Fréttablaðið - 04.04.2011, Page 14

14 4. apríl 2011 MÁNUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Nýverið fréttist að bresk yfirvöld hafa rætt möguleika á að kaupa á raforku
frá Íslandi, sem leidd yrði með sæstreng
til Bretlands. Þessi sama hugmynd kemur
einnig af og til upp á yfirborðið í umræðu
á Íslandi. En hafa Íslendingar þessa orku
að bjóða? Skiptir hún einhverju máli fyrir
orkubúskap Bretlandseyja? Hver yrðu
áhrifin hérlendis? Er ekki rétt að staldra
aðeins við?
Allir okkar hagkvæmustu virkjana-
kostir eru þegar nýttir til stóriðju; því
má draga í efa að mikil orka fyrir breska
neytendur sé til á Íslandi. Sem dæmi má
nefna að hægt er að færa gild rök fyrir
því að sárafáir kostir séu fyrir hendi til
virkjunar vatnsfalla af sömu stærðar-
gráðu og virkjanir í efri hluta vatnasviðs
Þjórsár. Eru háhitasvæðin í Kerlingar-
fjöllum og Torfajökli mögulegir virkjana-
kostir í þessu samhengi? Vitaskuld ekki.
Til þess eru aðrir hagsmunir allt of ríkir.
Er orka til fyrir hendi til að selja til Bret-
landseyja? Líklega er svarið mjög einfalt:
nei.
Sú orka sem unnt er að ganga að á
Íslandi, jafnvel með því að ganga mjög
nærri orkuauðlindum Íslands skiptir litlu
sem engu máli fyrir Bretlandsmarkað. En
áhrifin yrðu gríðarleg á náttúru Íslands
og líklegt er að orkuverð til íslenskra
notenda myndi hækka.
Það er rétt að hafa í huga að óspillt nátt-
úra Íslands er öflug tekjulind fyrir þjóð-
ina. Tekjur af erlendum ferðamönnum
ná hugsanlega 200 milljörðum árið 2011.
Heildartekjurnar nema auðveldlega 3000
milljörðum næstu 10 árin samtals. Inn-
viðir ferðaþjónustu og aðbúnaður á ferða-
mannastöðum þarfnast uppbyggingar;
náttúruperlur aðhlynningar. Á þessu sviði
eru mikil tækifæri fyrir hinar dreifðu
byggðir landsins; tækifæri sem þarf að
rækta. Það eru víðar arðbærar fjárfest-
ingar en í orkugeiranum.
Mjög gengur á lífrænan orkuforða jarð-
ar á borð við olíu, kol og gas, en jafnframt
vex orkuþörfin örum skrefum. Orkuverð
hækkar ört á heimsmarkaði og með þetta
í huga þarf að huga að framtíðinni á
Íslandi. Við þurfum orku fyrir samgöngu-
tæki framtíðarinnar, á sjó og á landi og til
fjölbreyttrar atvinnustarfsemi. Íslend-
ingar – stöldrum við í orkumálum! Það er
ekki síst hagur orkusölufyrirtækja til að
tryggja fjölbreytta og arðsama nýtingu
þverrandi orkulinda og það er sannarlega
hagur Íslendinga framtíðarinnar.
Stöldrum við í orkumálum!
Orkumál
Ólafur Arnalds
prófessor við
Landbúnaðar-
háskóla Íslands
Frummælendur
Dagbjört Hákonardóttir, lögfræðingur
Brynja Halldórsdóttir, laganemi
og í stjórn Vinstri grænna í Reykjavík
ESB aðild?
Hvaða aðrar leiðir
eru færar?
Hádegisfundur Evrópuvaktar Samfylkingarinnar
á Kaffi Sólon þriðjudaginn 5. apríl kl. 12–13.
xs.isAllir velkomnir
H
ér hafa hlutir þokast til betri vegar í málefnum
flóttafólks. Helst er þar hægt að líta til dæma fólks
sem hingað hefur komið fyrir tilstuðlan samstarfs
ríkisins og Flóttamannastofnunar Sameinuðu þjóð-
anna.
Flóttamannastofnunin fer þá fram á að Ísland taki við ákveðn-
um hópum og fara mál þeirra þá í annað ferli en hælisleitenda
sem á eigin vegum biðja hér um landvist.
Síðast komu hingað átta
konur frá Palestínu sem hér
fengu hæli með börn sín haustið
2008 og árið áður fékk hér hæli
flóttafólk frá Kólumbíu. Þótt
hrunið hafi tímabundið raskað
áætlun ráðuneyta félags- og
utanríkismála frá árinu 2007
um að hér á landi fengju árlega
hæli 25 til 30 flóttamenn þá er ekki ástæða til að ætla annað en
sá þráður verði tekinn upp að nýju.
Ekki er hins vegar hægt að segja að mikil reisn sé yfir því
hvernig tekið er á málum annarra hælisleitenda, en þumalputta-
reglan er sú að á grundvelli svokallaðs Dyflinnarsamkomulags
er þeim vísað aftur til þess lands þaðan sem þeir komu og þar-
lendum yfirvöldum eftirlátið að finna úr þeirra málum. Yfir-
bragð Útlendingastofnunar, sem sker úr málum hælisleitenda
og annarra sem hér sækja um landvistarleyfi, er þunglamalegt
og varla ofsagt að verulegir þröskuldar séu í vegi fólks utan
Evrópulanda sem hér vill setjast að.
Stöku mál hafa komið upp á yfirborðið og vakið athygli, jafn-
vel svo að fólk hefur hafið undirskriftir og viljað hlutast til um
að ómanneskjulegt skrifræðið eitt ráði ekki för í þeim málum.
Núna er í hámæli mál Priyönku Thapa. Hún er 23 ára nemi við
háskólabrú Keilis, afbragðsnámsmaður sem farið hefur fram á
dvalarleyfi hér til þess að halda áfram námi og í von um að geta
aflað tekna sem framfleyti fátækri fjölskyldu í Nepal. Fjölskyldu
sem hún segir að hafi í fátækt sinni gripið til þess örþrifaráðs
að selja hana í hjónaband ókunnum manni. „Lífi mínu er hrein-
lega lokið ef ég fer aftur heim. Þar bíða mín gamlir karlar og
ömurlegar aðstæður – í raun þrældómur,“ sagði hún í viðtali við
Fréttablaðið á föstudag, eftir að í ljós kom að Útlendingastofnun
hafði synjað henni um dvalarleyfi. Stofnunin virðist ekki leggja
trúnað á orð hennar um hvaða aðstæður bíði hennar heima fyrir.
Vera má að hendur Útlendingastofnunar séu bundnar af lögum
og reglum. En þá hlýtur að vakna spurningin um hvort allrar
þessarar stífni sé þörf þegar kemur að málefnum útlendinga.
Lögmaður Priyönku hefur sagt að allra leiða verði leitað til að
afla henni hér landvistar. Þar á meðal kemur til greina að biðla
til Alþingis um að henni verði veittur ríkisborgararéttur. Sé eitt-
hvert réttlæti í henni veröld þá tekur allsherjarnefnd Alþingis
mál hennar fyrir og kannar ofan í kjölinn áður en til þess kemur
að tekin verði fyrir umleitan auðugra útlendinga vestan hafs sem
einnig vilja fá hér ríkisborgararétt. Önugt væri ef hlaupið væri
á eftir erindi skattaskjólslögmanns þeirra áður en horft væri til
þess hvort hægt sé að hjálpa stúlku sem selja á í þrældóm.
Málefni útlendinga:
Gera þarf betur
SKOÐUN
Óli Kristján
Ármannsson
olikr@frettabladid.is
Kosningabarátta!
Kosningabarátta stendur nú sem
hæst fyrir Icesave-atkvæðagreiðsluna
sem fram fer næsta laugardag.
Já og nei fylkingarnar, Áfram- og
Advice-hóparnir, hafa auglýst nokkuð
grimmt síðustu daga með misáhrifa-
miklum hætti. Báðar fylkingar hafa
birt auglýsingar þar sem
sérfræðingar, stjórnmála-
menn, fólk úr atvinnulífinu
og aðrir lýsa skoðunum
sínum á málinu en nú
síðast birti Áfram-hópurinn
lista yfir 20 fyrrverandi ráð-
herra sem hyggjast kjósa já
í komandi kosningu.
Hákarl og börn seld í ánauð
Það hafa þó síður en svo allar
auglýsingar varðandi Icesave-
málið verið málefnalegar. Þannig birti
Áfram-hópurinn heilsíðuauglýsingu
í Fréttablaðinu á föstudag þar sem
risastór hákarl átti að tákna áhættuna
við óleyst Icesave-mál. Að neita að
samþykkja Icesave
samkomulagið mun
tæpast valda því að
hákarl gleypi Ísland.
Útvarpsauglýsing
á vegum nei-fylk-
ingarinnar slær
þó sennileg öll
met en þar líkir
Egill Ólafsson stuðmaður Icesave-
samningunum við það þegar íslensk
börn voru seld í ánauð á 15. öld. Það
er nefnilega það.
Fyrirheit um ESB-umræðu?
Það er spurning hvort kosninga-
baráttan um Icesave gefi fyrirheit
um það sem koma skal þegar og ef
kosið verður um aðildarsamning að
ESB. Auglýsingar á borð við þessar
vekja í öllu falli ekki þá von í brjósti
að tekist verði á um ESB-aðild á
málefnalegum forsendum. Það
er oft auðveldara að reiða
sig á tröllasögurnar.
magnusl@frettabladid.is