Fréttablaðið - 31.07.2010, Blaðsíða 21

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
Arnbjörg María Danielsen og Joa
Helgesson halda tónleika undir
yfirskriftinni Ungir einsöngvar-
ar í Salnum í Kópavogi á miðviku-
dag og munu verja stærstum hluta
helgarinnar í æfingar með píanó-
leikaranum Jóni Sigurðssyni. Þau
voru gefin saman á fimmtudag og
má því segja að nokkuð óvenju-
legir hveitibrauðsdagar séu fram
undan.
„Við erum að hefja sambúð í
Sviss, eigum von á barni og vild-
um því drífa í því að láta gefa
okkur saman. Við fórum til borg-
ardómara og út að borða með fjöl-
skyldunni en ætlum svo að halda
partý seinna þegar betur stendur
á,“ segir Arnbjörg. Hún segir Joa,
sem er hér á landi í fyrsta skipti,
leggja sig allan fram við að læra
íslensku. „Hann er að lesa Njálu
fyrir börn sem stendur og ég á allt
eins von á því að hann grípi í hana
á milli æfinga. Þá les hann alla
ferðabæklinga sem hann kemst í
spjaldanna á milli og er staðráðinn
í því að læra íslensku á mettíma,“
segir Arnbjörg sem hefur fulla trú
á eiginmanni sínum enda hefur
hann búið í Kína og er altalandi á
kínversku. „Fyrst hann gat lært
kínversku hlýtur hann að geta lært
íslensku,“ segir hún glöð í bragði.
Arnbjörg og Joa kynntust í
óperukeppninni Queen Sonja Inter-
national Music Competition í Nor-
egi í fyrra. „Við unnum nú ekki til
verðlauna en fengum hvort annað
og berum því hlýjan hug til keppn-
innar,“ segir Arnbjörg. Hún lauk
námi frá Mozarteum-tónlistarhá-
skólanum í Salzburg í fyrra en var
áður við nám á Íslandi og Ítalíu.
Joa mun hefja störf við óperuna í
Zürich með haustinu og ætla hjón-
in sér að setjast þar að. „Zürich er
alþjóðleg borg sem hentar okkur
vel enda höfum við búið víða,“
segir Arnbjörg.
Á tónleikunum, sem eru hluti af
Listahátíð unga fólksins, tvinna
þau hjónin saman verk eftir Moz-
art, Stravinsky, Wagner, Korngold
og Kurt Weill og munu bæði syngja
dúetta og aríur. Tónleikarnir hefj-
ast klukkan 20. vera@frettabladid.is
Hveitibrauðsdögunum
varið í söngæfingar
Sópransöngkonan Arnbjörg María Danielsen og sænski barítóninn Joa Helgesson ætla að verja helginni í
æfingar ásamt því að njóta hveitibrauðsdaganna í ró og næði í Reykjavík en þau giftu sig á fimmtudag.
Arnbjörg og Joa giftu sig á fimmtudag en slá brúðkaupsferð sinni á Snæfellsnes á frest fram yfir tónleika sem þau halda í Salnum
á miðvikudag. FRÉTTABLAÐIÐ/VALLI
MARKAÐSDAGUR verður haldinn í Gamla
bænum í Laufási í Eyjafirði mánudaginn 2. ágúst frá
klukkan 14 til 17. Á markaðnum verður meðal annars
að finna handverk, listmuni og margs konar matvöru úr
héraðinu.
Lín Design - gamla sjónvarpshúsið Laugavegi 176 - Sími 533 2220 - www.lindesign.is
ÚTSALAN HEFST
Á ÞRIÐJUDAG
10-50%
afsláttur af öllum vörum