Barnablaðið - 01.02.1989, Qupperneq 18

14 BARNABLADIÐ

Kæra Barnablað. Svarið við
spurningu á bls. 13 er Grænland.
Ég ætla að senda ykkur 6 máls-
hætti:
Barnið vex en brókin ekki. Enginn
ræður sínum næturstað.
Kominn er köttur í ból bjarnar. Brennt
barn forðast eldinn. Ágirnd vex með
eyri hverjum. Ekki er sopið kálið þó í
ausuna sé komið.
Bless bless kæra Barnablað.
Elísabet Rán Andrésdóttir,
Tungu, Skarðshreppi,
551 Sauðárkróki.
Barnablaðið þakkar Elísabetu
kærlega fyrir málshættina og vill
taka fram að svarið við spurning-
unni er alveg rétt, landið er Græn-
land. Svo má líka bæta við einum
málshætti, svona rétt til gamans,
en hann er svona: Auðþekktur er
asnirm á eyrunum!
Hafðu heila þökk fyrir bréfið Elísa-
bet.
Hér koma tvær sögur frá krökkum
sem sækja sunnudagaskóla á Akur-
eyri.
Villi og bíllinn.
Einu sinni var strákur sem hét
Villi og hann var 7 ára. Hann bjó
einn með mömmu sinni, af því að
pabbi hans var dáinn. Villi litli var
duglegur og góður strákur. Einu
sinni bað mamma hann að fara í
búðina fyrir sig og kaupa egg, af
því að hún var að baka. En í búðar-
glugga á leiðinni sá Villi fallegan
bíl sem hann langaði mikið í. Hann
fór inn í búðina og keypti bílinn. En
þá gat hann ekki keypt eggin líka.
Hann flýtti sér heim og inn í her-
bergið sitt og faldi bílinn. En
mömmu sagði hann að hann hefði
dottið og brotið eggin. Þá spurði
mamma hvar afgangurinn af pen-
ingunum væri. Þá fór Villi að gráta
og sagði mömmu frá bílnum.
Fyrst varð mamma hrygg á
svip, en sagði síðan: — Villi minn,
þú mátt eiga bílinn, en viltu lofa því
að gera svona aldrei aftur. Villi tók
utanum hálsinn á mömmu sinni og
sagði:
— Fyrirgefðu mamma mín, ég
skal lofa því að gera svona aldrei
aftur. Og það loforð hélt hann.
Karen Björk Gunnarsdóttir, 8 ára,
Hraungerði 5,
600 Akureyri.
Vísa.
Barnablaðið er besta blað:
Allir vilja lesa það.
Þegar ég fer inn á bað,
— fer bróðir minn að lesa það!
Lína, 9 ára