Fréttablaðið - 17.02.2011, Qupperneq 10

10 17. febrúar 2011 FIMMTUDAGUR
Þegar Colin Powell, þáverandi utanríkisráðherra Bandaríkjanna, mætti á
fund hjá öryggisráði Sameinuðu þjóðanna 5. febrúar árið 2003 dró hann
úr pússi sínu gögn sem áttu að sanna að stjórn
Saddams Hussein í Írak hefði yfir eiturefnavopnum
að ráða.
„Við höfum lýsingar frá fyrstu hendi á lífefnavopna-
verksmiðjum á hjólum,“ sagði Powell meðal annars
og sýndi teikningar af slíkum verksmiðjum, sem
byggðar voru á lýsingum Janabis.
„Heimild okkar var sjálfur sjónarvottur,“ sagði
Powell, „íraskur efnaverkfræðingur sem hafði umsjón
með einni þessara verksmiðja. Hann var líka á
staðnum þegar slys varð árið 1998. Tólf tæknimenn
létu lífið.“
Íraski efnafræðingurinn Janabi hlustaði á Powell í íbúð sinni í Erlangen í
Þýskalandi og þekkti strax lygarnar. Upplýsingarnar voru frá honum komnar.
Rúmum mánuði síðar hófu Bandaríkjamenn og Bretar, með stuðningi
Íslendinga og fleiri ríkja, innrás í Írak.
Powell spilar út trompi í öryggisráðinu
ÞÝSKALAND „Ég varð að gera eitt-
hvað fyrir landið mitt, svo ég gerði
þetta og ég er ánægður með það,
því nú er enginn einræðisherra
lengur í Írak,“ sagði Rafid Ahmed
Alwan al-Janabi í viðtali við breska
dagblaðið The Guardian.
Janabi er fæddur 1967 í Bag-
dad. Hann er með próf í efnaverk-
fræði og hafði starfað hjá iðn-
fyrirtæki í Írak. Hann flúði til
Þýskalands árið 1999 og fékk þar
hæli sem flóttamaður í mars árið
eftir. Nokkrum mánuðum síðar
höfðu þýskir leyniþjónustumenn
samband við hann og vildu fá að
vita hvað hann vissi um áform
efnavopnaframleiðslu á vegum
stjórnar Saddams Hussein.
Janabi greip tækifærið og næstu
mánuðina spann hann upp lygavef
sem þýska leyniþjónustan féll flöt
fyrir. Hún sendi upplýsingarnar
beint til bandarísku leyniþjónust-
unnar CIA, sem einnig kokgleypti
uppspunann.
Árið 2003 voru upplýsingarnar
frá Janabi, sem nefndur var
Curveball í skýrslum leyniþjón-
ustumanna, notaðar til þess að
réttlæta innrásina í Írak.
Janabi hefur áður komið fram
í löngu viðtali. Það var á sjón-
varpsstöðinni CNN árið 2007 þar
sem hann var í fyrsta skipti nafn-
greindur. Þar neitaði hann þó að
hafa logið og þóttist ekkert vita
um þátt sinn í því að réttlæta
innrásina í Írak.
Hann leysti loks frá skjóðunni nú
í janúar og hafði sjálfur samband
við blaðamenn frá The Guardian í
von um að saga hans yrði efni í bók
eða kvikmynd.
The Guardian hefur eftir Tyron
Drumheller, fyrrverandi yfir-
manni CIA í Evrópu, að játning
Janabis sé fagnaðarefni. Drum-
heller hafði frá upphafi efasemd-
ir um sanngildi þess sem Janabi
sagði, og skýrði æðstu yfirmönn-
um CIA í Bandaríkjunum frá þess-
um efasemdum sínum áður en þeir
sannfærðu Colin Powell og aðra
bandaríska ráðamenn um mikil-
vægi upplýsinganna frá Janabi. Á
þessar efasemdir var hins vegar
ekki hlustað.
Stríðsátökin í Írak hafa nú, nærri
átta árum síðar, kostað meira en
hundrað þúsund saklausa borgara
lífið, en Janabi segist ekki fá alvar-
lega bakþanka við þá tilhugsun.
„Ég fékk þetta tækifæri til að
spinna lygavef til að steypa stjórn-
inni,“ sagði Rafid Ahmed Alwan
al-Janabi í viðtali við breska dag-
blaðið Guardian. „Ég og synir
mínir erum stoltir af því, og við
erum stoltir af því að hafa fært
Írak vott af lýðræði.“
gudsteinn@frettabladid.is
Segist stoltur
af lygunum
Íraskur flóttamaður í Þýskalandi hefur játað að
hafa logið að þýskum leyniþjónustumönnum um
reynslu sína af efnavopnaframleiðsu í Írak. Banda-
ríkjamenn réttlættu innrás með upplýsingunum.
EFNAVOPNA LEITAÐ Bandarískir hermenn á vettvangi í Írak nokkrum vikum eftir að
innrásin hófst. NORDICPHOTOS/AFP
FÓLK Konstantín II., landlaus kon-
ungur Grikklands, kemur til
Íslands í dag og dvelur fram yfir
helgi. Hann sækir hér stjórnarfund
Alþjóðasiglingasambandsins sem
fram fer í Reykjavík um helgina.
Konstantín II. er heiðursforseti
sambandsins ásamt Haraldi Nor-
egskonungi og sinnir því starfi
af mikilli kostgæfni. Hefur hann
stundað íþróttina í fjöldamörg ár og
vann meðal annars gullverðlaun á
Ólympíuleikunum í Róm árið 1960.
Að sögn Úlfs Hróbjartssonar, for-
manns Siglingasambands Íslands,
er mikill fengur fyrir íþróttina að
fá konunginn fyrrverandi og stjórn-
arfund Alþjóðasambandsins hingað
til lands.
Stjórnarfundir sambandsins eru
haldnir tvisvar á ári og sækja um
20 manns fundinn. „Markmiðið er
að fá aðalfundinn hingað einhvern
daginn, það er um 200 til 300 manna
ráðstefna,“ segir Úlfur.
Spurður hvort koma Konstantíns
II. verði lyftistöng fyrir ástundun
siglinga á Íslandi segir Úlfur að
óneitanlega sé frábært að til skuli
vera fólk sem gefi sinn tíma í það
að sinna íþróttinni og öllu því starfi
sem fylgi uppbyggingu hennar.
„Konstantín ann siglingum og er
enn að keppa og sinna íþróttinni og
er það mikill fengur.“ - kag
Stjórnarfundur Alþjóðasiglingasambandsins haldinn um helgina:
Konstantín II. til Íslands í dag
KONSTANTÍN II. Missti konungstitil sinn
þegar gríska ríkið lagði niður konung-
dæmið árið 1973. NORDICPHOTOS/AFPBOÐSKAPUR LISTAMANNS Spænski
listamaðurinn Javier Calleja vinnur að
uppsetningu sýningu sinnar á alþjóð-
legu listahátíðinni FARCO í Madrid.
NORDICPHOTOS/AFP
SAMGÖNGUR Greint er frá niður-
skurði á fyrirhuguðu flugi Ice-
landair til Kanada í TravelWeek,
víðlesnasta fagtímariti ferðaiðn-
aðarins þar í landi, í gær.
Fram kemur að Icelandair hafi
ætlað að lengja tímabil og fjölga
ferðum til Toronto en til að upp-
fylla skilyrði loftferðasamnings
Íslands og Kanada hafi í staðinn
þurft að draga úr flugi. Frá 13.
apríl verður flogið fjórum sinn-
um í viku í stað daglega og ferð-
ir felldar niður í nóvember og
desember. - óká
Icelandair dregur saman segl:
Dregið úr fyrir-
huguðu flugi
KÖNNUN Traust á Hæstarétti
hefur minnkað, að því er fram
kemur í nýrri könnun MMR.
Kannað var traust fólks til helstu
stofnana á sviði réttarfars og
dómsmála.
Um 35 prósent bera lítið traust
til Hæstaréttar, miðað við 29 pró-
sent í október í fyrra. Þá hefur
traust á Fangelsismálastofnun
minnkað. Lítið traust til hennar
bera 22 prósent, miðað við 17,5
prósent í fyrra. Rúm 80 prósent
treysta hins vegar Landhelgis-
gæslunni og tæp 60 prósent
sérstökum saksóknara. - áe
Könnun MMR um traust:
Traust minnkar
til Hæstaréttar