Fréttablaðið - 18.10.2010, Blaðsíða 20

18. október 2010 2
Húsið á Grettisgötu 53 er frá
1921 en hefur nú gengið gegnum
algerar endurbætur bæði að
utan- og innverðu. Það skiptist
í nokkrar íbúðir, sem Snæbjörn
Þór segir hugsaðar sem skamm-
tíma leiguhúsnæði með öllum
þægindum í miðbæ Reykjavíkur.
„Fólk þarf ekki að koma með neitt
nema fötin sín,“ bendir hann á.
Allt er hannað inn í íbúðirnar
af húsráðendum og sérsmíðað á
Íslandi. Eldhúsin hjá Hit-innrétt-
ingum í Kópavogi og svefnsófinn
hjá Sólóhúsgögnum og GÁ hús-
gögnum en svampurinn í honum
er frá Lystadúni. „Það sem gerð-
ist við hrunið var að fyrirtækin
hér heima urðu samkeppnishæf í
verði við þau erlendu og skila auð-
vitað líka góðri vöru,“ segir Snæ-
björn Þór. Hann segir markmiðið
að hafa mestmegnis hluti eftir
unga íslenska listamenn og hönn-
uði í húsinu. „Við viljum að fólkið
sem gistir hér sé meðvitað um að
flest hér inni sé búið til á Íslandi,
þannig að það upplifi miðborgina
og stemninguna í menningu og
listum.“ gun@frettabladid.is
Sófinn í stofunni er bæði til setu og
svefns eins og sjá má.
Eldhúsið er í senn
einfalt og einstakt. Er
dálítið stofustáss enda
snýr það fram í stofuna
en æpir þó ekki á
neinn.
Gardínur hafa oft meira að segja en ætla mætti.
Skemmtilegt getur verið að eiga fleiri en einn umgang
fyrir gluggana og skipta út eftir árstíðum eða bara
hvernig liggur á fjölskyldumeðlimum.
Rannsóknir benda til þess að heilsusamlegt sé að hafa lifandi plönt-
ur í híbýlum manna. Gróflega má skipta inniplöntum í tvo flokka:
grænar plöntur sem oftast eru fjölærar, og blómstrandi plöntur
sem ræktaðar eru vegna blómprýði og eru oft einærar. Það
skemmtilega við blómstrandi plöntur er að margar þeirra
eru árstíðabundnar og gefa heimilinu blæ hverrar árstíðar.
Almennt má segja að blómstrandi plöntur þurfi góða vökv-
un og birtu en grænar plöntur minni vökvun, sér í lagi yfir
vetrartímann.
www.byflugan.is
Framhald af forsíðu