Fréttablaðið - 13.09.2010, Blaðsíða 8
8 13. september 2010 MÁNUDAGUR
Þingmannanefnd um skýrslu rann-
sóknarnefndar Alþingis segir
skýrsluna vitnisburð um þróun
íslensks efnahagslífs og samfélags
undangenginna ára.
„Alþingi ályktar að skýrsla
rannsóknarnefndar Alþingis sé
áfellisdómur yfir stjórnvöldum,
stjórnmálamönnum og stjórnsýslu,
verklagi og skorti á formfestu.
Alþingi ályktar að stjórnendur
og helstu eigendur fjármálafyrir-
tækja á Íslandi beri mesta ábyrgð
á bankahruninu. Alþingi ályktar
að eftirlitsstofnanir hafi brugðist,“
segir í sameiginlegri þingsálykt-
unartillögu nefndarinnar.
Þá segir þingmannanefndin mik-
ilvægt að Alþingi verji og styrki
sjálfstæði sitt og grundvallar-
hlutverk. „Alþingi ályktar að taka
verði gagnrýni á íslenska stjórn-
málamenningu alvarlega og leggur
áherslu á að af henni verði dreg-
inn lærdómur,“ segir í tillögunni.
„Alþingi ályktar að mikilvægt sé
að allir horfi gagnrýnum augum á
eigin verk og nýti tækifærið sem
skýrslan gefur til að bæta samfé-
lagið.“
Lagðar er til ýmsar aðgerðir til
úrbóta. Endurskoða þurfi löggjöf á
mörgum sviðum, til dæmis um ráð-
herraábyrgð og Landsdóm og um
stjórnarráðið. Einnig stjórnsýslu-
lög, upplýsingalög, lög um háskóla
og fjölmiðla og lög um réttindi og
skyldur ríkisstarfsmanna.
Þá þurfi að endurskoða lög um
fjármálamarkaði, um skyldutrygg-
ingu lífeyrisréttinda og starfsemi
lífeyrissjóða, um eftirlit með fjár-
málastarfsemi á vettvangi Seðla-
bankans, fjármálaeftirlitsins og
annarra eftirlitsaðila. Gera þurfi
viðbragðsáætlun við fjármálaá-
falli.
Í tillögunum felst að setja á fót
sjálfstæða ríkisstofnun til að fylgj-
ast með þjóðhagsþróun og gera
þjóðhagsspá.
Rannsaka á starfsemi lífeyris-
sjóða og aðdraganda og orsakir
falls sparisjóða á Íslandi frá því
að viðskipti með stofnfé voru gefin
frjáls.
Gera á stjórnsýsluúttekt á Fjár-
málaeftirlitinu og Seðlabankanum
og meta kosti og galla þess að sam-
eina starfsemi stofnananna.
Fjórir fulltrúar þingmanna-
nefndarinnar vildu rannsókn á
einkavæðingu ríkisviðskiptabank-
anna en fulltrúar Sjálfstæðisflokks
og Framsóknarflokks töldu slíka
rannsókn engu mundu skila. For-
maður nefndarinnar, Atli Gísla-
son úr Vinstri grænum, sat hjá í
málinu og tillaga um slíka rann-
sókn var ekki samþykkt. Nefnd-
in var hins vegar sammála um
að í skýrslu rannsóknarnefndar
Alþingis væri áfellisdómur yfir
verkferlinu við sölu ríkisbankanna
og vinnubrögðum viðkomandi ráð-
herra. gar@frettabladid.is
Alþingi segir ábyrgð
helst hjá bankafólki
Stjórnmálamenn, eftirlitsaðilar og stjórnsýslan brugðust í aðdraganda hrunsins
segir þingmannanefnd. Mesta ábyrgð beri hins vegar stjórnendur og eigendur
fjármálafyrirtækja. Endurbæta á lög og starfshætti og hefja nýjar rannsóknir.
SÓTT AÐ ALÞINGI Gríðarleg reiðialda
veturinn sem fjármálakerfið hrundi
bitnaði ekki síst á Alþingi. Hér verja
lögreglumenn Alþingishúsið í hörðum
mótmælum 21. janúar 2009.
FRÉTTABLAÐIÐ/STEFÁN
Gríðarlega gott gagn
„Ég ætla ekki
að úttala mig
um skýrsluna
fyrr en ég er
í fyrsta lagi
búinn að lesa
hana,“ segir
Steingrímur J.
Sigfússon, for-
maður Vinstri
grænna, sem
var þó langt
kominn með hana um miðjan
dag í gær. „Ég er búinn að lesa
síðan átta á laugardagskvöld. Ég
ætla eins og aðrir að klára það,
hlusta síðan á framsögurnar og
taka þátt í umræðum á Alþingi.
Mér finnst það rétti vettvang-
urinn.“
Steingrímur telur að skýrsla
þingmannanefndarinnar sé
gríðarlega gott gagn. „Ég held
að hún sé mjög vel unnin og
nefndin á heiður skilinn fyrir
rækilega yfirferð á öllu því sem
henni var sett fyrir.“
Hann segist þegar hafa kynnt
sér fylgiskjölin. „Það eru mjög
áhugaverðar upplýsingar í
þeim, þannig að þarna er mik-
ill efniviður að vinna úr og góð
leiðsögn að mestu leyti í fram-
haldinu,“ segir Steingrímur
og hvetur alla til að verða sér
úti um skýrsluna og kynna sér
hana. „Hún er nauðsynleg við-
bót við skýrslu sjálfrar rann-
sóknarnefndarinnar sem er svo
gríðarlega umfangsmikil að það
er gott að fá svona samantekt
eins og þarna er gerð af hálfu
nefndar Alþingis.“
- mmf
Ekki tilefni til ákæru
„Nefndin hefur
unnið mikið
verk sem birt-
ist í þessari
umfangsmiklu
skýrslu og það
gefur vonir
um samstöðu
að allir nefnd-
armenn standa
saman að til-
lögu um aðgerð-
ir,“ segir Bjarni Benediksson,
formaður Sjálfstæðisflokksins.
„Síðan er það annað mál að ég
tel ekki vera tilefni til þess að
gefa út ákæru á hendur ráðherr-
um í ríkisstjórn Geirs Haarde,“
upplýsir Bjarni sem segir ástæð-
una vera þá að hann telur ráð-
herrana ekki hafa sýnt af sér
ásetning eða stórkostlegt hirðu-
leysi í embættisfærslum sínum
þrátt fyrir að gagnrýna megi
eitt og annað í störfum þeirra.
Bjarna finnst ákærurnar
ekki standa á nægilega traust-
um grunni. „Mér finnst að þær
séu ekki nægilega vel rökstudd-
ar. Það á bæði við um að sak-
næmisskilyrði séu uppfyllt og að
verknaðarlýsingarnar séu nægi-
lega skýrar til þess að hægt sé
að fallast á þær. Ég tel að það
sé ekki með nokkurri sanngirni
hægt að halda því fram að þeir
ráðherrar sem stóðu í þess-
um sporum hafi mátt gera sér
grein fyrir því að með athöfn-
um eða athafnaleysi væru þeir
að fremja refsiverðan verknað.“
- mmf
Óflokkspólitískt mál
„Ég er enn þá
að fara yfir
gögnin og geri
ekki ráð fyrir
að tjá mig um
þetta fyrr en
í ræðu í þing-
inu,“ segir Sig-
mundur Davíð
Gunnlaugsson,
formaður Fram-
sóknarflokksins, inntur eftir
viðbrögðum við skýrslu þing-
mannanefndar um rannsóknar-
skýrslu Alþingis.
Þegar Sigmundur er spurður
um klofning innan nefndarinn-
ar um hvaða fyrrverandi ráð-
herra eigi að draga fyrir Lands-
dóm segir hann: „Það getur verið
tilviljun að þetta skiptist eftir
flokkum. Hjá okkur lá strax fyrir
að þetta væri óflokkspólitískt
mál. Mér og okkur öllum skildist
að þetta ætti ekki að vera flokks-
pólitískt.“ - mmf
Stenst að ákæra fjóra
„Skýrslan er
mjög merki-
legt og vandað
plagg,“ segir Þór
Saari, varaþing-
flokksformað-
ur Hreyfingar-
innar. „Stóra
skýrslan sjálf,
sem snýr að
þeim úrbótum
sem nefndin leggur til, er mjög
mikilvægt innlegg inn í þær endur-
bætur sem þarf að gera á íslensku
samfélagi og pólitíkinni.“
Inntur eftir skoðun sinni á
þeirri niðurstöðu nefndarinnar að
draga fjóra ráðherra fyrir Lands-
dóm segir Þór: „Þó að ég sé ekki
löglærður maður þá sýnist mér
að sú niðurstaða fimmmenning-
anna í nefndinni, að kalla fjóra
ráðherra fyrir Landsdóm, stand-
ist fyllilega,“ segir Þór og bætir
við að eftir eigi að ræða málið
á Alþingi og að þar geti komið
fram ýmis atriði. „Það kemur þá
bara í ljós hvort það verða ein-
hver atriði sem breyta þessu.“
- mmf
Guðbjartur
Hannesson,
ráðherra Sam-
fylkingarinn-
ar, var búinn
að lesa stóran
hluta skýrsl-
unnar þegar
náðist í hann í
gærkvöldi. „Ég
ætla að fara vel
yfir hana og hlusta á alla umræð-
una á morgun og draga mínar
ályktanir þegar ég er búinn að
fara vel yfir málsatvik og rök-
stuðning.“
Inntur eftir skoðun sinni á
ákæru ráðherranna fjögurra
fyrir landsdómi segir Guðbjart-
ur: „Ég ætla að heyra hvernig
menn rökstyðja þetta á morgun
og á hverju afstaðan er byggð.
Ég hef ekki haft tækifæri til að
heyra það frá öllum en mér skilst
að nefndarmenn fái að tjá sig og
þá hlusta ég á það.“ - mmf
Bíður umræðu á þingi
STEINGRÍMUR J.
SIGFÚSSON
BJARNI
BENEDIKTSSON
SIGMUNDUR D.
GUNNLAUGSSON
ÞÓR SAARI
GUÐBJARTUR
HANNESSON
Ný vinnubrögð
Þann 15. ágúst 2010 tók gildi samkomulag ASÍ og SA
um vinnustaðaskírteini og eftirlit á vinnustöðum.
Markmið samkomulagsins er að tryggja að allir atvinnurekendur og starfsmenn þeirra fari
að gildandi lögum, reglugerðum og kjarasamningum.
Það er mikilvægt að fyrirtæki sitji við sama borð og fari öll að leikreglum en vinnustaða-
skírteinum er m.a. ætlað að vinna gegn svartri atvinnustarfsemi og undirboðum.
Samkomulagið nær í fyrstu til starfsmanna og fyrirtækja í byggingastarfsemi og
mannvirkjagerð sem og rekstri gististaða og veitingahúsa. Atvinnurekendum í
hlutaðeigandi greinum ber að sjá til þess að starfsmenn þeirra beri vinnustaðaskírteini.
Næstu þrjá mánuði munu eftirlitsfulltrúar veita atvinnurekendum sem samkomulagið nær
til leiðbeiningar um innleiðingu vinnustaðaskírteina. SA og ASÍ hvetja atvinnurekendur til
að bregðast skjótt við og stuðla að heilbrigðu starfsumhverfi á íslenskum vinnumarkaði.
Allar nánari upplýsingar á www.skirteini.is
Vinnu
staða
skírte
ini
Marg
rét Jó
nsdót
tir
Starfs
maðu
r
Kt. 12
3123-
1231
Matfö
ng eh
f.
Svann
ahöfð
a 12,
112 R
eykja
vík
Kt. 12
3123-
1231
E
N
N
E
M
M
/
S
ÍA
/
N
M
43
10
7
SKÝRSLA ÞINGMANNANEFNDAR: Niðurstöður um skýrslu rannsóknarnefndar Alþingis