Sameiningin - 01.12.1886, Blaðsíða 12

156-
þessu hefir fjöldi Gyðinga þar tekið kristna trú. Hvergi kveðr
þó eins mikið að þessu aftrhvaríi Gyðinga eins og í Bessarabia,
hinu rússneska fylki milli íljótanna Dniester, Pruth og Dóná,
og þar prédikar lærðr Gyðingr, að nafni Joseph Rabinowitz,
kristindóminn með miklu trúarafli. Fyrstu kristnu prédikanina,
sem maðr þessi flutti, hlýddu fjórar þúsundir manna á; hún var
óðar látin berast með fréttafleygi til Odessa, aðalverzlunarstað-
ar Kússa við Svarta-hafið, og gefin þar út á prent. Hún seldist
upp ákaflega fljótt, og voru seinustu exemplörin keypt fyrir
geipiverð. A 18. öldinni kom sá maðr fram meðal Gyðinga þar
eystra, sem Baal Shem hét, sem hafði mjög mikil áhrif á trú-
arstefnu fólks síns. Hann brýndi fyrir mönnum, að helga
guði líf sitt, en láta sér ekki nœgja tóman dauðan trúarbókstaf,
sem víða varð ofan á meðal Gyðinga í hinum vestari löndum
Evrópu einmitt á þeirri öld. Og við dauða Baal Shems voru
áhangendr hans orðnir meira en hálf milíón ; nú kváðu þeir vera
ö j milíón, og nálega allir Gyðingar í Suðaustr-Evrópu heyra
þeim flokki til. Af því að vonin uin komu Messíasar hefir verið
svo rík í hugum þeirra og trúaralvara þeirra yfir höfuð svo
mikil, þá gat ekki hjá því farið, að kristindómrinn fengi hjá
þeim greiðan inngang, þá er loks var tíminn kominn að hann
væri þar boðaðr. Nýja testamentið kvað nú vera lesið þar mjög
í kyrrþey, og nýlega hitti kristniboði einn þar fjóra unga Gyð-
inga, sem lært höfðu allt nýja testamentið utan að í hinni nýju
hebresku þýðing.—En iitbreiðsla biblíunnar er bönnuð meðal al-
þýðu manna í Rússaveldi, og fjársektir og fangelsi vofir yfir
þeim, sem nýja testamentið hafa á boðstólum í þeim löndum.
Nú hefir þó bœnarskrá verið send til liinnar rússnesku stjórnar
um að fá þetta bann af numið, og þegar það er orðið, verðr
kristindómrinn eflaust algjörlega ofan á meðal þar lendra Gyð-
inga.
Nú telst svo til, að í heiminum sé 440 milíónir kristinna
manna, en 1000 milíónir manna, sem ekki eru kristnir. Af
þeim, sem kristnir eru kallaðir, eru 160 milíónir til heyrandi
hinum prótestantisku kirkjudeildum, 195 mílíónir páfakirkjunni
og 85 milíónir grísku kirkjunni og henni náskyldum kirkju-
flokkum í austrlöndum. Af þeim, sem ekki eru kristnir, eru
8 milíónir Gyðinga, 172 milíónir Múhameðstrúarmanna og 820
milíónir ýmis konar heiðingja.