Sameiningin - 01.09.1950, Side 6

116
Sameiningin
Ekki reyni ég að telja neinum hughvarf með það, en vildi
aðeins bjóða þeim hinum sömu að koma og dvelja með
okkur einn dag til þess að kynnast því sem verið er að
gjöra. Kuldi og áhugaleysi fjöldans hefir drepið marga
viðleitni og margt sem til blessunar hefði getað leitt. En
það mun aldrei eyðileggja starfið í Sunrise Lutheran Camp.
Það starf var hafið með þá hugsjón að þar mætti inna af
hendi dýrðlegt útbreiðslustarf fyrir hina Lútersku kirkju
á þessu svæði. Ef meðlimir þeirrar kirkju kæra sig ekki
um að hagnýta tækifærið, sem þar er boðið. fyrir börn sín,
hafa þeir frelsi til að hafna því. En siarfið heldur áfram.
Á þessu sumri höfum vér fengið nýja sönnun fyrir því.
Með Guðs hjálp mun æskulýður þessa lands hljóta mikla
blessun af starfi sem int verður af hendi á komandi árum
á þessum stað — í stofnuninni sem stendur nálægt staðn-
um þar sem íslendingar stigu fyrst fæti á land á strönd
Winnipegvatns, fyrir sjötíu og fimm árum síðan.
____________*____________
Landnámshátíð 1950
Eftir H. THORGRÍMSSON
Svo sem kunnugt er verða í haust liðin sjötíu og fimm
ár frá stofnun íslenzku nýlendunnar á Gimli.
Þessi atburður markar stór tímamót í sögu okkar hér
í fylki og mun flestum þjóðræknum Vestur-íslendingum
hafa fundist það sjálfsagt að minnast hans á viðeigandi hátt.
Víst er um það, að Þjóðræknisfélagið tók málið á dagskrá
í fyrra og skipaði nefnd til þess að athuga, hvernig því
yrði bezt borgið. Þá hafði þetta tilvonandi afmæli auðvitað
ekki farið framhjá Ný-íslendingum sjálfum; en auk þess
höfðu blöðin, bæði hér og á íslandi haldið málinu vakandi
og hvatt til þess að hátíðahöld færu fram á Gimli á þessu
sumri.
Fyrstu framkvæmdirnar í hátíðamálinu munu þó hafa
komið frá íslendingadagsnefndinni, en hún er skipuð ellefu
mönnum frá Wpg. og fjórum frá Gimli. Á fundi, sem þessi
nefnd hélt seint á hausti 1949, var afráðið að leita sam-
vinnu við Lýðveldishátíðarnefndina í Norður- Nýja-íslandi
og var Gimli-mönnum falið að semja við norðanmenn.