Fréttablaðið - 02.03.2011, Qupperneq 29

MIÐVIKUDAGUR 2. mars 2011
Kaffimenning Íslendinga hefur
tekið örum breytingum síðustu
ár. Um það bera kaffihús og heim-
ili landsins vitni þar sem „fínni“
drykkir á borð við espresso, latte
og cappuccino hafa einkum átt upp
á pallborðið á kostnað uppáhelling-
ar. Nú bendir hins vegar ýmislegt
til að uppáhelling gæti verið að
ryðja sér aftur til rúms hérlend-
is, þó með örlítið breyttu sniði.
Aðalheiður Héðinsdóttir, forstjóri
Kaffitárs, veit allt um málið.
„Þegar espresso-vélarnar komu
fyrst á markað voru kaffihúsin
fljót að innleiða espresso-menn-
inguna, hér sem og annars stað-
ar. Heimilin fylgdu í kjölfarið,
þannig að margir eiga orðið litl-
ar espresso-vélar, og ekkert nema
gott um það að segja enda kaffið
sem úr þeim kemur með eindæm-
um gott. Hins vegar urðum við
sem höfum lengi starfað í geir-
anum þess brátt áskynja að vissir
annmarkar eru á þessum takka-
vélum. Bruggunartíminn er til
dæmis alltaf sá sami, sem gerir
það að verkum að viss efni í sumu
kaffi fá ekki tíma til að leysast upp
og bragðið skilar sér því ekki allt-
af sem skyldi,“ segir hún og bætir
við að þar komi gamla, góða uppá-
hellingin til sögunnar.
„Upp á síðkastið hefur ákveðin
vitundarvakning átt sér stað um
kosti uppáhellingar. Hana má
rekja alla leið til Japans þar sem
þróuð hefur verið aðferð til að fá
meira út úr uppáhelltu kaffi. Jap-
anar hella upp á einn bolla í einu,
mæla nákvæmlega magnið af
kaffi og vatni sem í hann fer og
nota sérstakan ketil, Hario-ketil,
með löngum og mjóum stúti sem
gerir fólki kleift að hella hægar og
þannig stýra vatnsflæðinu betur,“
útskýrir Aðalheiður og segir að
með því móti verði kaffibragðið
eins og best verður á kosið. „Auk
þess sem þetta minnir á japanska
te-athöfn og er skemmtilega sjón-
rænt.“
Viðskiptavinum Kaffitárs gefst
nú kostur að fá uppáhellt kaffi, af
einhverri sparitegund, með þess-
ari aðferð, en hún hefur á undan-
förnum vikum verið innleidd á
kaffihúsum fyrirtækisins. „Sér-
fræðingur á okkar vegum, Tumi
Ferrer, hefur búið til sérstaka upp-
skrift sem stuðst er við og kúnn-
arnir geta notið þess að prófa,“
bendir Aðalheiður á og bætir
við að þótt tíma geti tekið að ná
aðferðinni sé hún árangursrík og
fljótleg. roald@frettabladid.is
Uppáhelling aftur vinsæl
Espresso, latte og cappuccino hafa verið mál málanna í kaffimenningu Íslendinga undanfarin ár. Uppá-
helling, með örlítið breyttu sniði, er hins vegar að ryðja sér aftur til rúms þökk sé útsjónarsemi Japana.
Aðalheiður segir kosti þess að hella upp á kaffi vera ótvíræða. Hún getur þess að á vefsíðunni kaffitar.is sé hægt að fræðast um
ýmsar nýjungar, meðal annars Sparikaffiklúbbinn sem gefur kost á úrvalskaffi í áskrift og þátttöku í námskeiðum. FRÉTTABLAÐIÐ/STEFÁN
„Japanar hella upp á einn bolla í einu, mæla nákvæmlega
magnið af kaffi og vatni sem í hann fer og nota
sérstakan Hario-ketil, með löngum og mjóum stúti.“
Hvað er lífrænt ræktað
kaffi? Lífrænt kaffi er
ræktað án notkunar
rotvarnarefna eða
tilbúins áburðar. Rökin
fyrir slíkri ræktun
eru þau að menga
umhverfið minna og
rækta vöru sem er
hollari fyrir neytand-
ann. Á Íslandi fæst líf-
rænt kaffi hjá Kaffitári,
í kaffihúsinu Hljóma-
lind og á fleiri stöðum,
auk þess sem heilsu-
deildir stórmarkað-
anna bjóða upp á
ýmsar tegundir af líf-
rænt rækt-
uðu
kaffi.
· 2 pakkar á mánuði af því besta
sem Kaffitár flytur inn
· Upplýsingar um það sem er að
gerast í kaffiheiminum
· Námskeið og uppákomur
Vertu með!
Áskriftarklúbbur
fyrir kaffiunnendur
www.kaffitar.is
SP
AR
IKAFFI
K
L Ú B B U R
I
N
N
H
2 hönnun