Fréttablaðið - 18.10.2010, Blaðsíða 16

18. október 2010 MÁNUDAGUR16
timamot@frettabladid.is
Á þessum degi árið 1991 voru verðlaun og við-
urkenningar veittar fyrir listskreytingar í ráðhús
Reykjavíkur. Myndskreytingu í Borgarstjórnarsal
gerði Kristján Guðmundsson og hlaut 300.000
króna verðlaun fyrir og Ingibjörg S. Haralds-
dóttir, Erla Þórarinsdóttir og Guðrún Erla
Geirsdóttir hlutu viðurkenningu fyrir klæðistjöld
í Tjarnarsalinn.
Markús Örn Antonsson, þáverandi borgar-
stjóri, afhenti verðlaunin og viðurkenningarnar
við athöfn á Kjarvalsstöðum og við það
tækifæri sagði Kristján að verk sitt væri hugsað
frá þeim sjónarhóli að stjórnun borgarinnar
væri eins og að „semja tónverk sem aldrei
lyki“. Hann hrósaði undirbúningsnefnd fyrir
grunnvinnu að sagði að sú vinna hefði létt
undir með listamönnunum. Þá sögðu hönnuðir
klæðistjaldanna að verk þeirra hefði verið tals-
vert flókið, sérstaklega hvað tæknilegu hliðina
varðaði og Guðrún Erla sagði að gaman væri
að vinna að slíku verkefni í samstarfi við aðra
listamenn.
ÞETTA GERÐIST: 18. OKTÓBER 1991
Listskreytingar ráðhússins
EINAR JÓNSSON myndhöggvari (1874-1954) lést þennan dag.
„Listamaðurinn verður að vera sjálfstæður og ausa af sinni eigin auð-
legð en ekki annarra.“
Áttatíu ár eru liðin frá því að Austur-
bæjarskóli tók til starfa. Af því tilefni
verður efnt til hátíðardagskrár næst-
komandi miðvikudag, 20. október, þar
sem skólinn verður opinn fyrir gesti og
gangandi frá klukkan hálfníu um morg-
uninn til átta um kvöldið. Guðmundur
Sighvatsson er skólastjóri Austurbæjar-
skóla og hefur starfað við skólann í
nærri fjörutíu ár.
„Ég hóf kennslu við Austurbæjar-
skóla árið 1973 og ef frá er talinn einn
vetur í Langholtsskóla er þetta eini
grunnskólinn sem ég hef starfað við.
Það eru því miklar tilfinningar í spil-
inu,“ segir Guðmundur. Þegar hann hóf
störf voru enn starfandi kennarar við
skólann sem höfðu verið þar frá upp-
hafi. Guðmundur segir það hafa verið
mikil forréttindi að fá að vinna með og
kynnast því fólki.
„Ég náði að verða samferða sumum
af þessum kennurum þeirra síðustu
starfsár og maður var því svo hepp-
inn að fá að upplifa viðhorf þeirra til
starfsins og kynnast þeirra gildum. Við
skólann hefur starfað margt gott fólk
og óskaplega margir rithöfundar. Má
þar nefna Jóhannes úr Kötlum, Ragn-
heiði Jónsdóttur, Vilborgu Dagbjarts-
dóttur og Stefán Jónsson sem kenndi
hér árum saman. Árlega tek ég á móti
fimm til sex hópum af gömlum nem-
endum, á miðvikudaginn í næstu viku
kemur hingað til að mynda fólk sem var
hjá Stefáni og er fætt árið 1928.“
Skólabyggingin er ein sú veglegasta
sem reist hefur verið hérlendis, en Sig-
urður Guðmundsson teiknaði húsið og
Ásmundur Sveinsson á heiðurinn af
lágmyndum yfir aðaldyrum skólans.
„Mikill metnaður var lagður í allt er
viðkom byggingu skólans á sínum tíma
en margt er auðvitað barn síns tíma.
Kennslustofur voru þá frekar litlar,
enda voru borðin miklu minni en þau
eru nú til dags, kennslubækur minni
í sniðum og skólatöskurnar þynnri.
Fyrirferðin í kringum kennslugögn
og slíkt hefur breyst mikið og segja
má að þau séu plássfrekari í dag. Það
er forvitnilegt að skoða þessa sögu. Á
afmælishátíðinni verðum við með sýn-
ingu í leikfimisalnum á gömlum munum
sem sýna einmitt þróun námsbóka og
kennslugagna en við eigum afar gott
safn af slíku,“ segir Guðmundur og
bætir við að ekki eigi margir skólar
Íslandskort frá árinu 1928.
Dagskráin á miðvikudaginn saman-
stendur af ýmsu skemmtilegu. Má þar
nefna að auk sýningarinnar mun Holl-
vinafélag Austurbæjarskóla taka á móti
gestum í stofu 202 allan daginn og á
annarri hæð verður starfrækt Kaffihús
Helgu Sigurðardóttur, sem kenndi við
skólann frá stofnun hans og til ársins
1942.
Guðmundur segir að stefna skólans
sé meðal annars að gera betur á morg-
un en gert var í dag. „Við erum alltaf að
reyna að bæta okkur en höldum þó vel í
gömul gildi og pössum að gera nemend-
ur okkar að aðalatriði. Þannig eru það
tíundu bekkingar sem sjá um að setja
upp sögusýninguna á afmælinu. Við
lítum á okkur sem eina stóra fjölskyldu
og höfum sterka sýn á þarfir nemenda.
Einkunnarorð okkar eru þau að allir
eru góðir í einhverju og enginn þarf að
vera góður í öllu.“ juliam@frettabladid.is
80 ÁR FRÁ STOFNUN AUSTURBÆJARSKÓLA: AFMÆLISHÁTÍÐ FRAM UNDAN
ERUM EIN STÓR FJÖLSKYLDA
GÖMUL GILDI „Við erum alltaf að reyna að bæta okkur en höldum þó vel í gömul gildi og pössum að gera nemendur okkar að aðalatriði,“ segir
Guðmundur Sighvatsson, skólastjóri Austurbæjarskóla. FRÉTTABLAÐIÐ/GVA
Faðir okkar og tengdafaðir,
afi og langafi,
Guðmundur Ástráðsson
Boðaþingi 5, Kópavogi,
verður jarðsunginn frá Dómkirkjunni í Reykjavík
þriðjudaginn 19. október kl. 11.00.
Magnús Guðmundsson Jónína Pálsdóttir
Guðmundur Örn Guðmundsson Auður Inga Einarsdóttir
Ástráður Karl Guðmundsson Hrefna Guðmundsdóttir
barnabörn og barnabarnabörn.
Faðir okkar, tengdafaðir, afi og langafi,
Haraldur Þorsteinsson
lést á hjúkrunardeild Hrafnistu í Hafnarfirði þann
5. október sl. Útför hans fer fram frá Neskirkju
þriðjudaginn 19. október nk. kl. 13.00.
Blóm og kransar vinsamlegast afþakkaðir.
Sigurður Haraldsson Jóna Guðjónsdóttir
Þorsteinn Haraldsson Lára V. Júlíusdóttir
Ingibjörg Haraldsdóttir Sturla Þorsteinsson
Ástráður Haraldsson Eyrún Finnbogadóttir
barnabörn og barnabarnabörn.
Elsku frænka okkar
Sigrún Inga Magnúsdóttir
lést á Hjúkrunarheimilinu Skjóli
miðvikudaginn 13. október.
Útför hennar verður gerð frá Neskirkju föstudaginn
22. október kl. 15.00.
Hjördís Kristinsdóttir
Sigrún Kristinsdóttir
Magnús Eyjólfur Kristinsson
Sólveig Kristinsdóttir
Ingunn Guðlaug Jónsdóttir
Kristjana Jónsdóttir
Elín Sigrún Jónsdóttir
Gjótuhrauni 8, 220 Hafnarfirði Sími: 571 0400, legsteinar@gmail.com
GRANÍT OG LEGSTEINAR
Fallegir legsteinar
á einstöku verði
Frí
áletr
un
MOSAIK
Ástkær móðir okkar, tengdamóðir
og amma
Ása Sólveig
Þorsteinsdóttir
Barðastöðum 9, Reykjavík
lést á Krabbameinslækningadeild Landspítalans við
Hringbraut mánudaginn 11. október. Útför fer fram frá
Bústaðakirkju þriðjudaginn 19. október kl. 13.00.
Blóm og kransar vinsamlegast afþakkaðir en þeim sem
vilja minnast hennar er bent á Ljósið.
María Guðmundsdóttir Guðmundur Valur Sævarsson
Áslaug Guðmundsdóttir
Guðlaugur Guðmundsson Þórey Birgisdóttir
og barnabörn.
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Elskulegur systursonur, bróðir, mágur
og frændi,
Guðjón Þorsteinsson
Svínafelli í Öræfum,
andaðist á Landspítalanum í Reykjavík miðvikudags-
kvöldið 13. október. Útförin fer fram frá Hofskirkju
í Öræfum laugardaginn 23. október kl. 14.00.
Fyrir hönd fjölskyldunnar,
Jón Páll Pálsson
Jóhann Þorsteinsson Hafdís Sigrún Roysdóttir
Pálína Þorsteinsdóttir Ólafur Sigurðsson
Halldór Þorsteinsson.