19. júní - 01.03.1994, Blaðsíða 8

Er borgarstjórafestin hönnuð
á karlmannsaxlir?
að vakti heilmikla athygli fjöl-
miðla þegar Katrín Fjeldsted
ákvað að gefa ekki kost á sér í
prófkjör Sjálfstæðisflokksins
fyrir komandi borgarstjórnar-
kosningar eftir 12 ára setu í borgarstjórn.
Hún var m.a. gagnrýnd fyrir að tilkynna
þessa ákvörðun sína seint og forystumenn
flokksins höfðu orð á að þannig gerði hún
öðrum konum sem áhuga hefðu á að taka
sæti á listanum erfitt fyrir.
„Eg get með engu móti séð að það að
vera í framboði hindri aðrar konur í að
taka sæti á listanum," segir Katrín. „En það
slær mann óneitanlega út frá þeim kvenna-
sjónarmiðum sem 19. júní er væntanlega
að velta fyrir sér að hlutur kvenna í Sjálf-
stæðisflokknum er rýr miðað við hina
borgarstjórnarflokkana. Þannig voru þrjár
konur í tíu efstu sætunum í Reykjavík fyrir
síðustu kosningar og sama niðurstaða
fékkst við prófkjör nú í byrjun árs, þrjár
konur eru enn í tíu efstu sætunum fyrir
komandi kosningar, þær Inga Jóna Þórðar-
dóttir, Guðrún Zoéga og Jóna Gróa Sig-
urðardóttir. Þannig er ljóst að prófkjör
tryggir ekki framgang kvenna í flokknum."
— Fyrir nokkrum árum átti ég við þig
langt blaðaviðtal. Þar sagðist þú vera tilbú-
in til að gefa kost á þér í embætti borgar-
stjóra. Þessi yfirlýsing ku hafa valdið titr-
ingi innan Sjálfstæðisflokksins. Varðstu vör
við það?
„Nei, enda sé ég ekki að það sé neitt
eðlilegra en að þeir sem eru í efstu sætum
listans sýni áhuga á borgarstjóraembættinu.
Eg hef ekki orðið vör við að borgarstjóra-
festin sé hönnuð á karlmannsaxlir. Það er
ekki einu sinni verið að brjóta hefð með
því að kona gegni þessu embætti þar sem
Auður Auðuns var borgarstjóri fyrir rúm-
um þremur áratugum, eða 1958-1959. Rit-
höfundurinn Germaine Greer, Iiöfundur
bókarinnar Kvengeldingurinn, sagði eitt
sinn að konur þyrftu að vera tvöfalt eða
þrefalt betri en karlar til að ná sama ár-
angri og þeir og það gildir eflaust enn
þann dag í dag. Annars hélt ég þegar ég var
um tvítugt og í Uunum að jafnrétti kynj-
anna væri alveg á næsta leiti og konur og
karlar kæmu innan tíðar til með að vinna
Viðtal: Valgerður K. Jónsdóttir
sömu störf jöfnum höndum. f dag finnst
mér hinsvegar allt í lagi þótt það sé einhver
verkaslúpting milli kynjanna en vinnan á
þó að vera jafnt metin til launa.“
— Var það eitthvað öðru fremur sem
varð til þess að þú tókst þá ákvörðun að
hætta núna?
„Nei, ég var að vinna þessa ákvörðun í
langan tíma og niðurstaðan lá ekki fyrir
fyrr en ég sagði frá henni.“
— Hvað er þér minnisstæðast að loknum
þessum 12 árum?
„Kosningarnar 1990 eru mér minnis-
stæðastar, en ég hef tekið þátt í þremur
kosningum. í síðustu kosningum var for-
inginn veikur og gat ekkert verið með í
kosningabaráttunni og því varð hlutur
okkar hinna miklu meiri fyrir bragðið.
Undanfarin átta ár hef ég setið í borgarráði
en þar eru ákvarðanir teknar í þorra mála
og það hefur verið mjög lærdómsríkt. Svo
er gaman að sjá að ýmis mál sem maður
hefur unnið að t.d. á sviði umhverfis-, um-
ferðar- og heilbrigðismála hafa skilað ár-
angri.
Ég hef oft furðað mig á því hvað fjölmiðlar
hafa sýnt borgarmálunum lítinn áhuga, en
borgarmálin skipta Reykvíkinga oft miklu
meira máli en þau mál sem er verið að
fjalla um í þinginu. Þingmenn Reykvík-
inga hafa ótrúlega lítil tengsl við borgarbúa
og borgarfulltrúa, ég hef að minnsta kosti
lítið orðið vör við að þingmenn þyrftu að
ráðfæra sig við borgarfulltrúa. Það hefur
stundum verið sagt í gamni og alvöru að
það þyrfti að dreifa húsnæði Alþingis um
borgina þannig að þingmenn neyddust til
að ganga um bæinn og borgarbúar fengju
að sjá þeim bregða fyrir. Ég held það sé
mjög mikilvægt fyrir stjórnmálamenn að
vera í góðum tengslum við umbjóðendur
sína og borgarfulltrúar eru í betri tengslum
en þingmenn þar sem þeir hafa atvinnu
sína af öðru en stjórnmálum. Ég tala t.d.
við fjölda manns á hverjum degi og það er
ekki alltaf sama fólkið, og svo er auðvelt að
ná í mig, ég er t.d. í símaskránni!"
- Hver voru viðbrögðin við þessari
ákvörðun þinni?
„Þau voru mjög sterk. Fjölmargir sögð-
ust skilja af hverju ég hefði ákveðið að
halda ekki áfram. Fólk túlkar það síðan á
sinn hátt. Þeir sem hafa verið óánægðir
túlka það sem andspyrnu, aðrir segjast
sakna manns, og enn aðrir segja að þarna
sé verið að yfirgefa söldevandi skip. Ég hef
setið í borgarstjórn fjórðung ævi minnar og
mér finnst vera kominn tími til að söðla
um. Hvert kjörtímabil er stutt, aðeins fjög-
ur ár sem eru fljót að líða og það er hætta á
að stefnumörkun í víðara samhengi og sýn
til framtíðar líði fyrir afgreiðslu smámála.“
- Þú ert eldcert hætt afskiptum af stjórn-
málum?
„Því fer fjarri. Ég hef öðlast reynslu sem
nýtist mér í framtíðinni, á hvern hátt sem
það verður. Lífið er stutt, ég vona að ég
hafi skilað farsælu starfi í borgarstjórn und-
anfarin 12 ár.“
8