Kylfingur - 01.05.2006, Qupperneq 37

Að koma boltanum yfir
Fáar brautir hér á landi hafa eins mikið orðspor á sér og 15. brautin í Grafarholti. Þessi
braut hefur gert margan manninn gráhærðan, skemmt óteljandi hringi og séð til þess að
taugarnar fara fljótt í gang þegar gengið er af 14. flöt. Nær allir GR-ingar hafa allavega eina hryll-
ingssögu að segja af þessari braut. Teighöggið er erfitt, annað höggið er erfitt en þriðja höggið (eða innáhöggið) verð-
ur að teljast það erfiðasta. Fyrir framan kylfinga er eitt minnsta grín vallarins, tjörn fyrir framan, dæld hægra megin,
þykkur gróður allt um kring og lækur hægra megin.
Þú hefur afrekað að koma boltanum í tveimur höggum 40 metra frá flötinni, þú ert á góðri leið með að koma inn á
góðu skori ef þú nærð bara að koma í veg fyrir sprengju hérna. Þú tekur upp fleygjárnið og...
Almennt
15. brautin getur farið illa með taugarnar og því er gott að finna leið til að minnka álagið. Mikilvægt er að vera með
ákveðna rútínu, hvort sem það er að taka 2 eða 4 æfingasveiflur en þá er mikilvægt að gera alltaf sama hlutinn til að
minnka spennuna. Með því að venja líkamann við að gera saman hlutinn aftur og aftur, minnkar taugaspennan ósjálf-
rátt..
Margir reyna ósjálfrátt að slá hærra þegar slegið er yfir vatn, það er allt í lagi svo lengi sem menn fara rétt að en í
flestum tilfellum er það óþarfi. Farið verður yfir það á eftir. Ennþá fleiri slá ósjálfrátt fastar í boltann til að koma bolt-
anum yfir vatn. Þetta getur leitt til mikilla vandræða eins og að skalla boltann lengst yfir, hitta boltann feitt o.s.frv. Að
slá fast í boltann leiðir einungis til ójafnvægis því þú ert ekki vanur að slá svona fast í boltann. Sláðu á þínum venjulega
hraða.
Það er kannski ágætt að hugsa um 40-60 metra högg sem löng vipp högg. Staðan er svipuð og tæknin er mjög svip-
uð í báðum höggum. Með því að ná réttri tækni í þessum höggum og með góðum æfingum, geta kylfingar dregið þó
nokkur högg af meðalskori sínu.
KYLFINGUR 33