Fréttablaðið - 18.10.2010, Blaðsíða 2
2 18. október 2010 MÁNUDAGUR
„Andri, ertu fullur eftirsjár?“
„Nei, nei. Ég er góðglaður.“
Finnskur fréttamaður var á dögunum
rekinn úr starfi eftir að hafa fengið sér
sopa af bjór í beinni útsendingu. Frétta-
maðurinn Andri Ólafsson á Stöð 2 gerði
slíkt hið sama í vikunni en ekki urðu
eftirmál af því.
VIÐSKIPTI Fyrrverandi fjármálastjóri bandaríska
fasteignafyrirtækisins Bayrock Group telur að lán
sem fyrirtækið tók hafi runnið í vasa Tevfiks Arif,
forstjóra þess, og annarra stjórnenda. Lánið hljóð-
aði upp á fimmtíu milljónir Bandaríkjadala, jafn-
virði 5,5 milljarða íslenskra króna, á núvirði.
FL Group tók þátt í nokkrum fasteignaverkefnum
með Bayrock Group í Bandaríkjunum árið 2007.
Arif er viðskiptafélagi bandaríska auðjöfursins
Donald Trump en tvö fasteignaverkefnanna báru
nafn hans. Verkefnunum hafði átt að vera lokið á
þessu ári.
Forstjóri Bayrock Group er grunaður um að hafa
óhreint mjöl í pokahorninu. Hann var handtekinn í
Tyrklandi fyrir um hálfum mánuði og er grunaður
um að hafa stýrt vændishring fyrir aðra auðjöfra.
Handtakan fór fram um borð í skútu við Tyrk-
land en kynsvall var þar í fullum gangi þegar lög-
reglan braust um borð. Bandaríska dagblaðið New
York Daily News sagði Arif hafa í eiginlegum skiln-
ingi verið tekinn með allt niðrum sig. Vændiskon-
urnar voru frá Rússlandi og Úkraínu og nokkrar
voru undir átján ára aldri, að sögn bandarískra
fjölmiðla. - jab
FL Group brigslað um að hafa lent í klóm fjársvikahrappa í Bandaríkjunum:
Tekinn með allt niðrum sig
TRUMP OG HANNES Forstjóri og stjórnendur fasteignafélags
sem FL Group og Donald Trump tengdust eru sakaðir um að
hafa óhreint mjöl í pokahorninu.
SPURNING DAGSINS
ordabok.is
Tölvuorðabókin 2011
komin út
Til að kaupa hana í fyrsta sinn eða til að uppfæra úr
eldri útgáfu, vinsamlega farið á þessa slóð:
http://www.ordabok.is
TRYGGINGAMÁL Tryggingafélagið
Vörður rukkaði viðskiptavin í síð-
ustu viku um 725.396 krónur fyrir
tryggingu á bifhjóli. Gjöldin voru
endurskoðuð þegar eigandi hjóls-
ins setti sig í samband við félagið
sem lækkaði þá iðgjaldið um rúma
hálfa milljón króna.
„Þegar ég fékk reikninginn í
hendurnar stóð ég bara og gapti,“
segir Sigurgrímur Ingi Árnason,
eigandi Yamaha-hjólsins sem átti
upphaflega að tryggja fyrir 725
þúsund krónur. Sigurgrímur fékk
upphæðina lækkaða niður í 197
þúsund krónur eftir að hafa sýnt
fram á flekklausan tuttugu ára
ökuferil.
Steinunn Sigurðardóttir, forstöðu -
maður vátryggingasviðs Varð-
ar, segir að upphæðir sem þessar
komi fram þegar tryggingafélagið
hafi engar upplýsingar um við-
skiptavini. Vörður hvetji fólk þá
hins vegar til þess að koma og gera
grein fyrir sínum málum til þess
að kanna möguleika á endurskoðun
á iðgjöldum.
„Með mótorhjól er það þannig
að þegar engin saga er fyrir hendi
sendum við út greiðsluseðil með
kröfu um staðgreiðslu þar sem
iðgjaldið getur verið á þessu bili,“
segir Steinunn. „En við hvetjum þá
viðskiptavini til þess að koma og
gera grein fyrir sínum málum með
gögnum sem sýna fram á sögu og
tjónareynslu. Þá er hægt að endur-
skoða stöðuna.“
Rúnar Guðmundsson, sviðsstjóri
hjá vátryggingasviði Fjármálaeftir-
litsins (FME), telur ástæðu til að
skoða málið. „Eins og þessu er
lýst þá kemur þetta spánskt fyrir
sjónir. Það er tilefni fyrir okkur
til þess að leita skýringa hjá
viðkomandi félagi og það munum
við gera,“ segir hann.
Rúnar segir að í lögum um
vátryggingar séu ákvæði um að
FME hafi eftirlit með iðgjöldum
á grundvelli vátrygginga með það
fyrir augum að þau séu í samræmi
við þá áhættu sem í vátryggingu
felst og eðlilegan rekstrarkostnað.
„Við hyggjumst afla okkur frekari
upplýsinga,“ segir Rúnar.
Inda Björk Alexandersdóttir,
formaður umferðarnefndar Snigla
og umferðarráðsfulltrúi Umferð-
arstofu, segir að miðað við upp-
lýsingar bifhjólasamtakanna væri
eðlilegt fyrir Sigurgrím að borga
á bilinu 80 til 120 þúsund krónur í
iðgjöld á ári og að öllu jöfnu ættu
þau að lækka eftir fyrsta árið. Tæp
10.000 bifhjól voru skráð á landinu
í lok ársins 2009.
sunna@frettabladid.is
INDA BJÖRK ALEXANDERSDÓTTIR Formaður umferðarnefndar Snigla segir eðlilegt að
borga á bilinu 80 til 120 þúsund krónur í iðgjöld á ári fyrir bifhjól.
FME krefst skýringa
á okri í tryggingum
Nýr viðskiptavinur Varðar fékk rúmlega 725 þúsund króna reikning fyrir trygg-
ingu á bifhjóli. Gjaldið var lækkað um rúma hálfa milljón eftir umkvörtun.
Fjármálaeftirlitið segir tilefni til að rannsaka starfsemi tryggingafélagsins.
Þegar ég fékk reikn-
inginn í hendurnar
stóð ég bara og gapti.
SIGURGRÍMUR INGI ÁRNASON
EIGANDI YAMAHA VÉLHJÓLS
DÓMSMÁL Eva Joly segist ekki
hafa spillt svokölluðu Exeter-máli
sérstaks saksóknara. Röksemda-
færsla Ragnars H. Hall, verjanda
fyrrverandi forstjóra MP banka,
þess efnis sé afleit. Þetta sagði
Eva í Silfri Egils
í gær.
Fréttablaðið
greindi frá
þessari afstöðu
Ragnars fyrir
rúmri viku. Í
greinargerð
sem hann hefur
unnið í málinu
segir að Joly
hafi mælt fyrir um óhefðbundnar
rannsóknaraðferðir í málinu, sem
hafi spillt því.
Eva Joly segir eðlilegt að verj-
endur grípi til þessa ráðs við vörn-
ina. Það sé hins vegar ekkert til að
hafa áhyggjur af. Hún segist sann-
færð um að dómstóllinn muni ekki
taka rökin gild. - sh
Vísar ásökunum á bug:
Eva Joly segist
engu hafa spillt
EVA JOLY
LÖGREGLUMÁL „Þetta er alvarlegt
inngrip í einkalíf dóttur minnar
og við ætlum að kæra þetta til
lögreglu,“ segir Edda Ólafsdóttir,
móðir átján ára stúlku sem varð
fyrir því að óprúttinn aðili setti
auglýsingu í hennar nafni inn á
stefnumótavefinn Einkamál.is.
Auglýsingin og mynd af
stúlkunni var tekin af vefnum
eftir kvörtun Eddu. Engilbert
Hafsteins son, framkvæmdastjóri
afþreyingarfyrirtækisins D3 sem
rekur Einkamál.is, segir nokkur
mál af þessu tagi hafa komið upp.
„Við gerum það sem við getum
til að koma í veg fyrir þau og
aðstoðum lögreglu í alvarlegum
málum. Það leiðinlega við inter-
netið er að þeim sem vilja koma
einhverju þangað inn tekst það
venjulega að lokum.“ - kg
Auglýsing á Einkamál.is:
Ætlar að kæra
til lögreglu
KONGÓ Þúsund konur undir forystu
forsetafrúar Kongó gengu fylktu
liði yfir austurhluta landsins til að
mótmæla hrinu nauðgana sem átt
hafa sér stað í landinu.
Samkvæmt tölum frá Sameinuðu
þjóðunum (SÞ) áttu 303 nauðganir
sér stað í þrettán þorpum á aðeins
þremur dögum. Fámennu liði SÞ
gengur erfiðlega að vernda íbúa
landsins.
Í flestum tilfellum eru gerendur
sagðir úr röðum kongóska hers-
ins. Varnarmálaráðherra landsins
hefur neitað þessu. - sm
Konur ganga saman:
Mótmæla of-
beldi í Kongó
ORKUMÁL Sergei Shmatko, orku-
málaráðherra Rússlands, kom í
opinbera heimsókn til landsins í
gær. Shmatko mun eiga fund með
Katrínu Júlíusdóttur iðnaðar-
ráðherra auk fulltrúa íslenskra
orkufyrirtækja í dag þar sem
samstarf milli þjóðanna á sviði
orkumála verður rætt.
Með Shmatko í för eru Evgeni
Dod, forstjóri orkufyrirtækis-
ins RusHydro, og Alexei Kusmit-
skí, héraðsstjóri Kamatsjaka, en
þar hafa verið gerðar athuganir
á nýtingu jarðhita til húshitunar,
fiskeldis og raforkuframleiðslu
með þátttöku íslenskra aðila. - sm
Ráðherra í heimsókn:
Ræða samstarf
við Rússland
RÆÐA SAMAN Orkumálaráðherra Rúss-
lands, Sergei Shmatko, fundaði í gær
með forseta Íslands. FRÉTTABLAÐIÐ/
SAMFÉLAGSMÁL Allt stefnir í að
frambjóðendur til stjórnlagaþings-
ins verði ríflega 150, en 126 nöfn
voru fram komin í gærkvöldi. Af
frambjóðendunum sem höfðu til-
kynnt framboð sitt í gærkvöldi eru
40 konur. Alls eru 99 þessara fram-
bjóðenda með skráð lögheimili á
höfuðborgarsvæðinu. Þar af eru
76 Reykvíkingar. Framboðsfrest-
ur rennur út um hádegið í dag.
Í frumvarpi til fjáraukalaga sem
lagt var fram á Alþingi á föstudag
kemur fram að undirbúningsnefnd
stjórnlagaþings gerir ráð fyrir að
heildarkostnaður við þinghaldið og
undirbúning þess verði 340,5 millj-
ónir króna og að þar af falli 115,2
milljónir til í ár en 225,3 milljónir á
næsta ári. Auk þess er sótt um 200
milljóna króna fjárheimild vegna
stjórnlagaþingskosninganna 27.
nóvember. Af þeim kostnaði sem
reiknað er með að falli til í ár eru
92 milljónir vegna þjóðfundarins
sem verður haldinn 6. nóvember en
23,5 milljónir vegna annars undir-
búningskostnaðar. Heildarkostn-
aður við þingið mun því losa 500
milljónir standist áætlanir.
Stjórnlagaþingið á að standa í tvo
til fjóra mánuði og verður skipað
minnst 25 og mest 31 þjóðkjörnum
fulltrúa. Þingfulltrúar verða kosn-
ir persónukosningu og er landið eitt
kjördæmi við kosninguna. - shá
Áætlaður kostnaður við stjórnlagaþingið á næsta ári losar 500 milljónir:
Um 130 nöfn þegar komin fram
ÞJÓÐFUNDUR 2009 Fyrsta skrefið er þjóð-
fundur 7. nóvember. FRÉTTABLAÐIÐ/PJETUR
LÖGREGLUMÁL Erlendur ferða-
maður fannst í gærkvöldi eftir
að 40 björgunarsveitarmenn frá
Vestfjörðum höfðu hafið leit með
aðstoð tveggja leitarhunda.
Í tilkynningu frá Landsbjörgu
kemur fram að merktur
rafmagns staur hafi orðið til þess
að konan fannst. Konan var stödd
við rafmagnsstaurinn og gat
gefið upp númer hans. Orkubú
Vestfjarða gaf síðan leitarmönn-
um upplýsingar um staðsetningu
staursins og var konan sótt. Var
hún ágætlega haldin en orðin
nokkuð köld. - shá
Kona villt fyrir vestan:
Merktur staur
auðveldaði leit