Sameiningin - 01.03.1944, Side 6

36
Bærinn Mount Carroll, er sveitasetur — County seat —
í Carroll county, og telur um 2000 íbúa; bærinn er um tíu
mílur frá Missisippi-fljótinu. Söfnuðurinn stendur á gömlum
merg og samanstendur af fjölþættum þjóðarbrotum.
Kirkja safnaðarins er úr múrsteini og vel vönduð að allri
innréttingu, í henni er vandað pípuorgel.
Séra Kristinn átti einkar glæsilegan námsferil, hann
lauk mjög lofsamlegum prófum, við latínu og prestaskóla
Mjög ungur að aldri var hann vígður til prests af séra Jóni
Bjarnasyni 26. júní 1904, til Garðar prestakalls í Norður
Dakota, eftirmaður séra Friðriks J. Bergmanns. 1 því presta-
kalli, en síðar í Víkur söfnuði á Mountain og í þeim hluta
bygðarinnar, þjónaði hann í samfleytt tuttugu og eitt ár,
eða til ársins 1925, er hann gerðist eftirmaður séra Friðriks
Hallgrímssonar í Argyle-bygðar prestakalli. Þar þjónaði
hann til ársins 1930, að hann gerðist prestur Hallgríms-
safnaðar í Seattle borg, en innti einnig þjónustu af hendi
á ýmsum stöðum á Kyrrahafsströnd, bæði á Pt. Roberts,
Wash., um hríð í Vancouver B. C., og víðar. Flest árin er
hann þjónaði Hallgrímssöfnuði þjónaði hann sem umferða-
prestur á prestlausa svæðinu í Kirkjufélagi voru hér eystra,
og vann þar mikið og þarft starf, erfitt og ekki við allra
hæfi, sökum sífeldra ferðalaga.
Hann var kosinn forseti Kirkjufélags vors árið 1923;
hann hélt um stjórnvöl þess, með glæsimennsku og prýði
þar til á síðastliðnu vori. Sem forseti þess átti hann merki-
legan starfsferil. Árið 1929, var hann erindisreki var á
Allsherjarþingi Lúterskra manna, sem það ár var haldið í
Kaupmannahöfn. Þá heimsótti hann ísland, og fór víða um
stærri borgir Evrópu á heimleið. Hin síðari ár hefir hann
mætt fyrir vora hönd — ásamt öðrum erindisrekum — á
þingum United Lutheran Church in America, og jafnan
getið sér, kirkju sinni og þjóðarbroti orðstýr og heiður á
þeim mannþingum; því víðfeðmi gáfna hans, glæsimennska
skarpur skilningur á rökum hvers máls, samfara fágætum
forustuhæfileikum fær aldrei dulist neinum þeim, er hon-
um kynnist. — Jafnan er það ærinn vandi að halda um
stjórnvöl stofnana eða félagsheilda svo árum eða áratugum
skiftir, — á það sér einnig stað um kirkjulegan félagsskap
eða kirkjufélög, og ekki síður en aðrar félagsheildir. Öllum
réttsýnum mönnum ber saman um það, að séra Kristinn
á flesta þá hæfilegleika er slíkann leiðtoga megi prýða.