Fréttablaðið - 30.08.2010, Blaðsíða 10

10 30. ágúst 2010 MÁNUDAGUR
FYLGST MEÐ MÓTMÆLUM Konur í
Kasmír fylgjast með mótmælagöngu
fyrir utan heimili þeirra í Srinagar, þar
sem átök hafa verið tíð undanfarið.
FRÉTTABLAÐIÐ/AP
BRETLAND Harkalegur sparnaður á
fjárlögum í Bretlandi bitnar illa á
fátækum, samkvæmt úttekt IFS,
óháðrar þjóðhagsrannsóknastofn-
unar í Bretlandi. Þetta stangast á
við yfirlýsingar bresku stjórnar-
innar, sem segist einmitt hafa gætt
þess vel að sparnaðurinn muni
ekki bitna á fátæklingum.
Samkvæmt IFS valda sparnaðar-
aðgerðirnar því að þau tíu prósent
breskra fjölskyldna, sem fátæk-
astar eru, missa meira en fimm
prósent af tekjum sínum. Til sam-
anburðar missa þau tíu prósent
fjölskyldna, sem auðugastar eru,
einungis um eitt prósent tekna
sinna, og er þá miðað við barnlaus-
ar fjölskyldur sem ekki þiggja líf-
eyrisgreiðslur.
George Osborne fjármálaráð-
herra hefur sagt sparnaðinn, sem
ná eigi fram á neyðarfjárlögum
ársins, muni koma harðar niður
á þeim sem meiri tekjur hafa, en
stofnunin segir úttekt sína sýna að
því sé þveröfugt farið.
Nick Clegg, leiðtogi Frjálslynda
flokksins og aðstoðarforsætisráð-
herra í stjórn Davids Camerons,
leiðtoga Íhaldsflokksins, sakar IFS
um hlutdrægni. Þar sé ekki tekið
neitt tillit til þess, að stjórnin ætli
að ráðast í miklar aðgerðir til að
koma fólki af bótum og út á vinnu-
markaðinn. Þar náist fram mikill
sparnaður um leið og dregið sé úr
fátækt.
Um þetta er fjallað í breskum
fjölmiðlum, meðal annars á vefsíð-
um dagblaðsins Guardian og ríkis-
útvarpsins BBC.
Hagvöxtur í Bretlandi mæld-
ist 1,2 prósent á öðrum ársfjórð-
ungi, sem er heldur meira en þau
1,1 prósent sem spáð var. Stjórnin
þakkar þetta miklum vexti í bygg-
ingariðnaði.
Hagvöxtur hefur þá mælst í þrjá
ársfjórðunga í röð, en þar á undan
hafði mælst samdráttur í bresku
efnahagslífi sex ársfjórðunga í
röð.
Þessi frétt virðist þó ekki hafa
slegið á ótta Breta um að hagvöxt-
urinn minnki á ný þegar sparnað-
araðgerðirnar fara að bitna á fólki
og fyrirtækjum síðar á árinu.
Hagfræðingurinn Samuel Tombs
segir hagvöxtinn byggðan á mjög
veikum grunni, sem ólíklegt er að
standi til lengdar.
„Bæði heimili og ríki juku
útgjöld sín, heimilin um 0,7 pró-
sent milli fjórðunga og ríkið um
0,3 prósent,“ hefur AP-fréttastofan
eftir honum, „en báðir þessir geir-
ar eru afar ólíklegir til að halda
áfram þessum vaxtarhraða þegar
þrengt verður að í fjármálunum á
næstu fjórðungum.“
gudsteinn@frettabladid.is
Sparnaður sagður
bitna á fátækum
Breska stjórnin gagnrýnd af óháðri þjóðhagsstofnun, sem segir harkaleg sparn-
aðaráform bitna meira á fátækum en öðrum. Nick Clegg segir stofnunina hlut-
dræga. Hagvöxtur hefur nú mælst í Bretlandi þrjá ársfjórðunga í röð.
DAVID CAMERON OG GEORGE OSBORNE Forsætisráðherra Bretlands og fjármálaráð-
herra í stjórn hans. NORDICPHOTOS/AFP
Hávaði í heimahúsum
Lögreglan á höfuðborgarsvæðinu
þurfti þónokkrum sinnum að hafa
afskipti af hávaða í heimahúsum í
fyrrinótt þar sem fólk tók ekki tillit til
næstu nágranna. Þá var nokkuð um
pústra á milli manna í miðbænum,
að sögn lögreglumanns sem frétta-
stofa Vísis talaði við.
LÖGREGLUFRÉTTIR
VERÐLAG Söfn á höfuðborgarsvæð-
inu eru vel verðmerkt en kaffisöl-
ur þeirra eru það ekki ekki. Þetta
kom fram í könnun Neytenda-
stofu nýverið á verðmerkingum
hjá 21 safni á höfuðborgarsvæð-
inu. Jafnframt voru sjö veitinga-
sölur skoðaðar á jafnmörgum
söfnum.
Einungis Hönnunarsafn
Íslands við Garðatorg var ekki
með upplýsingar um aðgangseyri
til sýnis á safninu.
Gerðar eru athugasemdir við
verðmerkingar í veitingasölum
Árbæjarsafns í Dillonshúsi, hjá
Gerðarsafni, kæli Kaffitárs í
Þjóðminjasafninu og Súpubars-
ins í Listasafni Reykjavíkur.
Merkingar veitinga voru í lagi í
veitingasölunum á Kjarvalsstöð-
um, í Listasafni Íslands og í Vík-
inni – Sjóminjasafni Reykjavík-
ur. - óká
Könnuðu verðmerkingar:
Veitingar safna
verr merktar
KÓPAVOGUR Hamraborgarhátíð í
Kópavogi var haldin í fyrsta sinn
á laugardaginn. Hátíðin var hald-
in á vegum Kópavogsbæjar í sam-
starfi við verslanir og fyrirtæki í
Hamraborginni.
Verslunareigendur buðu gest-
um og gangandi upp á veiting-
ar og tónlistaratriði, töframenn
brugðu á leik og þekktir Kópa-
vogsbúar fræddu gestu um sögu
Hamraborgarinnar. Götunni var
breytt í göngugötu og markaðs-
stjöld sett upp. Þá kynntu íþrótta-
félög bæjarins vetrarstarf sitt
og menningarstofnanir bæjarins
voru opnar. - rat
Hátíð í Kópavogi:
Hamraborgin
iðaði af lífi
HÁTÍÐ Í BÆ Sannkölluð markaðsstemn-
ing á fyrstu Hamraborgarhátíðinni í
Kópavogi. MYND/HERMANN H. HERMANNSSON