Fréttablaðið - 12.10.2010, Blaðsíða 16
16 12. október 2010 ÞRIÐJUDAGUR
SEND IÐ OKK UR LÍNU
Fréttablaðið og Vísir hvetja lesendur til að senda línu og leggja orð í belg um málefni
líðandi stundar. Greinar og bréf skulu vera stutt og gagnorð. Tekið er á móti efni
á netfanginu greinar@frettabladid.is eða á vefsíðu Vísis, þar sem finna má nánari
leiðbeiningar. Ritstjórn ákveður hvort efni birtist í Fréttablaðinu eða Vísi eða í báðum
miðlunum að hluta eða í heild. Áskilinn er réttur til leiðréttinga og til að stytta efni.
Egill Helgason stýrir tveim þátt-um í Ríkissjónvarpinu, báðum
afbragðsgóðum.
Ég hef passað upp á að missa
helst aldrei af Kiljunni.
28. september síðastliðinn lét
ég mig ekki vanta við sjónvarps-
skjáinn. Þátturinn olli mér ekki
vonbrigðum frekar en fyrri dag-
inn, þangað til kom að innleggi
Braga Kristjónssonar.
Í upphafi spjalls þeirra bað Bragi
Egil að lesa upp ljóð í sinn stað eftir
einhvern mesta snilling sem Bragi
hefði kynnst á sviði atómljóðlistar
þar sem Bragi taldi Egill miklu
betri lesara. Egill brást við göfug-
mannlega og las þetta „ljóð“ hátt
og fallega. „Ljóðið“ var subbuleg
níðvísa um Ingibjörgu Sólrúnu.
Nú spyr ég þig Egill: Ertu til í
að birta níðvísur eftir mig í þætti
þínum? Já, ég hef nefnilega verið
að fást við nútíma skáldskap og
aðallega níðvísur um pólitíska and-
stæðinga mína. Vísurnar mínar eru
mjög mergjaðar. Allar um karla.
Ég reyndi að hringja í þig Egill
en þú ert ekki í símaskránni. Hvers
vegna?
Ég verð að játa að ef þessi þáttur
þinn á að gefa elliærum kvenhötur-
um færi á að fá útrás fyrir hatur
sitt á konum þá má taka hann út
af dagskrá sjónvarpsins mér að
meinalausu.
Ég hélt satt að segja að dóm-
greind þín á bókmenntum væri á
hærra plani.
Karlar sem hata konur
Hvað þarf að gerast til þess augu alþingismanna opnist og
þeir taki höndum saman og leysi
vanda þjóðarinnar? Þurfa 200
læknar að flytjast burtu af land-
inu? Þarf að bjóða upp 2.000 íbúðir
á einum mánuði? Þurfa 100 þúsund
manns að koma saman í miðborg
Reykjavíkur til að augu alþingis-
manna opnist?
Hvers vegna er ekki lagður
skattur á inngreiðslur í lífseyris-
sjóði, skattur sem færir ríkissjóði
tugmilljarða á ári meðan þörfin er
mest? Í stað þess eru fjárveitingar
til skóla og sjúkrastofnana skornar
niður og atvinnuleysi og vanlíðan
aukin.
Hvers vegna eru vextir ekki
lækkaðir til þess að koma atvinnu-
lífinu af stað? Hvers vegna er ekki
ráðist í að fullvinna heima allan
fiskaflann? Hvers vegna er ekki
þegar í stað ráðist í að nýta alla
gufu úr jarðvarmaveitum til þess
að efla grænmetis- og ávaxtarækt
í landinu?
Síðast en ekki síst: Hvers vegna
er ekki helmingur af hagnaði nýju
bankanna við yfirtöku gömlu bank-
anna notaður til þess að bjarga
ungu fólki frá fjárhagslegu og til-
finningalegu gjaldþroti? Það eru
þúsund leiðir til bjargar ef augu
alþingismanna opnast – og þeir
þora!
Hvað þarf að gerast?
Allir verða að vanda sig
Ekki hefur farið framhjá nein-um að ástandið í samfélaginu
er erfitt. Atvinnuleysi er umtals-
vert og margir eiga í fjárhags-
legum og þar af leiðandi sárum
persónulegum erfiðleikum. Nú
vill svo til að ég þekki talsvert
af fólki sem hefur misst vinn-
una og sér ekki fyrir endann á
því hvernig það á að geta staðið
undir skuldbindingum sem það
tók á sig í góðri trú um að geta
staðið í skilum. Framtíðaráform,
sér í lagi ungs barnafólks, hafa
breyst og vonbrigðin eru mikil.
Fátt er mikilvægara en að rétta
hlut þessa fólks.
Ríkisstjórn vinstriflokkanna
hefur lagt sig fram í þeim efnum
en betur má ef duga skal.
Við aðstæður vonbrigða er jarð-
vegurinn opinn fyrir þá sem vilja
ala á reiðinni. Stjórnmál dóm-
hörku og heiftar virðast því miður
blómstra hjá sumum stjórnmála-
mönnum Sjálfstæðisflokksins við
aðstæður sem þessar. Ósannindin
og sleggjudómarnir birtast meðal
annars í síendurteknum fullyrð-
ingum um að ég stoppi allt og sé
á móti framförum! Ég ætla ekki
að hafa hér eftir þau ummæli sem
um mig hafa verið höfð á Alþingi
og í fjölmiðlum. En hins vegar tel
ég mér skylt að leiðrétta helstu
rangfærslur sem á hafa gengið
undanfarna daga og vikur. Hérna
eru nokkrar staðreyndir:
Helguvík
Óvissuþættir varðandi fram-
kvæmdina í Helguvík eru fjöl-
margir og ber þar hæst orku-
öflun og fjármögnun. Enn er
ekki vitað hvaðan sú orka á að
koma eða hvort hún sé yfir höfuð
til. Þar stendur einnig á fjár-
magni til þess að byggja höfn
fyrir álverið. Þar vantar fé til að
virkja. Allar skipulagstillögur
sem ég hef fengið til staðfest-
ingar og lúta að þessari fram-
kvæmd hafa verið afgreiddar í
umhverfisráðuneytinu að einni
undanskilinni. Þar er um að ræða
breytingu á aðalskipulagi Ölfuss
vegna fyrirhugaðrar Hverahlíða-
virkjunar og Bitruvirkjunar þar
sem ég hef lýst mig vanhæfa til
að taka ákvörðun um þann þátt
skipulagsins. Vandinn varðandi
Helguvíkur verkefnið liggur í því
að hugmyndin snýst um óraun-
hæft umfang, risaverksmiðju sem
ekki er til orka fyrir. Ekki í ein-
stökum skipulagsákvörðunum.
Skipulag Ölfuss
Staðreyndir um afgreiðslu skipu-
lags Ölfuss eru þessar: Þegar
málið kom á borð til mín til
afgreiðslu seinni hluta ágústmán-
aðar bað ég um að kannað yrði
hæfi mitt til að taka ákvörðun
í málinu. Fór málið strax í þann
farveg sem gildir ef vafi leikur á
hæfi ráðherra, þ.e. að rannsaka
hæfið og, tilkynna forsætisráð-
herra ef ráðuneytið telur um van-
hæfi að ræða. Forsætisráðherra
tekur síðan málið upp í ríkisstjórn
sem er að lokum staðfest af for-
seta Íslands. Mál koma almennt
ekki á borð ráðherra fyrr en
málið er tækt til afgreiðslu. Það
er að segja þegar að öll gögn sem
varða málið liggja fyrir og tryggt
er að mál sé nægilega upplýst,
aðilar hafi notið andmælaréttar
og að málsmeðferð sé í samræmi
við stjórnsýslulög.
Áfrýjunin
Um aðalskipulag Flóahrepps og
áfrýjun héraðsdóms er þetta að
segja: Greiðslusamkomulag milli
Landsvirkjunar og Flóahrepps
hefur verið umdeilt og sætti m.a.
kæru hjá samgönguráðuneytinu
sem var í fyrstu vísað frá en í kjöl-
far athugasemda umboðsmanns
Alþingis var kæran tekin fyrir
aftur. Samgönguráðuneytið lýsti
6. gr. umrædds samkomulags
ólögmæta vegna fyrirmæla 34. gr.
skipulags- og byggingarlaga. Um
lögmæti þessa samkomulags er
deilt og því málið fyrir dómstól-
um. Þeir sem gagnrýna áfrýjun
mína í þessu máli verða að gera
sér grein fyrir því að það er ekki
smekksatriði að það séu tvö dóm-
stig á landinu, hver maður og hvert
stjórnvald á rétt til áfrýjunar ekki
bara til þess að freista þess að
hrinda tapi eða ná sigri heldur til
að ná fram skýrari niðurstöðu um
hvernig túlka skuli umdeild laga-
ákvæði.
Aðalskipulag Mýrdalshrepps
Hinn 3. maí sl. mælti Skipulags-
stofnun með að aðalskipulag Mýr-
dalshrepps yrði staðfest en þeim
hluta skipulagsins er varðaði
breytta veglínu Suðurlandsvegar
yrði frestað m.a. vegna formgalla
þar sem samgönguráðherra hafi
ekki úrskurðað um lögmæti máls-
meðferðar við gerð aðalskipu-
lagsins. Málið var hjá samgöngu-
ráðuneytinu frá því 8. maí 2009
og lauk með úrskurði samgöngu-
ráðuneytisins hinn 25. júní 2010. Í
úrskurði samgönguráðuneytisins
var komist að þeirri niðurstöðu að
einn sveitarstjórnar manna hafi
verið vanhæfur til að taka þátt í
afgreiðslu sveitarstjórnarinnar
er varðaði tillögu að nýrri veglínu
þjóðvegar nr. 1 sem taka á upp í
aðalskipulagi Mýrdalshrepps.
Ákvörðunin væri því ógild. Hér
er á ferðinni flókið mál sem taka
þarf afstöðu til en reiknað er með
að niðurstaða liggi fyrir í næstu
viku.
Vatnajökulsþjóðgarður
Hvað viðkemur verndaráætlun
Vatnajökulsþjóðgarðs þá er um
að ræða fyrstu verndaráætlun-
ina í stærsta þjóðgarði Evrópu.
Áætlunin hefur verið til vinnslu
hjá stjórn Vatnajökulsþjóðgarðs
sem skilaði tillögum til mín hinn
8. september sl. Áætlunin er nú til
umfjöllunar hjá ráðuneytinu þar
sem fjallað er bæði um efnislega
og formlega þætti áætlunarinn-
ar. Engar ákvarðanir hafa verið
teknar.
Vinnubrögðin
Af því yfirliti sem birtist hér
á undan sést að ég er að sjálf-
sögðu ekki að tefja nein mál eins
og haldið er fram. Þvert á móti
hefur verið unnið með faglegum
hætti að því að fá fram lausnir
eins hratt og kostur er, en það má
aldrei verða á kostnað vandaðra
vinnubragða. Rannsóknarskýrsla
Alþingis skýrir vel afleiðingu
óvandaðra vinnubragða og þess að
regluverki stjórnsýslunnar er ýtt
til hliðar. Það verða allir að vanda
sig en við sem störfum í umboði
kjósenda verðum að vanda okkur
sérstaklega. Þeir sem hæst hafa
og dýpst taka í árinni mega hug-
leiða það líka.
Stjórnmál
Svandís
Svavarsdóttir
umhverfisráðherra
Ég er að sjálfsögðu ekki að tefja nein
mál eins og haldið er fram. Þvert á
móti hefur verið unnið með faglegum
hætti að því að fá fram lausnir eins
hratt og kostur er, en það má aldrei verða á kostnað
vandaðra vinnubragða.
þjóðmál
Tryggvi
Gíslason
fyrrverandi
skólameistari
Umræðan
Guðrún Helga
Jónsdóttir
fyrrverandi
bankastarfsmaður
Beltin bjarga. Þetta er gullvægt slagorð eins og dæmin sanna. Við spennum
beltið án umhugsunar í upphafi ökuferðar enda er farþegum best borgið
spenntir í sæti sínu við óhapp. Þá verða öryggisbelti að virka rétt. Til viðbótar
við öryggisbelti skoðar Frumherji 166 önnur öryggisatriði í almennri skoðun.
Frumherji – örugg bifrei›asko›un.
Öryggisbelti?
Frumherji hf - sími 570 9000 - fijónustuver og tímapantanir 570 9090 - www.frumherji.is
E
N
N
E
M
M
/
S
ÍA