Fréttablaðið - 09.09.2010, Blaðsíða 8

8 9. september 2010 FIMMTUDAGUR
1. Hvað stendur til að frum-
sýna margar íslenskar kvik-
myndir í fullri lengd næsta
hálfa árið, eða svo?
2. Hvað heitir færeyski þing-
maðurinn sem neitaði að sitja
til borðs með forsætisráðherra
Íslands?
3. Hvert sigldi Herjólfur í
gærmorgun?
SVÖRIN ERU Á SÍÐU 46
GRUNNSKÓLAR Reykjavíkurborg
niðurgreiðir ekki mat í einkaskól-
unum Ísaksskóla og Landakots-
skóla. Foreldrar barna í þessum
skólum borga því 11.700 krónur
á mánuði fyrir fæði barna sinna,
í stað þeirra 5.000 króna sem
greiða þarf í skólum sem borg-
in rekur.
Sölvi Sveinsson, skólastjóri
Landakotsskóla, segir að skól-
inn muni leita eftir því að
Reykjavíkurborg greiði niður
mat fyrir nemendur skólans eins
og önnur börn í Reykjavík.
„Það ætti ekki að skipta máli
hvort þau séu í Ísaksskóla og
Landakotsskóla eða Hagaskóla og
Melaskóla,“ segir Sölvi. „Ég hefði
haldið að það yrði að minnsta
kosti 150 krónum ódýrara á dag,
ef ekki meira, ef borgin kæmi til
móts við foreldra.“
Sölvi segir börn og foreldra
almennt vera mjög ánægð með
matinn í skólanum og mælist til
þess að fleiri skólar nýti sér svip-
aða þjónustu.
„Það sem skiptir mestu máli er
að krakkarnir séu ánægðir með
matinn og hann sé góður fyrir
þá,“ segir hann.
Erna Sverrisdóttir hjá Happi,
sem sér um matinn í Ísaksskóla
og Landakotsskóla, segir fyr-
irtækið hafa þá stefnu að bæta
heilsu Íslendinga og auðvitað
liggi beinast við að byrja á æsku
landsins.
Hún segir að hollum matar-
venjum og góðum siðum eigi að
gera hátt undir höfði í grunnskól-
um.
„Þetta er mikilvægt uppeldis-
atriði. Við þurfum að hlúa betur
að matarvenjum okkar. Við gerð-
um tilraun með Happ-mat í rétt
rúman mánuð í Landakotsskóla
og það tókst gífurlega vel,“ segir
Erna. „Hlutfall grænmetis og
hollra kolvetna er miklu hærra
hjá okkur en í öðrum skólaeldhús-
um. Á flestum stöðum eru aðeins
9 prósent matarins sem þar er á
borð borinn grænmeti og ávextir
sem er langt undir ráðlögðu mat-
aræði Lýðheilsustöðvar.“
Verð á matarskammti fyrir
börnin fer eftir fjölda þeirra,
bæði í Ísaksskóla og Landakots-
skóla.
Happ er í samningaviðræðum
við þriðja skólann.
„Við teljum að maturinn hjá
okkur sé ekki dýrari en í mötu-
neytum hjá Reykjavíkurborg,
miðað við þá niðurgreiðslu sem á
sér stað þar,“ segir Erna.
sunna@frettabladid.is
Borgin ætti ekki að
mismuna börnum
Skólastjóri Landakotsskóla segir að Reykjavíkurborg ætti að koma til móts
við foreldra í öllum grunnskólum varðandi niðurgreiðslu á mat. Foreldrar þar
borga rúmlega helmingi meira fyrir mat en í öðrum grunnskólum borgarinnar.
ÍSAKSSKÓLI Borgin greiðir ekki niður mat til foreldra barna í Ísaksskóla og Landakotsskóla. FRÉTTABLAÐIÐ/HEIÐA
heiðursskrá – tabula gratulatoria
ritgerðasafn til heiðurs
ÞORSTEINI VILHJÁLMSSYNI
sjötugum 27. september 2010
Vísindavefur
Þorsteinn Vilhjálmsson hefur verið starfsmaður Háskóla Íslands í
rúm 40 ár, síðan hann réðst sem sérfræðingur á stærðfræðistofu
Raunvísindastofnunar árið 1969. Hann var lektor og síðar dósent í
eðlisfræði á árunum 1971–89 er hann varð prófessor í vísindasögu.
Þorsteinn er frumkvöðull í kennslu og rannsóknum í vísindasögu við
Háskólann og hefur unnið ötult starf við miðlun vísindaþekkingar til
almennings og vísindasamfélagsins. Hann hefur frá upphafi verið
aðalritstjóri Vísindavefsins, þar sem svarað er spurningum á hvaða
fræðasviði sem er, og hefur hlotið margvíslegar viðurkenningar fyrir
framlag sitt til vísindamiðlunar. Mesta rit hans er tveggja binda verkið
Heimsmynd á hverfanda hveli. Sagt frá heimssýn vísindanna frá öndverðu
fram yfir daga Newtons sem kom út á árunum 1986–87.
Ritnefnd skipa Einar H. Guðmundsson, Eyja Margrét Brynjarsdóttir,
Gunnar Karlsson, Orri Vésteinsson og Sverrir Jakobsson.
Ritið verður 332 bls., vandað og veglegt í alla staði. Þeir sem vilja
heiðra Þorstein Vilhjálmsson að þessu tilefni, geta gerst áskrifendur
að bókinni og fá nafn sitt (og maka) eða stofnunar birt með nöfnum
annarra áskrifenda á heiðursskrá.
Senda má skráningu í netfangið hib@islandia.is
eða hringja í síma 588-9060.
hið íslenska bókmenntafélag, skeifunni 3b, 108 reykjavík
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
DÓMSMÁL Tveir menn um tvítugt
hafa verið dæmdir í 45 daga
skilorðsbundið fangelsi fyrir
að ganga í skrokk á fjórtán ára
pilti.
Þeir réðust á piltinn utandyra
í Mosfellsbæ, slógu hann með
krepptum hnefa í andlit og slógu
einnig og spörkuðu í líkama
hans er hann lá í götunni. Fram-
tönn í efri gómi fórnarlambsins
brotnaði, vinstri framtönn í efri
gómi losnaði og pilturinn hlaut
mar á andliti, höfði og brjóst-
kassa og sár í munni sem sauma
þurfti með þremur sporum.
Mennirnir játuðu verknaðinn
sem þeir frömdu þegar þeir
voru átján ára. - jss
Tveir um tvítugt dæmdir:
Réðust á fjór-
tán ára pilt
Dæmd fyrir ellefu brot
Kona hefur verið dæmd í Héraðsdómi
Reykjavíkur í sex mánaða skilorðs-
bundið fangelsi fyrir tvö umferðar-
lagabrot, tvö fíkniefnabrot, sex
þjófnaði og eitt innbrot.
DÓMSTÓLAR
Björgunarskip sótti bát
Beiðni um aðstoð Gunnars Friðriks-
sonar, björgunarskips SL á Ísafirði,
barst í fyrradag vegna báts sem fékk
færi í skrúfuna. Björgunarskipið lét úr
höfn án tafar og dró bátinn til hafnar í
Bolungarvík vandræðalaust.
ÖRYGGISMÁL
Bensínþjófur dæmdur
Karlmaður hefur verið dæmdur í sex-
tíu daga skilorðsbundið fangelsi fyrir
brot á umferðarlögum með því að
aka réttindalaus. Þá stal hann hvað
eftir annað bensíni, sem hann dældi
á bíl og ók á brott án þess að borga.
KJARAMÁL Sjúkraliðar krefjast
þess að laun þeirra hjá ríkisstofn-
unum verði leiðrétt og að þegar
verði samið við stéttina sem verið
hefur með lausa samninga vel á
annað ár. Trúnaðarmenn sjúkra-
liða telja að stéttin hafi dregist
verulega aftur úr sambærilegum
stéttum hvað varðar laun, þá sér-
staklega karlastéttum sem nýver-
ið hafa samið við ríkið um launa-
hækkanir.
Sjúkraliðar hvetja fjármálaráð-
herra til að leiðrétta kynbundinn
launamun. - sv
Sjúkraliðar krefjast endurbóta:
Vilja aðgerðir í
launamálum
ÞÝSKALAND Ríkiseinokun á nokkrum
tegundum happdrættis, sem tíðkast
hefur lengi í Þýskalandi, stenst ekki
lög Evrópusambandsins samkvæmt
úrskurði Evrópudómstólsins.
Um er að ræða lottó, getraunir
og fleiri happdrætti, sem áratugum
saman hafa notið mikilla vinsælda
í Þýskalandi. Til þess að vernda
spilafíkla var ákveðið að einungis
hið opinbera gæti starfrækt þessa
starfsemi.
Rök dómstólsins eru þau að for-
varnagildið, sem er réttlæting þessa
fyrirkomulags í Þýskalandi, stand-
ist enga skoðun vegna þess að ríkis-
happdrættið er auglýst grimmilega
í Þýskalandi.
Dómstóllinn bendir einnig á að
einkaaðilar hafi fengið leyfi til að
starfrækja gríðarlegan fjölda af
spilakössum víðs vegar um land.
„Undir þessum kringumstæðum
er ekki lengur hægt að ná forvarna-
tilgangi einkaréttarins, þannig að
ekki er lengur hægt að réttlæta ein-
okunina,“ segir í úrskurði dómstóls-
ins. - gb
Einkaréttur þýska ríkisins á happdrætti stenst ekki Evrópusambandslög:
Forvarnagildið er marklaust
LOTTÓMIÐAR ÚTFYLLTIR Vegna þess hve
ríkið auglýsir grimmt verður ekkert úr
forvarnagildi ríkiseinokunar.
ALÞINGI Alþingi samþykkti í gær lög
um hópmálsóknir og tóku þau þegar
gildi. Allir viðstaddir þingmenn
greiddu frumvarpinu atkvæði sitt.
Í frumvarpinu er þeim sem telja
sig eiga sams konar dómkröfur á
hendur sama aðila af sama tilefni
heimilað að stofna svokallað mál-
sóknarfélag utan um málarekstur-
inn, þannig að hver og einn þurfi
ekki að reka sjálfstætt mál með til-
heyrandi óhagræði fyrir alla sem
hlut eiga að máli, bæði málsaðila
og dómstóla.
Hugmyndir hafa lengi verið uppi
um að heimila með lögum hópmál-
sóknir á Íslandi. Þar til nýlega var
hins vegar jafnan horfið frá því
vegna þess að ekki var við norræn-
ar fyrirmyndir að styðjast. Árið
2003 voru lög af þessu tagi hins
vegar innleidd í Svíþjóð og árið
2008 í Danmörku, Finnlandi og
Noregi.
Að því er segir í greinargerð með
frumvarpinu er lögunum ætlað að
greiða fyrir aðgangi að dómstól-
um. Úrræðið er einkum fyrir þau
tilvik þegar fjöldi manna telur sig
eiga fjárkröfur af sama tilefni en
krafa hvers og eins er svo lág að
það myndi ekki svara kostnaði
fyrir hvern og einn að höfða sér-
stakt dómsmál. - sh
Þeir sem eiga sams konar kröfur geta nú stofnað félög utan um málsóknir:
Lög um hópmálsóknir samþykkt
HÉRAÐSDÓMUR REYKJAVÍKUR Nýju
lögin kunna að létta álagi af dómstólum
landsins. FRÉTTABLAÐIÐ / GVA
N
O
R
D
IC
PH
O
TO
S/A
FP
VEISTU SVARIÐ?