Sameiningin - 01.09.1945, Blaðsíða 4

164
gefi sigurvegurunum vísdóm til að breyta réttilega, og
beita valdi sínu á þann hátt að það leiði til blessunar öllum
þjóðum í mannheimi.
Með hinni sömu festu og forsjá og áður var notuð til
þess að vinna stríðið, þarf nú að skipuleggja framtíðar
fyrirkomulag. Einn þáttur þess mikla starfs er að sigra
baráttuna við húngrið og klæðleysi. Þar er hverjum ein-
stakling gefið dýrðlegt tækifæri til að hjálpa. Hvað ert
þú að gera? Vefur þú fastara að þér loðkápuna og eykur
við þinn eigin forða af fatnaði en gefur ónýta garma, sem
engin getur notað til hinna klæðlausu í löndum hörmung-
anna? Kvartar þú og hveinar yfir óþægindum, sem skömt-
un á örfáum matartegundum hefur í för með sér? Eða
ertu fús til að taka nærri þér til að hjáípa? — Skilurðu
orð meistarans er hann sagði: “Hungraður var eg og þér
gáfuð mér ekki að eta — nakinn og þér klædduð mig ekki.”
Frá hverjum einasta prédikunarstól ættu að berast
áskoranir til allra að gera nú skyldu sína í þessu. Dauf-
heyrist fólk þeirri áskorun sannar það með framkomu sinni
að til eru þeir meðal vor, sem ekki eru verðugir fyrir
fórnina miklu, sem lögð hefur verið fram á vígvöllum,
ekki verðugir fyrir þann sigur, sem unnin hefir verið.
Hin nýafstaðna styrjöld hefur fært heim sannanir fyr-
ir því að ef menn ekki geta lært þá list að lifa saman í
friði hljóta þeir að deyja. Sú kenning er alls ekki ný —
hana er að finna í Biblíunni alt frá frásögninni um Kain
og Abel til frásagna opinberunarbókar. Þá kenningu sannar
veraldarsagan, og nú síðast hefur þeim sannindum verið
þrýst að oss með meiri krafti en nokkru sinni fyr með
hinni stórfeldu uppfyndingu um Atom-sprengjuna.
Hin ógurlega orka, sem þar hefur verið leyst, mun
óumflýjanlega færa mannheimi mikið lán eða ólán. — Ann-
að hvort mun það afl færa með sér framfarir, þægindi og
vellíðan eða eyðilegging allrar siðmenningar og ef til vill
algjöra eyðileggingu mannkynsins á þessari jcrð. Hvort
verður það? Svarið felst í því hvort mennirnir hafa það
siðferðisþrek, sem útheimtist til þess að þeim sé trúandi
fyrir þeirri miklu ábyrgð, sem sú uppfinding hefur í för
með sér. Sagt er að Wilbur Wright hafi sagt að hann
iðraðist eftir að hafa gert hina miklu uppfindingu um
loftfarið, nú þegar hann sæi til hvers þau væru notuð.
Yísindin hafa á ýmsan hátt margfaldað möguleika til góðs