. Slökkvilið kom fljótt á
staðinn og greiðlega gekk að slökkva
eldinn. Engan sakaði.
HAFNARFJÖRÐUR
BANDARÍKIN, AP Breska olíufyr-
irtækið BP lýsti því yfir í gær-
kvöldi að olía væri hætt að flæða
út í Mexíkóflóa tímabundið.
Þetta er í fyrsta skipti sem tek-
ist hefur að loka fyrir olíuflæðið
síðan sprenging varð í Deepwater
Horizon olíuborpallinum hinn 30.
apríl síðastliðinn.
Settur hefur verið tappi í gatið
á olíuleiðslunni sem flæðir út úr
en talsmenn BP segja að hann
gæti haldið í allt að tvo sólar-
hringa.
Fyrirtækið vinnur áfram að
því að finna varanlega lausn á
lekanum. - mþl
Olíulekinn í Mexíkóflóa:
Lokað fyrir lek-
ann tímabundið
SPURNING DAGSINS