Fréttablaðið - 12.10.2010, Blaðsíða 30
12. október 2010 ÞRIÐJUDAGUR
menning@frettabladid.is
Leikhús ★★★★
Fólkið í kjallaranum
Borgarleikhúsið
Höfundur: Ólafur Egill Egilsson,
byggt á skáldsögu Auðar Jóns-
dóttur. Leikstjóri: Kristín Eysteins-
dóttir Aðalhlutverk: Ilmur Kristj-
ánsdóttir, Elma Lísa Gunnarsdóttir,
Sigrún Edda Björnsdóttir, Jóhann
Sigurðsson, Guðjón Davíð Karls-
son og fleiri.
Græðgin mætir kæruleysinu í
heillandi leikverki í Borgarleik-
húsinu. Fólkið í kjallaranum var
frumsýnt á laugardagskvöldið.
Auði Jónsdóttur klappað lof í lófa
og Ólafur Egill Egilsson á sannar-
lega hrós skilið fyrir leikgerðina
sem nálgaðist upprunaverkið á trú-
verðugan og næman máta.
Klara er dóttir hippa og eigin-
kona uppa. Kynslóðir klæða lífs-
stíl sinn í búning, allir eru í leit
að sjálfum sér. Klara er dóttir rót-
tækra hjóna sem drekka og rífast
milli þess sem þau njótast og börn-
in skoppa einhvern veginn með án
þess að geta rönd við reist.
Ólafur Egill Egilsson leysir vel
þá þungu þraut að færa bók yfir í
hið leikræna form og persónurnar
sem birtast okkur lifna vel á svið-
inu.
Leikstjórn Kristínar Eysteins-
dóttur er skýr vinna með and-
stæður.
Sýningin stendur og fellur með
aðalpersónunni Klöru sem Ilmur
Kristjánsdóttir er eins og sniðin í.
Það er ekki nokkur leið að afneita
foreldrum sínum og heldur ekki
alveg einfalt að kasta sér af fullri
innlifun inn í einhvern nýjan lífs-
stíl sem á að vera fínni og betri en
sá sem þeir aðhylltust.
Það sem togast á í henni er að
hún er eins og þau, en hún vill
verða eitthvað annað þó hún viti
ekki alveg, hvað þetta annað er.
Hún afneitar um leið og hún er á
kafi í sínu fyrra lífi.
Áhorfendur sátu beggja megin
sviðsins og þó svo að það væri
hægt að sjá hverjir sátu hinum
megin truflaði það engan veginn.
Lausnin var skýr og myndin þjón-
aði verkinu vel. Annars vegar hið
monthanalega eldhús yngri kyn-
slóðarinnar og hins vegar tjald-
útilegan með appelsínugula tjald-
inu sem allir muna eftir (sem lifðu
þá tíma).
Þessi sýning var fantagóð, þar
sem árekstrar hugmyndafræði
mismunandi kynslóða skarast um
leið og hið sammannlega er alls-
ráðandi. Matarboð ungu hjónanna
þar sem víntegundirnar eru fínni
og glösin dýrari heldur en hjá for-
eldrunum er í raun og veru sams
konar fyllerí, bara í öðrum og
smartari búningi. Leitin að leið-
inni til þess að lifa þessu lífi er
allsráðandi. Hlutverkaskipan var
góð þó svo að foreldrarnir hafi
verið nokkuð of ýktir. Þau Jóhann
Sigurðarson og Sigrún Edda
Björnsdóttir léku svolítið lausum
hala og voru ekki nógu trúverðug
sem þeir fulltrúar sem þau áttu
að vera, nefnilega fyrir baráttu
og ákveðna kynslóð. Þau eru bæði
sterk og miklir senuþjófar sem
áhorfendur svolgra í sig af áfergju
og njóta meðan þau öslast um með
argandi nærveru sinni og beittum
húmor en sá há stemmdi leikstíll
strokar svolítið út það sem þau
standa fyrir (eða stóðu fyrir).
Jóhann átti salinn í hvert sinn
sem hann birtist og Sigrún Edda
í hlutverki hinnar sídrukknu
móður þrátt fyrir ömurlegheit-
in var sprenghlægileg á köflum.
Vinkonuna Fjólu sem fylgir Klöru
allan tímann þó lengst af í hennar
huga og hún svo afneitar með því
að þykjast ekki þekkja hana þegar
hún er kominn út á ystu nöf, leikur
Elma Lísa Gunnarsdóttir. Leikur
hennar og hlutverk er skýrt fram-
an af en þegar kemur að ögur-
stundinni verður rof í leikstílnum.
Hefði mátt beita lágstemmdum
ljósum til að skýra betur mörk
lífs og dauða. Þetta var kannski í
rauninni erfiðasta leikræna lausn-
in og því verða lokin svolítið enda-
sleppt.
Guðjón Davíð Karlsson var
góður í hlutverki Svenna, eig-
inmanns Klöru; góður og vel
þenkjandi ungur maður sem legg-
ur áherslu á að þau Klara verði
búin að koma sér vel fyrir í til-
verunni áður en þau fari að leggja
út í barneignir. Foreldrar Klöru
eignuðust bara börn hvort sem
það var skipulagt eða ekki. Guð-
jóni tekst hér vel upp við að skapa
trúverðugan snobb strák, sem þrátt
fyrir yfirbragðið og uppstrílað-
an fatasmekk er líka mjög mann-
legur.
Birgitta Birgisdóttir sem hin
unga smarta eiginkona Bogga á
marga góða spretti og þróast vel í
verkinu. Líkamsbeiting hennar er
eins og sprottin úr smartheita- og
bullustrokkastefnu sjálfsdýrkunar-
innar. Mjög vel gert. Einkar trú-
verðugt þegar hún biður Klöru um
að hlusta á trúnóið.
Þröstur Leó lék manninn í kjall-
aranum, manninn sem var pirr-
andi og um of minnti á eitthvað
ósmart. Hann hefur algert vald á
karakternum.
Kristín Þóra Haraldsdóttir fer
með hlutverk litlu systurinnar
Emblu sem illa fer fyrir og systur-
dótturinnar Nönnu og er það leyst
einfaldan og skemmtilegan hátt
hvernig hún með örlitlum tákn-
um fer milli hlutverkanna. Henni
tekst mjög vel að koma sorginni
og frústrasjóninni til skila. Boggi,
vinurinn í matarboðinu er full-
trúi gungunnar og var Hallgrím-
ur Ólafsson trúverðugur í því hlut-
verki, einkum þegar hann þurfti
að nálgast kótilettukarlinn í kjall-
aranum vegna vandamálsins með
köttinn sem át fuglana.
Ilmur átti sviðið og óx í hlutverk-
inu við hverja raun. Ákall hennar
á breytingar þegar allt er komið
í vitleysu með systurina, lét ekki
nokkurn mann ósnortinn. Þetta
var flottur leikur og allt yfirbragð
persónunnar, búningur hennar,
kjóllinn, klossarnir og peysan eins
og framhald af því sem var.
Niðurstaðan er kannski sú að það
er sama hvernig við rembumst, við
verðum alltaf framhald af því sem
á undan er gengið.
Elísabet Brekkan
Niðurstaða: Fantagóð sýning um
árekstra hugmyndafræði ólíkra
kynslóða.
Gjaldþrota gildismat
Kristinn Sigmundsson óperusöngvari syngur á
fyrstu klassísku tónleikum Frostrósa, sem haldnir
verða í Háskólabíó 19. desember næstkomandi.
Klassísku tónleikarnir eru ný viðbót við jóla-
tónleika Frostrósa, sem hafa átt miklum vinsæld-
um að fagna undanfarin ár. Að þessu sinni verð-
ur boðið upp á tónleika á tólf stöðum vítt og breitt
um landið, en auk þeirra verður nú í fyrsta skipti
boðið upp á eina klassíska tónleika í lok tónleikar-
aðarinnar, rétt áður en jólahátíðin gengur í garð,
þar sem Kristinn Sigmundsson mun syngja, ásamt
öðrum óperusöngvurum.
Frostrósir Klassík verður frábrugðin hinum
hefðbundnu Frostrósatónleikum því um er að
ræða hátíðartónleika þar sem margir af fremstu
einsöngvurum landsins syngja sígilda sálma og
helgilög eftir íslenska og erlenda höfunda. Tveir
fremstu tenórar landsins, þeir Jóhann Friðgeir og
Garðar Thór Cortes koma fram, ásamt sópransöng-
konunum Dísellu Lárusdóttur og Grétu Hergils
auk Kristins. Klassískur armur Stórhljómsveitar
Frostrósa, leikur undir stjórn Árna Harðarsonar.
Einnig syngja á tónleikunum félagar úr Karlakór
Fóstbræðra, Óperukórinn og stúlkur úr Stúlknakór
Reykjavíkur.
Kristinn syngur með Frostrósum
FÓLKIÐ Í KJALLARANUM Ilmur Kristjánsdóttir er eins og sniðin í hlutverk aðalpersón-
unnar Klöru.
FROSTRÓSIR Kristinn Sigmundsson óperusöngvari syngur á
fyrstu klassísku tónleikum Frostrósa.
Vinningar afhentir í ELKO Lindum. 199 kr/skeytið.
Með því að taka þátt ertu kominn í SMS klúbb.
SENDU SMS EST ELV
Á NÚMERIÐ 1900
OG ÞÚ GÆTIR UNNIÐ!
FULLT AF AUKAVINNINGUM
TÖLVULEIKIR • DVD MYNDIR
GOS OG MARGT FLEIRA!
10. HVER
VINNUR!
VILTU
VINNA
EINTAK!
KOMIN Á DVD!