Fréttablaðið - 25.02.2011, Blaðsíða 18

25. febrúar 2011 FÖSTUDAGUR
L A U G A V E G I 1 7 8
• Sömu eigendur.
• kennitala.
• verðið
•
• persónulega
Líttu á tk.is og facebook.com
ERUM FLUTT
ÚR KRINGLUNNI
Á LAUGAVEG 178
OPNUNARTILBOÐ
Á MORGUN LAUGARDAG 26. FEB.
OPIÐ kl.11-16
AF ÖLLUM
MATAR &
KAFFISTELLUM
RÚMTEPPUM
IITTALA VÖRUM
HNÍFAPÖRUM
RCR KRISTAL
RÚMFÖTUM
HITAFÖTUM
OG ÖLLUM GLÖSUM
O.FL. O.FL.
Velkomin í nýja og glæsilega verslun
HELMA verður
með myndlistar-
sýningu.
Allar myndir á
tilboðsverði.
AFSLÁTTUR
LAUGAVEGUR 178
-20%
-20%
-20%
FURSTYNJAN
-20%
TRIO
Kringlan
KrKrr
inn
g
rbb
rara
uut
Þeir sem láta sig menningar-mál varða hafa vafalaust fylgst
með umræðum um væntanlegan
niðurskurð Reykjavíkurborgar til
tónlistarskóla borgarinnar.
Fjölmennur mótmælafundur
fyrir utan Ráðhúsið 1. febrúar sl.
vakti líka athygli í þessu sambandi.
Tónlistarskólarnir í Reykjavík eru
sjálfseignarstofnanir eða einka-
skólar. 18 tónlistarskólar í Reykja-
vík eru með þjónustusamninga við
Reykjavíkurborg.
Í þjónustusamningunum er skýrt
kveðið á um hvaða þjónustu hver
skóli veitir, bæði hvað varðar fjölda
nemenda, fyrirkomulag kennslu og
fleiri þætti. Skólarnir gefa borginni
skýrslur um starfsemi sína, skila
árlega endurskoðuðum reikningum
og lúta eftirlitsvaldi borgarinnar á
margskonar hátt.
Tónlistarskólarnir í Reykjavík
eru ekki steyptir í sama mót heldur
er um að ræða breiða flóru þar sem
hver skóli hefur sín sérkenni og
áherslur. Námsframboðið í tónlist-
arskólum í Reykjavík er því gífur-
lega fjölbreytt. Það sem er sameig-
inlegt með þeim öllum er hinsvegar
sú staðreynd, að þeir starfa sam-
kvæmt Aðalnámskrá tónlistarskóla
og skv. greinanámskrám sem taka
til söngnáms og náms á öll hljóð-
færi. Allar námskrárnar hafa
verið gefnar út af menntamála-
ráðuneytinu. Prófin, þ.e. grunn-
próf, miðpróf, og framhaldspróf
í söng og hljóðfæragreinum sem
og tónfræðagreinum eru nokk-
urn veginn stöðluð og samræmd
á landsvísu. Utanaðkomandi próf-
dómarar á vegum Prófanefndar
tónlistarskólanna koma til að dæma
árangur á þessum prófum.
Á ofangreindri lýsingu sést að
hér er um vel skipulagt og skil-
virkt nám í tónlistargreinum að
ræða sem nær frá þriggja ára aldri
upp í nám eldri nemenda sem eru
á framhaldsstigi og háskólastigi.
Að loknu framhaldsprófi fara þeir
nemendur sem ætla sér í fram-
haldsnám í tónlist í hinar ýmsu tón-
listardeildir í Listaháskóla Íslands
eða þá beint í tónlistarháskóla
erlendis.
Uppbygging tónlistarnáms á
Íslandi hefur verið markviss,
undraverð og með afbrigðum góð
og árangursrík. Hún hefur stað-
ið yfir áratugum saman og á tón-
listarskólakerfið íslenska er litið
sem gæðakerfi sem löndin í kring-
um okkur líta á sem algera fyrir-
mynd. Hlutverk tónlistarskólanna
(á landsvísu en þó sérstaklega í
Reykjavík þar sem mest er um
að nemendur stundi framhalds-
nám í tónlist) hefur verið að leggja
grunn að þeirri fjölbreyttu tón-
listarmenningu og því fjölskrúð-
uga tónlistarlífi sem er eitt af
aðalsmerkjum höfuðborgarinnar.
Ég ætla ekki að telja upp þá
mörg hundruð tónlistarviðburði
sem haldnir eru árlega. Allt þetta
eru staðreyndir sem hægt er að
fletta upp. Kórónan er síðan Sin-
fóníuhljómsveit Íslands, en hróður
hennar hefur borist víða um lönd.
Utan höfuðborgarinnar er sú
venja ríkjandi að tónlistarskólarnir
eru reknir af sveitarfélaginu beint.
Ítarleg tölfræðileg úttekt sem
hefur verið gerð sýnir að nemenda-
fjöldi í tónlistarskólum í sveitar-
félögum utan Reykjavíkur er hlut-
fallslega mun meiri en í Reykjavík.
Höfuðborgin stendur sig því verr í
þessari þjónustu við borgarbúa en
sveitarfélögin utan Reykjavíkur.
Reykjavíkurborg hefur ekki
byggt neina tónlistarskóla. Tónlist-
arskólarnir hafa þurft að byggja
yfir starfsemi sína sjálfir eða
leigja húsnæði. Mikil fjárfesting
hefur því fylgt starfsemi tónlistar-
skólanna í Reykjavík. Þá er ónefnd-
ur mikill kostnaður sem felst í
hljóðfærum og alls kyns tólum og
tækjum (bara einn sæmilegur not-
aður flygill kostar 4-6 milljónir).
Nágrannasveitarfélögin Kópa-
vogur, Garðabær og Hafnarfjörður
hafa byggt glæsilegan sérhannað-
an húsakost fyrir tónlistarskólana
sína og verið er að byggja stór-
glæsilega aðstöðu fyrir tónlistar-
skólann í Reykjanesbæ.
Í stuttu máli: Reykjavíkurborg
hefur fengið þjónustu tónlistar-
skólanna sinna ókeypis og á silfur-
fati þar sem öll uppbygging þeirra
hefur verið framkvæmd af einka-
aðilum eða félögum. Hinsvegar
hefur borgin greitt nánast allan
launakostnað sem hefur veitt skól-
unum það rekstraröryggi sem þeir
þarfnast.
Önnur grein höfundar um efnið
bíður birtingar hjá Fréttablaðinu.
Forseti Íslands mat það svo að þjóðin ætti að fá að segja álit
sitt á því hvort hún vildi taka að
sér að greiða skuldir þeirra fjár-
glæframanna sem stofnuðu til Ice-
save-reikninganna. Enginn hefur
sýnt fram á að henni beri að gera
slíkt skv. lögum. Ekki er deilt um
að sá samningur sem nú er á borð-
inu er 400–500 milljörðum skárri
en sá sem ríkisstjórnarflokkarnir
vildu fyrst að þjóðin greiddi.
Stjórnarandstaðan, forsetinn
og þjóðin með undirskriftarsöfn-
un sinni eiga heiðurinn af þess-
um bata. Áhætta af nýjum samn-
ingi er enn til staðar þótt hún sé
minni. Gallinn er sá að við vitum
ekki hver hún er, nema að áhætt-
an fer líklega ekki yfir 230 millj-
arða. Fyrir 230 milljarða má
reyndar gera ýmislegt. Áhætta
af dómsmáli er vissulega nokkur
og óvissan er því einnig til stað-
ar þar. Telja verður litlar líkur á
að Bretar og Hollendingar muni
höfða mál; fremur muni þeir láta
reyna á málið fyrir EFTA-dóm-
stólnum, sem þá gæfi álit um það
hvort Íslendingar hefðu gerst
brotlegir við þær tilskipanir sem
Evrópusambandið hefur sett og
við tekið upp. Áhættan af þeirri
dómsmeðferð er fyrst og fremst
pólitísk enda dómstóllinn í eðli
sínu pólitískur.
Hollenskir þingmenn hafa sagt
í fjölmiðlum að Íslendingar séu að
brjóta samninga með því að sam-
þykkja ekki Icesave. Hvaða samn-
inga erum við að brjóta? Eru ein-
hverjir samningar sem hafa verið
gerðir sem við vitum ekki um?
Ekki þekki ég til þess að samn-
ingar um þetta hafi verið gerðir
við Hollendinga eða Breta. Annað
athyglivert hefur komið fram hjá
hollensku þingmönnunum og það
er að Alþjóðagjaldeyrissjóður-
inn (AGS) hafi skilyrt aðstoð við
Íslendinga við það að Icesave yrði
greitt. Hvað eiga þingmennirn-
ir við? Hafa fulltrúar AGS ekki
staðfastlega neitað þessu?
Ef það er þannig að ríki Evrópu
ætli að beita sér gegn Íslending-
um þá er það vitanlega grafalvar-
legt mál. Nú er mikilvægt að ríkis-
valdið taki til varna og svari þeim
hótunum sem að okkur er beint.
Bretar og önnur Evrópuríki hafa
mikla hagsmuni af því að eiga við-
skipti við Íslendinga. Nægir þar
að nefna að milli 5.000 og 10.000
manns hafa atvinnu af íslensku
sjávarfangi í Bretlandi. Það væri
því áfall fyrir breskt atvinnulíf
ef Íslendingar hættu að flytja út
sjávar fang til Bretlands. Þá má
ekki gleyma því að alþýðuflokks-
maðurinn Gordon Brown beitti
hryðjuverkalögum gegn Íslandi
og olli með því Íslendingum miklu
fjárhagslegu og efnahagslegu tjóni.
Við hljótum að verja hendur okkar.
Icesave-samningurinn þarf að
fá vandaða og hlutlausa kynningu
en vandséð er hvernig henni verð-
ur við komið. Fæstir fjölmiðlar
hafa gætt hlutleysis og eru því
vart hæfir til að fjalla um málið.
Margir svo kallaðir álitsgjafar
úr háskólasamfélaginu hafa tekið
afstöðu og gert sig þannig ómark-
tæka sem hlutlausa aðila. Treysta
verður innanríkisráðherra til að
sjá til þess að umfjöllunin verði
sanngjörn og dragi fram kosti og
galla þess að samþykkja eða ekki
samþykkja.
Sanngjarna umfjöllun um Icesave
Er menningarslys yfirvofandi?
Icesave
Gunnar Bragi
Sveinsson
þingmaður
Framsóknarflokksins
Tónlistarskólar
Stefán Edelstein
skólastjóri Tónmennta-
skóla Reykjavíkur
Uppbygging tónlistarnáms á Íslandi hefur
verið markviss, undraverð og með afbrigðum
góð og árangursrík. Hún hefur staðið yfir áratugum
saman og á tónlistarskólakerfið íslenska er litið sem
gæðakerfi
Icesave-samningurinn þarf að fá vandaða og
hlutlausa kynningu en vandséð er hvernig
henni verður við komið.
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU