Barnablaðið - 01.02.1991, Qupperneq 16

16 BARNABLAÐID
PETRA
Hljómsveitin PETRA er aldeilis ekki
nýstofnuö. Á þessu ári heldur hún upp
á nítján ára starfsafmæli. Reyndar er
ekki nema einn eftir af upprunalegum
meölimum, þaö er gítarleikarinn Bob
Hartmann.
Nafnið PETRA er dregið af sama
stofni og Pétur, en það merkir steinn
eða klettur. En það er fleira falið í
þessu nafni, á ensku er orðið klettur
„rock“ en það er sama orð og notað er
um rokk tónlist. Þannig má þýða nafn
hljómsveitarinnar bæði sem „klettur"
og „rokk“. Kristnir menn tala líka um
Jesú Krist sem klettinn, og það er ein-
mitt á þeim kletti sem PETRA byggir
sitt rokk.
Á þeim tíma, sem hljómsveitin
PETRA var stofnuð, þótti það hið
mesta guðlast að spila rokk við trúar-
lega texta. Hljómsveitin átti ekki upp á
pallborðið hjá kirkjunnar mönnum og
aðrir rokkarar litu þessa trúuðu stráka
hornauga. Ferill þeirra í fyrstu var hin
mesta þrautaganga. En þeir gáfust
ekki upp og eru í fremstu röð á sínu
sviði í dag.
Þótt PETRA sé komin á gamalsa-
Idur er engin ellimerki að heyra á þeim
kumpánum og víst að hljómsveitin
hefur aldrei verið jafn vinsæl og ein-
mitt nú. í fyrra átti PETRA tvær
hljómplötur á lista yfir tuttugu mest
seldu plöturnar með trúarlegri tónlist.
Nýjasta plata þeirra Beyond Belief
komst í fyrsta sæti og platan Petra
Praise...the Rock Cries Out fór ofar-
lega á lista. í febrúar s.l. hlaut PETRA
hin eftirsóttu Grammy verðlaun fyrir
plötuna Beyond Belief. í vinsælda-
keppni tímaritsins CCM, sem fjallar
um trúarpopp, var PETRA kosin vin-
sælasta hljómsveitin og einstakir
meðlimir hennar framarlega í kjöri vin-
sælustu söngvara, hljóðfæraleikara
og lagasmiða.
Á löngum tíma hefur verið mikil
endurnýjun í hljómsveitinni, eini upp-
runalegi meðlimurinn er Bob Hart-
mann gítarleikari. Auk hans skipa
hljómsveitina John Lawry hljóm-
borðsleikari, Louie Weaver trommu-
leikari, Ronny Cates bassaleikari og
John Schlitt söngvari.
Hljómsveitin PETRA nýtur mestra
vinsælda meðal unglinga. Þeir félag-
ar vilja ekki aðeins nota vinsældirnar
sjálfum sér til framdráttar, heldur
leggja góðum málum lið.
Þeir hafa notað hljómleikaferðir til
að hvetja unglinga til bæna, auglýsa
Biblíuna, vinna gegn fíkniefnaneyslu
og vara við kynsjúkdómum svo fátt
eitt sé nefnt.
Hljómsveitin PETRA sýnir engin
ellimerki. Það geta allir sannfærst um
sem heyra í þeim....
Plötulisti
Petra (1974), Myrrh
Come and Join Us (1977), Myrrh
Whashes Whiter Than (1979), Star Song
Never Say Die (1981), Star Song
More Power To Ya (1982), Star Song
Not of This World (1983), Star Song
Beat The System (1985), Star Song
Captured in Time and Space (1986), Star Song
Back to the Street (1986), Star Song
This Means War! (1987), Star Song
On Fire (1988), Star Song
Petra Means Rock (1989), Star Song
Petra Praise - The Rock Cries Out (1989), DaySpring
Beyond Belief (1990), DaySpring