Fréttablaðið - 13.09.2010, Blaðsíða 37
híbýli og viðhald ● fréttablaðið ●MÁNUDAGUR 13. SEPTEMBER 2010 3
● VIÐHALD Á HAND-
VERKFÆRUM Ef verkfæri á
að endast þarf að meðhöndla
það með umhyggju.
• Geymdu eggverkfæri aldrei
í verkfærakassa nema á því sé
egghlíf. Notaðu slíðrið sem
fylgdi verkfærinu.
• Til að koma í veg fyrir að verk-
færi ryðgi verður að geyma það
á þurrum stað. Gott er að bera
dálitla olíu á stál til að vernda
það burtséð frá því hvar verk-
færin eru geymd. Settu nokkra
dropa í tusku og strjúktu þunnt
lag á. Heimild: Verk að vinna.
Drífa Bjarnadóttir, líffræðingur
og fiskeldisfræðingur, stendur
í fjörugum framkvæmdum
í Vík í Mýrdal þar sem hún,
ásamt eiginmanni sínum,
byggir tveggja hæða
einbýlishús og hyggst auk þess
reisa fiskeldisstöð.
Drífa Bjarnadóttir er menntaður
líffræðingur og fiskeldisfræðingur
en hún ólst upp í Vík í Mýrdal. Eftir
að hafa búið í Reykjavík í nokkur
ár flutti hún aftur heim fyrir um
tveimur árum, enda fáir jafn góðir
staðir eins og Vík til að ala upp börn
að hennar sögn en Drífa á þrjú börn.
Hún byggir nú tveggja hæða einbýl-
ishús í Króktúni í Vík ásamt eigin-
manni sínum og enn sem komið er
húsið eina húsið í götunni.
„Það er gert ráð fyrir fleiri
húsum við götuna og vonandi verða
þau það. Nokkur uppbygging hefur
verið á staðnum síðustu ár, en í
Vík búa um 370 manns. Auk minna
framkvæmda er verið að byggja
tvö önnur hús hér á staðnum,“ segir
Drífa. „Við byrjuðum af krafti í
apríl en grunnurinn var grafinn í
byrjun desember í fyrra. „Lengst
af vorum við bara tvö til þrjú að
vinna saman í húsinu en erum búin
að vera sex í sumar. Eins og stend-
ur er neðri hæðin komin og verið að
steypa gólfplötuna á efri hæðinni,
og um leið og það er búið verður
húsið fljótt orðið fokhelt.“
Planið er að flytja inn í húsið
fyrir jól, sem einverjir telja bjart-
sýni að sögn Drífu, en það er í nægu
að snúast þar sem hún ætlar auk
þess að koma fiskeldisstöð á lagg-
irnar í haust sem hún mun starf-
rækja með fjölskyldu sinni. „Við
ætlum að byrja í haust að byggja
hús undir þá starfsemi í Meðalland-
inu en við þurfum að leggja vatn
Finnst skemmtilegast að steypa
Drífa Bjarnadóttir við fyrstu skóflustunguna. Hún segir engan
hissa á framkvæmdagleði hennar í Vík, þar gangi allir í öll verk. Húsið stendur við Króktún í Vík.
Útsýnið frá húsinu er óviðjafnanlegt. MYNDIR/ÚR EINKASAFNI
og vinna alla grunnvinnu sjálf því
eins og stendur er ekkert þarna. Við
stefnum að því að hafa alla starf-
semina innandyra.“
Drífa gengur í öll verk sjálf og
finnst það gaman en auk fram-
kvæmdanna vinnur hún fullan
vinnudag. „Ég þyrfti helst að geta
sleppt því að sofa en mér finnst
gaman að vita að maður hefur tekið
þátt í ferlinu sjálfur. Ætli mér finn-
ist ekki skemmtilegast að steypa í
ferlinu, þá finnst manni verkinu
nærri lokið og sér varanlegan ár-
angur. Nei, það er enginn hissa á því
að maður standi í þessu hér í Vík,
allir eru allt í öllu og vanir að ganga
í ýmis verk.“
Drífa segir kostina við að byggja
marga. „Við létum teikna húsið upp
eftir okkar hugmyndum og vitum
því hverju við göngum að. Húsið
stendur á hæð og byggingin miðar
að því að maður njóti útsýnisins til
fulls. Fullnægjan er mikil að vita
að maður var með puttana í þessu
sjálfur. Ætli maður verði ekki líka
sparsamari, maður veit hvað hver
naglapakki og spýta kostar.“
- jma
Með örlítlu hugviti og hugmynda-
auðgi er hægt að breyta látlausri
kommóðu í hið mesta stofustáss.
Á vefsíðunni www.diyideas.com
er að finna fjölda hugmynda og leið-
beininga um hvernig hægt er að gera
hlutina sjálfur á heimilinu. Bæði má
þar finna einföld verkefni og flókin
og meðal annars er þar sagt og sýnt
hvernig breyta má látlausri komm-
óðu á þrenns konar máta.
Með skemmtilegu veggspjaldi
til að mynda í anda Andy War-
hol verður kommóðan kúl og töff.
Einnig má láta stækka uppáhalds-
ljósmyndir úr myndaalbúminu
og ljá kommóðunni persónuleg-
an stíl.
Næsta hugmyndin sem mælt er
með á vefsíðunni er að gefa komm-
óðunni ríkulegan blæ með því að
líkja eftir leðri. Með því að mála
kommóðuna í leðurbrúnum lit og
teikna „sauma“ meðfram hornum
með gullpenna verður kommóðan
líkt og leðurklædd.
Antík heillar marga og auðveld-
lega er hægt að láta nýja kommóðu
líta út fyrir að vera gömul með sér-
stakri málningu og nokkrum gam-
aldags handföngum sem víða fást.
- sg
Kommóða á þrjá vegu
Á vefsíðunni www.diyideas.com er sýnt
hvernig má breyta látlausri kommóðu.
● VIÐHALD GAMALLA
TIMBURHÚSA Iðan fræðslu-
setur held-
ur mörg
námskeið í
bygginga-
og mann-
virkjagerð.
Eitt ber yf-
irskriftina
Viðhald og
viðgerðir gamalla timburhúsa.
Á því öðlast þátttakendur þekk-
ingu á undirstöðum og burð-
arvirki eldri timburhúsa. Gömul
hús sem hafa verið endurbyggð
eru skoðuð og farið yfir frágang
bæði innanhúss og utan. Þátt-
takendur öðlast leikni í að meta
varðveislugildi húsa og breyt-
ingar sem hafa verið gerðar á
þeim frá því að þau voru byggð.
Námskeiðið hefst 15. októb-
er og er haldið í samvinnu við
Húsafriðunarnefnd og Minjasafn
Reykjavíkur. Kennsla fer fram í
Árbæjarsafni.
Viðhaldsfríar
ÞAKRENNUR
Smiðjuvegi 4C
Box 281 202 Kópavogur
Sími 587 2202 Fax 587 2203
hagblikk@hagblikk.is www.hagblikk.is
Varmaskiptasamstæður
loftræstistokkar og tengistykki
Hágæða
Þegar hús eru klædd með „viðhaldsfrírri“ klæðningu er nauðsynlegt að nota „viðhaldsfríar“ þakrennur.
Rennurnar frá Grövík Verk í Noregi eru gerðar úr 0,9 mm áli og tærast ekki, ryðga, né brotna.
Fyrsta rennan var framleidd árið 1956 og er enn í notkun.
Litir til á lager: Svartar, hvítar, rauðbrúnar og ólitaðar.
A
u
g
l.
Þ
ó
rh
il
d
a
r
1
4
6
0
.2
4