Sameiningin - 01.09.1945, Blaðsíða 18

178
Um sambúð og gestrisni Bjarna og Stefaníu hefi eg
áður skrifað, og þarf ekki að bæta neinu við þá lýsingu hér;
enda vel kunnugt öllum þeim sem nokkuð þektu til þeirra
hjóna.
Bjarni þjáðist af erfiðum sjúkdómi síðustu árin. Var þá
oft rúmfastur dögum og vikum saman, og þurfti varla síður
eftirlits þegar hann var á fótum síðustu mánuðina. Dáðust
allir að því, hve ágætlega hún stundaði mann sinn, sjálf
orðin háöldruð. En alúðin og þrekið brugðust aldrei.
En kraftarnir voru líka að þrotum komnir að þessari
þrekraun lokinni. í vor í lok maí mánaðar tók hún lasleika
sem fljótlega snérist upp í lungnabólgu, og andaðist 7. júní.
Hún lætur eftir sig eina systur, Ingibjörgu, sem býr í Seattle.
Um önnur æfiatriði, sameiginleg þeim hjónum, hefi eg
skrifað áður í minningarorðum um Bjarna Jones.
Gefi Guð mörg önnur hjón þessum lík. G. G.
Frá Bandalagi lúterskra kvenna
Þrír mánuðir eru nú liðnir síðan ársþing Bandalagsins
var haldið, þar sem minst var hins tuttugasta afmælisdags.
Á því þingi var einnig samþykkt að kaupa landsspildu á
strönd Winnipeg vatns, fjórar mílur suður af Gimlibæ, fyrir
hnar fyrrhuguðu sumarbúðir. Síðan hefur greinilega komið
í ljós áhugi og eining með þetta starf. Nefndir hafa starfað
að því að undirbúa og skipuleggja. — Sérfræðingur hefur
nú þegar skipulagt leikvelli, lystigarð, blómagarð og bygg-
ingar allar. Bygginganefnd hefur verið kosin. — Önnur
nefnd hefur með höndum innkaup á innanhúsmunum öllum,
vonar hún að geta fengið flest af því með ágætu verði úr
hinum ýmsu hermaanabúðum, sem nú er verið að loka upp.
Töf hefur orðið á því að fá leyfi til að byggja að svo
stöddu, en án efa verður ekki langt að bíða eftir að það
verði veitt.
Allir, sem áhuga hafa fyrir þessu eru mintir á að styrkja
fyrirtækið eftir því sem kringumstæður leyfa. Á þessu
hausti verði margir sem gjafir senda — sjóðirnir vaxa
vikulega. Bandalagið þakkar áhuga, gjafir og hlýyrðin öll,
áður en langt líður verða hinar fyrirhuguðu sumarbúðir
reistar. I. J. Ó.