Sameiningin - 01.11.1950, Blaðsíða 8

150
Sameiningin
allir meðlimir hennar eru í þessum hópi eða ekki. Á fund-
inum ætti presturinn að gera fulla greinargerð fyrir því
hvernig starfinu skuli hátta.
Sú deild United Lutheran Church, sem þetta verk hef-
ir með höndum er nefnd „The Stewardship Ofíice“ og
leggur hún til, að kostnaðarlausu, bækur og bæklinga, sem
fjalla um starf kirkjunnar, og er gert ráð fyrir að blöð
þessi og bækur séu skilin eftir á heimilum þeim, sem heim-
sótt eru. Þá fást líka bækur, sem gera grein fyrir starfs-
aðferðum húsvitjenda, t. d. er þar sagt frá því hvernig starf-
semi kirkjunnar er háttað og hvernig bezt megi koma orð-
um að því sem segja þarf. Alt þetta lesmál fæst ókeypis
með því að skrifa eftir því til 231 Madison Ave., New York
City. Presti safnaðarins eru send þessi rit í ágúst eða sept-
embermánuði ár hvert og ef sú sending nægir ekki má
altaf skrifa eftir meiru. Þegar húsvitjendur hafa fengið
nægilega tilsögn þá skifta þeir með sér verkum þannig,
að hverjir tveir hafi nokkurnveginn jafn mörg heimili til
að heimsækja.
Sunnudaginn áður en húsvitjanirnar eiga að byrja, ætti.
að fara fram sérstök guðsþjónusta þar sem presturinn út-
nefnir formlega til starfsins þá, sem valdir hafa verið og
sendir þá síðan út í nafni Krists og kirkju.
Með þessum undirbúningi hefst húsvitjnarstarfið. í
hverju er þetta starf helzt fólgið og hvaða boðskap eiga
þeir að flytja sem sendir eru út til safnaðarmanna?
Starfið er í því fólgið að prédika það sem á ensku er
nefnt „Stewardship“ og mætti ef til vill þýða sem ráðs-
mensku, sem aftur á móti mætti útleggja sem kristindóm
í verki eða framkvæmd. Hlutverk þeirra sem húsvitja er
það að vekja safnaðarfólk til umhugsunar um þær skyldur
sem á því hvíla sem ráðsmönnum í víngarði Drottins.
Þrent er það aðallega, sem leggja verður áherzlu á.
Fyrst verður að hvetja fólk til trúar og stöðugrar kirkju-
sóknar. Þetta er þýðingarmikið atriði, sem oft á tíðum er
ekki nægilega brýnt fyrir mönnum af þeim sem húsvitja.
í öðru lagi verður stöðugt að hvetja safnaðarmeðlimi til
þess að taka sem virkastan þátt í öllu starfi safnaðarins.
Oft þarf ekki nema að færa það í tal við fólk, svo að það
lofist til að starfa að sunnudagaskóla, Luther League eða
kvenfélagsmálum. Alla þessa þætti safnaðarlífsins þarf að