Fréttablaðið - 24.05.2011, Blaðsíða 13
ÞRIÐJUDAGUR 24. maí 2011 13
VIÐSKIPTI Líkur eru á að ríkið
muni reyna fyrir sér með skulda-
bréfaútboði á erlendum vett-
vangi á þriðja fjórðungi ársins,
því fyrsta frá hruni. Greining
Íslandsbanka segir lántökuna
geta rutt brautina fyrir aðra sem
þurfi á erlendu lánsfé að halda,
svo sem Landsvirkjun.
Í Morgunkorni Íslandsbanka
segir að ríkissjóður gæti reynt
að sækja hálfan milljarð evra til
að endurfjármagna þann hluta
gjaldeyrisforða Seðlabankans
sem er á gjaldaga næsta árið. - jab
Ríkið vill sækja sér erlent fé:
Gæti hjálpað
Landsvirkjun
REYKJAVÍKURBORG Linda Björg
Árnadóttir, hönnuður og aðstand-
andi verslunarinnar Kiosk á
Laugavegi, segja það ekki rétt
sem kom fram í Fréttablaðinu
á miðvikudag í síðustu viku að
fjárstyrkur sem Linda fékk frá
Reykjavíkurborg hafi á endanum
verið nýttur til stofnunar Kiosk
en ekki í verkefnið sem styrkur-
inn var ætlaður.
Eins og kom fram í Frétta-
blaðinu vill borgin að Linda
endur greiði fimm hundruð þús-
und króna styrk sem hún fékk í
fyrra til verkefnis sem hafði það
að markmiði að skapa ungum
fatahönnuðum farveg. Peningarn-
ir hafi ekki verið notaðir eins og
til var ætlast. Linda sagði í bréfi
til menningar- og ferðamálasviðs
borgarinnar að endurgreiðslu-
krafan væri fáránleg. Þótt verk-
efnið hafi ekki orðið eins og stefnt
hafi verið að vegna skorts á fjár-
magni annars staðar frá hafi
samt komið út úr því „góðir og
tiltölulega svipaðir hlutir og til
stóð í upphafi“. Síðan útskýrði
Linda að verkefnið hefði þróast í
að verða verslun sem hópur hönn-
uða reki saman. „Þessi verslun
heitir Kiosk og er á Laugavegi
65,“ sagði í bréfinu.
Nú hafa Linda og aðstandendur
Kiosk hins vegar sent frá sér sam-
eiginlega yfirlýsingu um að Kiosk
hafi aldrei fengið styrk frá Reykja-
víkurborg né annars staðar frá.
„Þátttakendurnir í Kiosk hafa stað-
ið sjálfir að stofnun og öllum fram-
kvæmdum vegna verslunarinnar.
Umræddur styrkur var veittur
Lindu vegna verkefnis sem hét
Black sem hún vann með tveim-
ur af stofnendum Kiosk. Kiosk og
Black eru alveg ótengd verkefni,“
segir í yfirlýsingunni. - gar
Hönnunarstyrkur sem Reykjavíkurborg vill fá endurgreiddan rann ekki til Kiosk:
Frásögn um styrk borin til baka
FRÉTTABLAÐIÐ Í síðustu viku var sagt frá
kröfu Reykjavíkurborgar á hendur Lindu
Bjargar Árnadóttur um endurgreiðslu
hönnunarstyrks og svörum Lindu við
kröfunni.
LINDA BJÖRG ÁRNADÓTTIR Fagstjóri hönnunardeildar Listaháskóla Íslands segir að þótt verkefni sem hún fékk styrk frá Reykjavíkurborg til að framkvæma hafi þróast öðruvísi en ætlað var hafi útkoman verið álíka góð. Niðurstaðan hafi orðið verslunin Kiosk sem opnuð var á Laugavegi í fyrrasumar. MYNDIN ER SAMSETT.
Fatahönnuður
vill ekki borga
r
a
n
i.
-
r
m
r
m
a
í
Eignastýring • Markaðsviðskipti • Fyrirtækjaráðgjöf
Arctica Finance er framsækið, óháð og sjálfstætt
fjármálafyrirtæki sem hefur starfsleyfi frá Fjármálaeftirlitinu.
Fyrirtækið er í eigu starfsmanna sem búa að áralangri og
víðtækri reynslu af innlendum og erlendum fjármálamörkuðum.
www.arctica.is | Smáratorgi 3 | 201 Kópavogi | Sími 513 3300
SÁDI-ARABÍA, AP 32 ára gömul kona
hefur verið handtekin í Sádi-
Arabíu fyrir að aka bíl.
Konur mega ekki aka bílum í
landinu en Manal al-Sherif setti
myndband á netið af sjálfri sér
undir stýri í síðustu viku. Bróðir
hennar, sem var með henni í bíln-
um, var einnig handtekinn.
Baráttufólk fyrir rétti kvenna
til að keyra hafði búið til síður á
Facebook og Twitter, en þeim var
lokað fyrir skömmu. Í gær voru
nýjar síður stofnaðar. Baráttu-
fólkið hefur ákveðið að 17. júní
verði dagur þar sem allar konur í
landinu eigi að keyra bíla sína.
- þeb
Sádi-Arabar mótmæla banni:
Kona í haldi
fyrir að keyra
Sinueldur í Svínadal
Sinu- og gróðureldur kviknaði í
Svínadal á sunnudagsmorgun. Litlu
munaði að eldurinn næði að læsa
sig í sumarhús á svæðinu. Maður
sem staddur var í einu húsanna náði
að hefta útbreiðslu eldsins áður en
slökkvilið kom á staðinn.
LÖGREGLUMÁL
ALÞINGI Sigmundur Davíð Gunn-
laugsson, formaður Framsóknar-
flokksins, vill upplýsingar um
fjölda innbrota
á síðustu árum
og hvort innan-
ríkisráðherra
telji ástæðu
til að ætla að
hópar erlendra
afbrotamanna
stundi skipu-
leg innbrot á
Íslandi.
Í fyrirspurn
til ráðherra spyr Sigmundur um
fjölda erlendra fanga sem vist-
aðir voru í íslenskum fangelsum
í byrjun maí. Til samanburðar
biður hann um sama hlutfall frá
því fyrir tíu árum.
- bj
Spyr um erlenda glæpahópa:
Vill upplýsingar
um fangelsisvist
SIGMUNDUR DAVÍÐ
GUNNLAUGSSON