Fréttablaðið - 09.08.2010, Blaðsíða 8
8 9. ágúst 2010 MÁNUDAGUR
H
V
ÍT
A
H
Ú
SI
Ð
S
ÍA
/
1
0-
03
96
AUSTURRÍKI Svisslendingurinn
Mark Pieth, sem er yfirmaður
nefndar á vegum Efnahags- og
framfarastofnunarinnar OECD
gegn spillingu í viðskiptum, segir
Austurríki vera griðastað spill-
ingar.
Stjórnvöld hafi lítið gert til að
hindra spillingu í viðskiptum.
Meðal annars hafi engin rann-
sókn farið fram á því hvort aust-
urrísk fyrirtæki hafi greitt stór-
ar fúlgur á sínum tíma í mútur til
stjórnar Saddams Hussein, eins
og grunur leikur á um. Þá telur
hann mögulegt að fé frá Saddam
Hussein eða Moammar Gaddafi
kunni að liggja á reikningum í
Sviss.
Hávær orðrómur hefur auk
þess undanfarna daga gengið um
að Jörg Haider, hinn látni leiðtogi
Frelsisflokksins, hafi átt stórfé á
reikningum í Sviss, sem hugsan-
lega sé jafnvel komið frá Saddam
eða Gaddafi. - gb
Austurríkisstjórn gagnrýndi:
Lítið aðhafst
gegn spillingu
JÖRG HAIDER Orðrómur um stórar
fjárhæðir á reikningum í Sviss.
NORDICPHOTOS/AFP
1. Hvaða íslenska stuttmynd
verður frumsýnd á kvikmynda-
hátíðinni RIFF í haust?
2. Hver er forstjóri Alcoa á
Íslandi?
3. Eftir hvaða látna íslenska
rithöfund er ný bók væntanleg?
SVÖRIN ERU Á SÍÐU 30
KÍNA, AP Að minnsta kosti 127 manns létust
og 1.300 er saknað eftir aurskriður og flóð
í norðvesturhluta Kína um helgina. Yfir 45
þúsund manns hafa verið flutt frá heimilum
sínum á svæðinu.
Verst er ástandið í Gansu-héraði, sem er
einangrað og að mestu leyti tíbeskt svæði.
Þrjú þúsund hermenn og 100 heilbrigð-
isstarfsmenn hafa verið sendir á svæðið
og hafði tekist að bjarga um sjö hundruð
manns í gær. Gríðarlega þykk og djúp leðja
hamlar björgunaraðgerðum, sem nú nær um
eins metra dýpt þar sem mest er. Hvorki er
hægt að ganga né keyra í gegnum hana, og
ekki er hægt að nota vinnuvélar. Því notar
björgunarfólk aðeins litlar skóflur, fötur og
hendurnar. Erfitt reynist einnig að koma
birgðum af vatni, mat, tjöldum og lyfjum á
svæðið.
Kínversk yfirvöld hafa lofað að verja
500 milljónum júana, um 8,6 milljörð-
um íslenskra króna, í neyðaraðstoð vegna
hamfaranna. Wen Jiabao forsætisráðherra
flaug til Gansu í gær og talaði við yfirvöld á
svæðinu. Hann lýsti því yfir að engu skyldi
til sparað við björgunaraðgerðirnar og það
að bjarga mannslífum.
Aurskriður féllu um miðnætti aðfara-
nótt sunnudags eftir miklar rigningar allan
laugardaginn. Margt fólk var því sofandi
á heimilum sínum þegar skriðurnar féllu.
Fjölmiðlar á staðnum segja að ein aurskrið-
an hafi jafnað heilt þorp við jörðu.
Aurskriðurnar ruddu leðju og braki í ána
Bailong á svæðinu svo að stífla myndað-
ist. Vatnsyfirborðið hækkaði því mikið og
þriggja kílómetra stöðuvatn myndaðist sem
olli flóðum.
Talið er að yfir 1.400 manns hafi látist í
Meira en þúsund saknað
127 manns hið minnsta hafa látist og 1.300 er saknað eftir aurskriður og flóð í norðvesturhluta Kína um
helgina. Þykk og djúp leðja hamlar björgunaraðgerðum. Flóðin á árinu eru þau verstu í meira en áratug.
Fimm hundruð manns er enn saknað eftir flóð
og aurskriður í Kasmír-héraði í Indlandi fyrir helgi.
Alls 132 hafa þegar látist og 500 slasast. Meðal
hinna látnu voru að minnsta kosti fimm ferða-
menn, en svæðið er vinsælt meðal þeirra.
Fjölmiðlar í Norður-Kóreu hafa einnig greint frá
því að 5.500 heimili hafi skemmst eða eyðilagst
í flóðum þar í landi undanfarið. Þá hafa tæplega
fimmtán þúsund hektarar landsvæðis eyðilagst.
Flóðin hafa þó hingað til valdið mun minni skaða
en síðustu flóð í landinu, þegar um 600 létust og
100 þúsund misstu heimili sín.
Einnig flóð í Indlandi og N-Kóreu
mið- og suðurhluta landsins, í verstu flóðum
sem orðið hafa í Kína í rúman áratug á árinu.
1,4 milljónir heimila hafa eyðilagst, tólf
milljónir manna þurft að yfirgefa heimili sín
og rúmlega 87 þúsund ferkílómetrar af upp-
skeru hafa eyðilagst. thorunn@frettabladid.is
LEITAÐ Í AURNUM Björgunarmenn og íbúar leituðu að fólki í leðju og braki í gær. NORDICPHOTOS/AFP
DALVÍK Yfir þrjátíu þúsund manns lögðu leið
sína til Dalvíkur um helgina til að taka þátt
í fiskideginum mikla. Hátíðin hélt upp á tíu
ára afmæli sitt í ár.
„Það er ekki hægt að segja neitt annað en
að miðað við þennan gríðarlega fjölda hafi
allt farið mjög vel fram,“ segir Júlíus Júlíus-
son, framkvæmdastjóri fiskidagsins mikla.
Segir hann gesti almennt hafa verið gríðar-
lega ánægða og sátta við daginn, enda veðrið
eins og best var á kosið.
„Það eru margir sammála um það að þetta
hafi verið besti fiskidagur til þessa,“ segir
Júlíus. Á milli 5 og 6 þúsund lítrar af fiski-
súpu fóru ofan í gesti og gangandi að kvöldi
föstudagsins og yfir 120 matarskammtar fóru
á sjálfum fiskideginum mikla.
Júlíus segir engar aðrar ákvarðanir vera á
lofti en að halda áfram með hátíðina að ári. „Á
þriðjudegi eftir hvern fiskidag verða ákvarð-
anir teknar og ég sé engin merki þess að við
höldum ekki áfram.“
Felix Jósafatsson, varðstjóri hjá lögregl-
unni á Dalvík, segir fleiri hafa gist heldur
en áður og vel hafi gengið að koma fólki úr
bænum.
„Veðrið er svo gott að menn eru ekkert að
flýta sér,“ segir Felix. „Það eru allir voða
ró legir.“
- sv
Fiskidagurinn mikli haldinn í tíunda sinn á Dalvík um helgina við mikinn fögnuð viðstaddra:
Yfir 30 þúsund gestir voru í bænum
FISKIDAGURINN MIKLI Yfir 120 þúsund matarskammtar
fóru á hátíðinni í ár, sem haldin var í tíunda sinn.
VEISTU SVARIÐ?