Barnablaðið - 01.06.1958, Qupperneq 8

Guðný. Rebekka.
á fiðlu, segir Guðný. Ég er búin
með einn tíma.
— Það er góð byrjun, en mér
heyrðist þú vera að tala um .að
verða fiðlukennari. Þá hlær Guðný
svo að ég held að ég hafi sagt ein-
hverja vitleysu.
— Það veit ég ekki hvort ég get,
en mig langar til að verða hjúkrun-
arkona.
— Jæja, það er ágætt starf og ég
hugsa að þú sért ágæt í það. En
þú, Rebekka, hvað vilt þú verða?
— Eg veit ekki, en ég gæti vel
hugsað mér að vinna í blómabúð.
— En svo langar mig að spyrja
um eitt að lokum. Hafið þið tekið
á móti Jesú, sem Frelsara ykkar?
— Já, svara báðar stúlkurnar.
Það eru tvö ár síðan, ef við lifum í
sumar. Við höfum gengið í sunnu-
dagaskóla síðan við munum fyrst
eftir okkur, en svo ákváðum við
að fylgja Jesú alltaf og heilshugar.
— Já, Guð blessi ykkur í þeirri
ákvörðun. Ég sé að ykkur vantar
sjaldan á samkomurnar. En viljið
þið nú senda lesendum Barnablaðs-
ins eitt minnisvers?
— Já, svarar Rebekka, ég vil
senda það fyrsta, sem ég lærði utan-
bókar úr Biblíunni. Það er: Jóh.
3, 16.
— Og ég vil líka senda það, seg-
ir Guðný.
— Ég skal koma þessu til skila,
sagði ég um leið og ég kvaddi þess-
ar ungu, skemmtilegu stúlkur. Nú
sendi ég minnisversið þeirra til
ykkar, lesendur Barnablaðsins. —
Viljið þið ekki líka velja ykkur
þennan sama Frelsara, sem þær hafa
valið, Jesúm Krist? Guð blessi ykk-
ur til þess.
T. E.
40 BARNABLAÐIÐ