19. júní - 19.06.1977, Blaðsíða 25

mál og fleira. Sums staðar er-
lendis virðist aðalmálið að ná-
granninn viti ekki ef unga fólkið
sefur saman.
— „Við vinkonurnar erum
sammála um að eiga ekki börn of
fljótt. Við viljum mennta okkur
og hafa starf, en miðum ekki á
hjúskap.“
— „Viljum velja okkur lífs-
starf, eitthvað sem okkur langar
til að gera, hjúskapur kemur þar
fyrir utan.“
Hafið þið valið ykkur framtíð-
arstarf?
Fæstar hafa gert það enn þá, en
eru sammála um nauðsyn þess að
menntast og flestar ætla í
menntaskóla eða verslunarskóla
og velja síðan brautir út frá þeirri
undirstöðumenntun.
— „Alltof lítið um starfs-
kynningu í skólunum. 1 3. bekk í
Hagaskóla er starfskynning einu
sinni í viku og síðan eigum við
að skrifa ritgerð um
„Draumaatvinnuna“ án þess að
hafa nokkra verulega hugmynd
um hana eða aðrar.“ — „Meiri
kynning á námsbrautum þarf að
koma til og skiptir engu hvort
konur eru fyrir í starfsgreininni
eða ekki. — „Vil gjarnan fara í
hjúkrun, get átt börn samhliða,
starfið öruggt og hægt að vinna
það hvar sem er.“ — „Hef á-
huga fyrir verslunarstörfum.“ —
„Tekjurnar skipta ekki öllu
máli, meiru skiptir að langa til að
vinna að því sem valið er fyrir
ævistarf.“
Teljið þið að reynt sé að hafa
áhrif á starfsval ykkar?
Flestar eru á því að innræting
til starfsvals sé óafvitandi. For-
eldrar einnar eru bæði háskóla-
menntuð. Þau reyna að vera
frjálslynd og segja stundum — þú
getur farið í iðnskóla — en óaf-
vitandi halda þau að henni lang-
skólanámi. Foreldrar annarrar
eru bæði ómenntuð og þau setja
metnað sinn i að börnin fari
gegnum skóla. — „Sumir strákar
eru hálfsmeykir við stelpur, sem
vita eitthvað og tala um
menntaskólatýpur.“
— „Einstaka strákur virðist
setja metnað sinn í að sjá fyrir
heimili og konu einn.“ Fæstar
stelpur láta þetta á sig fá, þær
vilja vera sjálfstæðar líka. Þó eru
til dæmi um að stelpa hefur hætt
við að ganga menntaveginn af
því að strákurinn hennar gerir
það ekki. Engin stúlknanna
kannaðist við dæmi um hið
gagnstæða. Hér fléttaðist inn í
afstaðan til menntafólks og héldu
þær að fyrirlitning á því væri
meiri úti á landi en í Reykjavík.
Ein sagði frá strák, sem fór í
sumarvinnu í blikksmiðju og að
hann vildi ekki segja frá því að
faðir hans væri lektor við háskóla,
en lét í veðri vaka að hann væri
bankastarfsmaður, til þess að
byggja ekki vegg á milli sín og
vinnufélaganna.
Talið þið um framtíðarhorfur í
ykkar hóp?
— „1 stelpnahópi er stundum
innbyrðis fyrirlitning á tali um
framtiðarhorfur.“ — „Strákar
eru meira brýndir á að bjarga sér
sjálfir, stelpan gengur kannske út.
Þetta viðhorf kemur oft í gegn hjá
foreldrum.“ — „Allt annað við-
horf hjá unglingum nú en áður.
Þessi viðhorf foreldra eru senni-
lega arfur frá þeirra eigin upp-
eldi. A málfundum í skólanum
standa strákar oft upp og halda
því fram að konur eigi að vera
heima og passa börn.“ —
„Gamlir kennarar sérstaklega í
barnaskóla viðhalda gamaldags
viðhorfum. Þegar ungar konur í
kennarastétt vilja taka á náms-
efni út frá jafnrétti kynjanna úa
strákarnir stundum, en það er nú
bara veikleikamerki.“ — „Upp-
eldi ræður úrslitum, gagngerð
breyting á uppeldi þarf að koma
til og það þyrfti að ala stráka
betur upp, bæði á heimili og í
skóla.“
Hvar á að byrja uppeldis-
breyting[una?
Þær lögðu töluverða áherslu á
efni skólabókanna og áhrif þess
samhliða túlkun kennaranna og
tóku sem dæmi, hvernig t.d.
myndskreyting í kennslubók við-
heldur hlutverkaímynd karla og
kvenna, mynd úr félagsfræðibók,
sem átti að sýna heimili: Karl
situr í hægindastól og les dag-
blað, börn að leika að kubbum á
gólfi, kona að koma með kaffi á
bakka úr eldhúsi — og þær
spurðu hvers vegna fjölskyldan
væri ekki látin sýsla saman að
einhverju verkefni. — „Nemend-
ur eiga að vera saman, það er
félagslegt markmið, saman í öllu
námi bóklegu og verklegu og
leikfimi eins og öðru og vera í
sams konar búningum.“ — „Inn-
byrðis öryggisleysi einkennir ung-
linga á gelgjuskeiðinu, þau hafa
ekki verið látin tjá sig og það
skortir markvissa félagslega
þjálfun í skólanum. Námskeið á
vegum Æskulýðsráðs hjálpaði
mikið, en þyrfti að vera kennslu-
grein frá upphafi.“ — „Sagt er að
ekki fáist kennarar, en fullt er af
leikurum, sem hafa lært en fá ekki
atvinnu.“
Hvaða skilning leggið þið í
hugtakið jafnrétti kynjanna?
Þær eru á einu máli um hver
skilgreiningin sé. — „Að hver
einstaklingur fái tækifæri til að
þroska sig í samræmi við hæfi-
leika sína án tillits til kyns.“ —
„Karlar virðast margir halda að
jafnréttisbarátta sé einkabarátta
kvenna og valdarán gagnvart
körlum.“
Talið berst að börnum og þær
hafa margt að segja varðandi
börn og uppeldi barna. — „Þau
þurfa að fá tækifæri til að þrosk-
ast, fólk ætti að lofa börnum að
vera mikið með sér og t.d. fara
með þau upp í sveit svo þau
kynnist lífinu þar.“ — „Æskilegt
að börn séu í einhvers konar dag-
vistun. Það var mjög skemmtilegt
í leikskólanum.“ — „Móðirin
umgengst börnin oftast miklu
meira en faðirinn. Barninu alltaf
Framhald á bls. 41
23