Fréttablaðið - 16.07.2010, Blaðsíða 4

4 16. júlí 2010 FÖSTUDAGUR
NOREGUR Grunaður hryðjuverka-
maður, sem var handtekinn í
Þýskalandi í síðustu viku, hefur
verið framseldur til Noregs. Hann
er einn þriggja manna sem taldir
eru hafa lagt á ráðin um stórfelld
hryðjuverk í Noregi.
Maðurinn heitir Shawan Sadek
Saeed Bujak og er frá Írak. Hann
var yfirheyrður strax við komuna
til Noregs í gærmorgun og neit-
aði öllum sökum. Hann sagðist
enga vitneskju hafa um áætlanir
um hryðjuverk. Norska lögreglan
fann þó ýmis efni sem notuð eru
í sprengjugerð í kjallarageymslu
sem hann hefur aðgang að.
Mennirnir eru allir í gæsluvarð-
haldi vegna málsins. - þeb
Grunaður um hryðjuverk:
Íraki framseld-
ur til Noregs
SJÁVARÚTVEGUR Starfshópur um endurskoðun
fiskveiðistjórnunarkerfisins hefur fundað stíft
undanfarna daga og er búinn að leggja drög
að skýrslu til ráðherra. Fulltrúar Landssam-
bands íslenskra útvegsmanna og Samtaka fisk-
vinnslustöðva taka nú þátt í starfi hópsins á ný.
Guðbjartur Hannesson, formaður hópsins,
segir að rammi sé kominn að heildarskýrslu
hópsins. Nú sé verið að vinna betri útfærslu á
ákveðnum hugmyndum og ekki náist að skila
skýrslu í júlí, eins og að var stefnt. Líklegra
sé að vinnu hópsins ljúki um eða eftir miðjan
ágúst.
Guðbjartur segir að þrír þættir séu til skoð-
unar; auðlindirnar í stjórnarskránni, einstakir
þættir núverandi kerfis og úthlutun aflaheim-
ilda. Nefndin muni skila tillögum varðandi
stjórnarskrána til stjórnlaganefndar og stjórn-
lagaþing muni fjalla um þær. Áfram er unnið
út frá aflahlutdeildarkerfi.
„Úthlutun aflaheimilda er stærsta málið og
við höfum skoðað ýmsar hugmyndir. Tvær
þeirra lifa og verið er að útfæra þær betur svo
þær séu tækar í skýrslu hópsins.“
Ólíklegt verður að teljast að samhljóða álit
náist á milli allra aðila, en Guðbjartur á von
á að samkomulag náist um meginsjónarmið.
Hann segist ekki geta svarað því hvort farið
verði eftir fyrningarleiðinni á kjörtímabilinu,
líkt og gert er ráð fyrir í stjórnarsáttmálanum.
Hópurinn skilar tillögum sínum til sjávarút-
vegsráðherra. - kóp
Starfshópur um endurskoðun fiskveiðistjórnunarkerfis skilar seinna af sér:
Ekki einróma álit um endurskoðun
UPPSKIPUN Starfshópurinn mun skila ráðherra tillögum
að endurskoðun fiskveiðistjórnunarkerfisins um miðjan
ágúst. FRÉTTABLAÐIÐ/GVA
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
31°
35°
34°
25°
33°
29°
27°
27°
22°
22°
25°
34°
33°
22°
23°
23°
25°
Á MORGUN
3-8 m/s.
SUNNUDAGUR
Hæg norðlæg eða
breytileg átt.
15
15
15
14
14
12
12
10
12
14
10
3
6
6
2
3
3
6
7
13
5
4
20
20
18
18
11
10
14
20
20
16
20
18
13 12
12
BONGÓBLÍÐA um
landið sunnan og
vestanvert í dag
og um helgina en
hitinn mun líklega
víða ná um og yfi r
20°C í bjartviðri
þessa daga. Ann-
ars má búast við
fínu veðri í öðrum
landshlutum en
austan til má búast
við vætu á morgun
og síðan norðan-
lands á sunnudag.
Elísabet
Margeirsdóttir
veður-
fréttamaður
TÆKNI Notendum Facebook-sam-
skiptasíðunnar í Bretlandi hefur
verið gert mögulegt að setja upp
neyðarhnapp á síðum sínum. Þannig
geta þeir látið vita af hvers kyns
óeðlilegu athæfi fólks gagnvart
þeim.
Hnappurinn er sérstaklega ætl-
aður börnum og unglingum sem
nota síðuna. Tilkynningar í gegn-
um hnappinn munu bæði berast til
Facebook og einnig til Ceop, sem
er opinber eftirlitsstofnun með
barnavernd í Bretlandi. Ceop mun
veita ráð um hvernig á að bregðast
við mögulegum ógnum á netinu en
það var stofnunin sem kallaði eftir
því að hnappurinn yrði settur upp.
Stjórnendur Facebook voru upphaf-
lega á móti því og töldu eigið örygg-
iskerfi duga. Aðrar samskiptasíður,
til dæmis Myspace, hafa tekið neyð-
arhnappinn upp.
Þrýstingur á stjórnendur Face-
book jókst eftir að sautján ára gam-
alli breskri stúlku, Ashleigh Hall,
var nauðgað og hún myrt af manni
sem hún kynntist á Facebook. Mað-
urinn þóttist vera jafnaldri hennar
en var í raun 33 ára gamall dæmdur
kynferðisbrotamaður.
Mjög brýnt er að auðvelt sé að
tilkynna um allt sem er óeðlilegt
á félagslegum síðum eins og Face-
book, segir Guðberg K. Jónsson, for-
maður SAFT, netöryggismiðstöðv-
ar Íslands. Á Íslandi sé einnig verið
að vinna í þessum málum. „Barna-
heill rekur svokallaða ábending-
arlínu sem er hönnuð sérstaklega
til að tilkynna um kynferðisafbrot
gegn börnum á netinu,“ segir Guð-
berg. Hann segir að síðastliðið ár
hafi verið unnin forvinna fyrir end-
urhönnun á þessum ábendingar- og
neyðarhnappi.
„Vonandi getum við kynnt þennan
hnapp í haust. Hann verður kynnt-
ur með þeim hætti að þeim sem
búa til eða dreifa efni á netinu og
halda úti vefsíðum þyki eftirsóknar-
vert að setja hnappinn upp hjá sér.“
Hægt verður að koma hnappinum
upp á hvaða síðu sem er. „Á þess-
um tímapunkti munum við ræða við
Face book líka um möguleikann á að
bjóða upp á þennan hnapp.“ Það eru
þó ekki bara börn sem þurfa að vara
sig á netinu heldur er þar alls kyns
glæpa- og svikastarfsemi í gangi,
segir Guðberg. Nauðsynlegt sé að
auðvelt sé að tilkynna um slíkt og
er stefnt á að íslenski hnappurinn
verði auðveldur og aðgengilegur í
notkun.
thorunn@frettabladid.is
Neyðarhnappur í
vinnslu hér á landi
Notendur Facebook í Bretlandi geta nú sett upp neyðarhnapp til að tilkynna
um óeðlilegt athæfi. Verið er að vinna í þessum málum hér á landi og vonandi
hefjast viðræður við síðuna um uppsetningu í haust, segir formaður SAFT.
SAMSKIPTASÍÐAN SKOÐUÐ Formaður SAFT segir mjög brýnt að auðvelt sé fyrir not-
endur Facebook að tilkynna um allt sem er óeðlilegt á félagslegum síðum.
Íslenskur maður var dæmdur í Héraðsdómi Reykjavíkur í maí fyrir nauðganir.
Hann komst í kynni við fórnarlömb sín á Facebook-samskiptasíðunni og
mælti sér mót við þau. Maðurinn nauðgaði stúlku fæddri árið 1993 og hélt
henni nauðugri yfir nótt á heimili sínu. Hann var einnig dæmdur fyrir kyn-
ferðisbrot gegn barni og nauðgun gegn stúlku fæddri 1995, og fyrir að hafa
haft samfarir við þrettán og fjórtán ára stúlkur. Hann var dæmdur í fimm ára
fangelsi.
Nauðgun tengd við Facebook
KJARAMÁL Iðnaðarsvið Starfs-
greinasambandsins hefur sent
bandarísku verkalýðsfélagi, Unit-
ed Steel Workers – Local 9433
stuðningsyfirlýsingu, vegna bar-
áttu þess við Century Aluminium.
Fyrirtækið rekur álver á Grund-
artanga og hyggur á byggingu
álvers í Helguvík.
Kjarasamningar ytra hafa
verið lausir síðan í apríl og frest-
ur til að ganga frá nýjum rann út
í maí. Fyrirtækið krefst þess að
starfsmenn samþykki skerðingu
á sjúkratryggingu og afnám sam-
ráðs starfsmanna og stjórnenda.
Starfsmannasambandið árétt-
ar að þess verði gætt að alþjóð-
leg fyrirtæki noti ekki Ísland til
félagslegra undirboða. - kóp
Kjarabarátta í Bandaríkjunum:
Styður baráttu
gegn Century
STANGVEIÐI Ríflega tvöfalt fleiri
laxar hafa veiðst í Selá í Vopnafirði
það sem af er sumri miðað við það
sem veitt hefur verið á sama tíma-
punkti á síðustu
fimm árum að
meðaltali. Síð-
ustu fimm ár
hafa þó verið
metár í Selá að
sögn Orra Vig-
fússonar. „Við
erum komnir í
425 laxa. Sjálfur
var ég að koma
úr Selá og hollið
veiddi 118 laxa. Þeim var næstum
öllum sleppt,“ segir Orri.
„Þegar svona mikill lax er til að
byrja með þá dettur botninn oftast
fyrr úr veiðinni í ágúst eða sept-
ember. En þegar laxinn er fyrr á
ferðinni er samt yfirleitt meira
af honum. Það gleðilega er líka
að smálaxinn virðist koma í mjög
góðum holdum úr sjónum.“ - gar
Nóg af laxi fyrir austan:
Tvöföld veiði í
Selánni í sumar
ORRI VIGFÚSSON
SAMFÉLAGSMÁL Stjórnardeild trú-
arkenninga í Vatíkaninu hefur
sent frá sér ný refsiviðmið sem
eru strangari en áður og eiga m.a.
við um kynferðisglæpi. Þetta
kemur fram í tilkynningu Peters
Bürcher Reykjavíkurbiskups.
Biskup segist sjá í þessu stuðn-
ing Vatíkansins við þá viðleitni
að berjast skuli af öllu afli gegn
kynferðisglæpum. Kynferðisbrot
séu glæpir og kynferðisbrot gegn
börnum sérstaklega fyrirlitlegir
glæpir, slíkt megi alls ekki eiga
sér stað innan kirkjunnar. - mþl
Fyrirskipun frá Vatíkaninu:
Hertar reglur um
kynferðisglæpi
VATÍKANIÐ Ný refsiviðmið eru strangari
en áður og eiga m.a. við kynferðisglæpi.
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 15.07.2010
GJALDMIÐLAR KAUP SALA
HEIMILD: Seðlabanki Íslands
201,9861
GENGISVÍSITALA KRÓNUNNAR
122,94 123,52
188,73 189,65
157,61 158,49
21,152 21,276
19,842 19,958
16,75 16,848
1,3942 1,4024
184,95 186,05
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Opið: Má. - Fö. 12 - 18
Lau. 11 - 15
Kauptúni 3 • 210 Garðabær • S 771 3800 • www.signature.is