Fréttablaðið - 23.07.2010, Blaðsíða 38
22 23. júlí 2010 FÖSTUDAGUR
Níu erlendir blaðamenn eru
á leiðinni til landsins til að
fylgjast með útgáfutónleik-
um hljómsveitarinnar For
a Minor Reflection í Iðnó á
laugardaginn.
„Þetta verður virkilega gaman
og vonandi fáum við almennilega
umfjöllun,“ segir gítarleikarinn
Guðfinnur Sveinsson.
For a Minor Reflection hefur
vakið athygli fyrir seiðandi og
tilraunakennt rokk sitt sem er
knúið áfram af gítarspili. Koma
blaðamannanna er því gott tæki-
færi fyrir útlendinga að kynnast
sveitinni enn betur.
Blaðamenn frá Die Welt og Intro
Magazine í Þýskalandi verða á tón-
leikunum ásamt blaðamönnum frá
Dazed & Confused og NME í Bret-
landi. Einnig mæta fulltrúar frá
belgískum, dönskum og hollensk-
um blöðum á svæðið. Það er átakið
Inspired By Iceland sem aðstoðar
við komu þeirra til landsins, rétt
eins og gert var fyrir tónleika
Hjaltalín og Sinfóníuhljómsveitar
Íslands með góðum árangri.
Blöðin sem um er að ræða eru
öll frá löndum sem For a Minor
Reflection heimsækir á mánaðar-
langri tónleikaferð sinni um Evr-
ópu sem hefst í september. „Þetta
eru allt löndin sem við erum að
fara að spila í á tónleikaferðinni
þannig að þetta passar allt rosa-
lega vel saman,“ segir Guðfinnur.
Eftir ferðina spilar hljómsveitin
á Iceland Airwaves-hátíðinni í
Reykjavík.
Útgáfutónleikarnir á laugardags-
kvöld verða þeir síðustu með tromm-
aranum Jóhannesi Ólafssyni, sem
spilaði einmitt inn á nýju plötuna.
Í hans stað kemur Andri Freyr Þor-
geirsson og mun hann einnig spila á
tónleikunum.
Öllu verður tjaldað til í Iðnó og
munu hinir ýmsu hljóðfæraleikar-
ar koma við sögu, þar á meðal tveir
auka gítarleikarar og tveir auka
sellóleikarar. Á tónleikunum verð-
ur einnig frumsýnt myndbands-
verk sem breski listamaðurinn John
Rixon gerði við lagið Sjáumst í Virg-
iníu af nýju plötunni. Rixon er virtur
listamaður í Bretlandi og hefur m.a.
verið sýningarstjóri í Tate-listasafn-
inu. Auk þess verða sýnd þrjú önnur
verk gerð af nemendum hans og eitt
frá ítalska listamanninum Lorenzo
Fonda. freyr@frettabladid.is
Flytja inn blaðamenn frá
NME og Dazed & Confused
FOR A MINOR REFLECTION Níu erlendir blaðamenn verða gestir á útgáfutónleikum hljómsveitarinnar For a Minor Reflection.
FRÉTTABLAÐIÐ/VILHELM
Vonandi fáum við al-
mennilega umfjöllun.
GUÐFINNUR SVEINSSON
GÍTARLEIKARI FAMR
„Þetta er allt að smella saman og
fjöldi fólks á svæðinu nú þegar,“
segir Magni Ásgeirson, annar
skipuleggjandi Bræðslunnar, sem
fer fram um helgina á Borgarfirði
eystri, en þegar Fréttablaðið náði
af söngvaranum tali var hann í
miðjum heyskap í sólinni fyrir
austan. „Miðarnir voru að seljast
upp í forsölu og eigum við því von
á góðri helgi hér á Borgarfirði,“
segir Magni og drepur á dráttar-
vélinni.
Þetta er í sjötta sinn sem bæjar-
búar á Borgarfirði eystri taka á
móti tónlistarunnendum en Magni
segir að tónleikarnir séu orðin góð
afsökun fyrir brottflutta Borgfirð-
inga og ættingja til að koma í heim-
sókn. „Þetta er nú bara eins konar
ættarmót og það er tjaldað í hverj-
um garði,“ segir Magni en bætir
við að stórt og flott tjaldstæði sé
einnig í bænum.
Tónleikarnir sjálfir fara fram
annað kvöld í síldarbræðslunni en
þar munu meðal annars koma fram
hljómsveitin Dikta, KK og Ellen en
einnig stígur á svið sænsk/breska
indípoppbandið Fanfarlo. „Platan
þeirra Reservoir er plata vikunn-
ar á Rás tvö og þar sem það er eina
útvarpsstöðin sem næst hér er ég
búinn að hlusta ansi oft á plötuna
þessa vikuna,“ segir Magni og
bætir við að honum lítist vel á og
hlakki til að sjá sveitina á laugar-
dagskvöld. - áp
Mikil aðsókn á Bræðsluna
MAGNI ÁSGEIRSSON Stundar heyskap
á milli þess sem hann leggur lokahönd
á Bræðsluna sem haldin verður á
laugardaginn.
Hljómsveitin The Beach Boys ætlar
að koma aftur saman í tilefni þess
að fimmtíu ár eru liðin frá stofnun
hennar. Sveitin spilaði síðast saman
árið 2006 í tilefni af fjörutíu ára
afmæli plötunnar Pet Sounds.
„Við ætlum að hittast og halda að
minnsta kosti eina tónleika. Ég veit
ekki hvar þeir verða en það verð-
ur líklega ókeypis inn á þá,“ sagði
stofnmeðlimurinn Al Jardine. Hann
hætti í hljómsveitinni 1998 en hefur
engu að síður mikinn áhuga á að
fara með henni í tónleikaferð um
heiminn. „Ég væri til í hundrað tón-
leika í tilefni afmælisins. Mig lang-
ar í tónleikaferð um heiminn en ef
það á að gera þetta svona, þá verður
að hafa það. En mér finnst að ef við
ætlum að æfa og halda góða tónleika
ættum við að fara í alvöru tónleika-
ferð.“ Með honum á afmælistónleik-
unum verða Brian Wilson, Bruce
Johnston, Mike Love og hugsanlega
gítarleikarinn David Marks.
Beach Boys 50 ára
BRIAN WILSON Fyrrverandi forsprakki
The Beach Boys tekur þátt í afmælistón-
leikunum.
Leikkkonunni Cameron Diaz
líður í hjarta sínu eins og
fjórtán ára dreng. Hún telur
að frægðin hafi ekki breytt
sér að neinu ráðu. „Ég hef
þroskast mikið. Innst inni
líður mér eins og fjórtán
ára dreng en líf mitt hefur
gjörbreyst síðan ég var
27 ára,“ sagði Diaz sem
verður 38 ára í næsta
mánuði.
„Ég held að fólk breyt-
ist ekki mikið í Hollywood.
Fólk hagar sér á endanum
eins og það er innst inni.
Frægðin laðar fram hinn
sanna persónuleika þinn.
Fólk sem hagar sér eins
og fábjánar er einfald-
lega fábjánar,“ sagði hún
og bætti við: „Tvennt
gerist þegar þú verð-
ur frægur. Fyrst opn-
ast fyrir þér allar dyr
og þú þarft að finna
þín takmörk. Síðan
þarftu að bera ábyrgð
á gjörðum þínum.“
Leikkonan
Jennifer Love
Hewitt er opin
fyrir því að
ættleiða barn á
næstunni. Hún
hefur verið
á lausu síðan
leiðir hennar
og grínistans
Jamie Kennedy
skildu í mars á
þessu ári en Jennifer segist hafa
áhuga á því að ættleiða og ala upp
barn sem einstæð móðir. Þetta
kemur fram í viðtali við tímarit-
ið InTouch Weekly en Jennifer
segir jafnframt að henni líki vel
að vera á lausu.
Vill ættleiða
JENNIFER LOVE
HEWITT
folk@frettabladid.is
CAMERON DIAZ Leik-
konunni líður eins og
fjórtán ára dreng í
hjarta sínu.
Unglingur í hjarta> AFI GEGNUM SKYPE
Leikarinn Jon Voight notar netsímann Skype
til að sjá og tala við barnabörnin sín á
meðan hann er í tökum á sjónvarpsþætti
sínum. Barnabörnin sem um ræðir eru sex
börn leikarans Brads Pitt og dóttur
hans, Angelinu Jolie. Voight sættist
nýverið við Jolie en feðginin hafa
eldað grátt silfur í langan tíma
og Voight því ekki kynnst barna-
börnum sínum almennilega.
JEVADAGAR
20% AFSL ÁT T U R
A F ÖL LU M JEVA VÖRU M TI L 2. ÁGÚ ST.
J EVA T Ö SKU R
Sarcina Jevasis
MY N D XVI I . M C C X V I I
Við bjóðum frábært úrval af hinum vönduðu og
endingargóðu Jeva töskum og pennaveskjum á
ótrúlegu verði, en aðeins í takmarkaðan tíma.
Notaðu tækifærið, fáðu Jeva tösku á frábæru
verði hjá Eymundsson um land allt.