Fréttablaðið - 16.07.2010, Blaðsíða 34

18 16. júlí 2010 FÖSTUDAGUR
timamot@frettabladid.is
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
Sigurveig Guðmunda Jóhannsdóttir
og Styrmir Haukdal Þorgeirsson.
Í dag fagna þau Gullbrúðkaupi og taka á móti heilla-
óskum í síma 892 2501 og 892 2505.
Á þessum degi
fyrir 50 árum
voru gefi n saman
hjónin
Ástkær móðir okkar, tengdamóðir og
amma
Rósa Björg Karlsdóttir
Vesturgötu 69, Reykjavík
lést þriðjudaginn 13. júlí á Landspítala Fossvogi.
Útför hennar fer frá Dómkirkjunni fimmtudaginn
22. júlí kl. 13.
Ragnar Hjartarson
Karl Ásbjörn Hjartarson Elísabet S. Valdimarsdóttir
Daníel Andri Karlsson
Telma Rós Karlsdóttir
MOSAIK
Wasana María Thaisomboon hefur stofnað félagið Siam
Samakom sem hefur það að markmiði að bæta samskipti,
skilning og menningarleg tengsl milli Íslendinga og þeirra
sem eru búsettir hérlendis og af erlendu bergi brotnir. Siam
Samakom mun bjóða upp á ýmis námskeið tengd taílenskri
menningu en eins vill Wasana virkja ungt fólk og gefa því
vettvang til að koma hugmyndum sínum á framfæri.
„Ég hef búið á Íslandi í 20 ár og lít á mig sem Íslending.
Við viljum taka þátt í uppbyggingunni í landinu í dag með
því að virkja unga fólkið og bjóða upp á vettvang þar sem
Taílendingar geta lært íslensku og íslendingar geta kynnst
taílenskri menningu,“ segir Wasana. Meðal þeirra nám-
skeiða sem hún ætlar að bjóða upp á eru matreiðslunám-
skeið og skrautútskurður á ávöxtum og sápum. Nú þegar
eru hafin dansnámskeið til fjáröflunar en Wasana vinnur
hörðum höndum að því að standsetja húsnæði undir starf-
semi félagsins.
Hún sér fyrir sér að Siam Samakom verði lifandi miðstöð
þar sem fólk geti komið og unnið að hugmyndum sínum, til
dæmis að vörum eins og töskum sem yrðu þá framleiddar í
Taílandi. Ágóða af sölu varanna ætlar hún að gefa til sam-
félagsins.
„Búið er að hanna merki fyrir okkur, sem er íslenski og
taílenski fáninn að „takast í hendur“ og vörurnar yrðu undir
því merki. Eins erum við að selja boli með merkinu til að
safna fyrir standsetningu húsnæðis. Ég er líka komin í sam-
band við nemendur Kvikmyndaskólans um samstarf um að
búa til mynd um félagið og er svo á leiðinni til Taílands að
kynna verkefnið fyrir stjórnvöldum þar en ég hef fengið
mjög góð viðbrögð þaðan við hugmyndinni,“ segir Wasana.
Til að fá nánari upplýsingar um félagið má senda Wasönu
tölvupóst á siamsamakom@gmail.com. - rat
Styrkja tengsl Taílands og Íslands
NÝTT FÉLAG Wasana María Thaisomboon og Mutjalin Sigurðsson
bjóða upp á námskeið tengd taílenskri menningu. FRÉTTABLAÐIÐ/STEFÁN
Jóhanna Ásgeirsdóttir fór með sigur
af hólmi í flokki fatlaðra á fyrsta golf-
móti sem haldið er í minningu Harðar
Barðdal. Mótið fór fram síðastliðinn
þriðjudag á púttvellinum við Hraun-
kot í Hafnarfirði. Jóhanna segir golfið
skemmtilega íþrótt en segist þó ekki
forfallinn golfspilari.
„Ég gríp í golfið af og til. Ég man
nú ekki hvenær ég byrjaði en ég ákvað
að prófa fyrir nokkrum árum því það
spila margir golf í kringum mig,“ segir
Jóhanna en bæði eiginmaður hennar
og sonur eru miklir golfspilarar. „Þeir
búa nánast á vellinum og sonur minn
er einmitt að keppa í Vestmannaeyj-
um núna. Dóttir mín er ekki eins for-
fallin en tekur einn og einn hring með
mömmu sinni.“ Spurð hvort hún hafi
farið létt með sigurinn vill hún lítið
gera úr því, ekki hafi munað nema
einu höggi á fyrsta og öðru sæti en í
því lenti Hildur Jónsdóttir. Sigurður V.
Valsson varð svo í því þriðja.
Jóhanna hefur ekki keppt áður á
golfmótum en hefur hug á að keppa
meira. Hún sækir æfingar einu sinni
í viku hjá Golfsamtökum fatlaðra hjá
Keili á Hvaleyrarvelli í Hafnarfirði og
segir nokkuð stóran hóp mæta á æfing-
ar og hvetur fatlaða til að skoða þenn-
an kost. Golfið geri henni gott.
„Ég sé eftir að hafa ekki byrjað
fyrr, golfið er þrælskemmtileg íþrótt.
Sjálf hef ég komist allt of lítið á völl-
inn í sumar en mæti á æfingarnar.“ En
ætlar Jóhanna að verja titilinn að ári?
„Já, að sjálfsögðu verð ég að mæta
að ári ef ég hef tök á því. En þá verð
ég að vera duglegri að æfa.“
Hörður Barðdal gegndi formennsku
hjá Golfsamtökum fatlaðra þar til
hann lést úr krabbameini á síðasta
ári. Hörður var einnig meðal fyrstu
afreks íþróttamanna landsins í röðum
fatlaðra og verður golfmót í minningu
hans haldið árlega í júlí.
heida@frettabladid.is
PÚTTMÓT Í MINNINGU HARÐAR BARÐDAL: HALDIÐ Í FYRSTA SINN
Golfið er skemmtileg íþrótt
MUNAÐI EINU HÖGGI Kylfingarnir í þremur efstu sætunum, frá vinstri: Hildur Jónsdóttir, Jóhanna Ásgeirsdóttir og Sigurður V. Valsson.
MYND/JÓN BJÖRN ÓLAFSSON
MERKISATBURÐIR
1661 Fyrstu peningaseðlar í
Evrópu gefnir út af Stokk-
hólmsbanka.
1930 Haile Selassie, Eþíópíu-
keisari, undirritar fyrstu
stjórnarskrá Eþíópíu.
1951 Skáldsagan Bjargvættur-
inn í grasinu eftir J. D. Sal-
inger kemur út í Banda-
ríkjunum.
1994 Borgarastríðinu í Rúanda
lýkur.
1999 Flugvél með John F.
Kennedy yngri, Carolyn
Bassette, eiginkonu hans
og systur hennar ferst.
2005 Skáldsagan Harry Pott er
og blendingsprinsinn
kemur út á sama tíma
um allan heim.
Tyrkjaránið svokallaða átti sér stað á
þessum degi árið 1627. Sjóræningjar frá
Alsír gengu á land í Vestmannaeyjum
og námu á brott 242 manns og drápu
36. Einnig rændu sjóræningjarnir fólki í
Grindavík og á Austfjörðum. Fólkið var
flutt í þrældóm til Alsír en margir létust
á leiðinni þangað. Eftir áralanga þrælkun
í Alsír var hluti fólksins leystur úr haldi
og tókst að snúa heim til Íslands. Í þeim
hópi var meðal annars Halldór hertekni
Jónsson, sem síðar varð lögréttumaður
og bjó á Hvaleyri við Hafnarfjörð. Eins
var Guðríður Símonardóttir, oft nefnd
Tyrkja-Gudda, í hópi þeirra sem komst
heim á ný og giftist hún Hallgrími
Péturssyni.
ÞETTA GERÐIST: 16. JÚLÍ 1627
Íslendingum rænt af Alsírbúum
KRISTJÁN FRÁ DJÚPALÆK
FÆDDIST ÞENNAN DAG.
„Við getum eigin ævi í óskafarveg
leitt, og vaxið hverjum vanda, sé
vilja beitt.“
Eftir Kristján frá Djúpalæk skáld (1916-
1994) liggja fjölmargar ljóðabækur og
þýðingar. Hann þýddi meðal annars
Kardemommubæinn og Dýrin í Hálsa-
skógi.
AFMÆLI
ÞORVALDUR GUNNLAUGSSON
stærðfræðingur er sextugur.
FATBOY SLIM tónlistarmaður er
47 ára.
WILL FERRELL leikari er 43 ára. COREY FELDMAN leikari er 39
ára.