Fréttablaðið - 24.05.2011, Blaðsíða 38
24. maí 2011 ÞRIÐJUDAGUR30
FÉSBÓKIN
Hefur skráð sig á surfnámskeið í
sumar! Öðruvísi ykkur áður brá!
Björk Eiðsdóttir sjónvarpskona hefur ekki
áhyggjur af köldu sumri.
„Við erum búin að vera að vinna í
þessu verkefni mjög lengi og höfum
sinnt mikilli rannsóknarvinnu.
Við höfum rætt við fólk sem kom
að þessum fundi, bæði á Íslandi,
í Bandaríkjunum og Rússlandi,“
segir Stewart MacKinnon, einn af
aðalframleiðendum kvikmyndar-
innar Reykjavik.
Eins og Fréttablaðið greindi frá í
síðustu viku er allverulegur skrið-
ur kominn á gerð kvikmyndarinn-
ar sem á að fjalla um leiðtogafund
Ronalds Reagan og Mikhaíls Gor-
batsjov í Höfða árið 1986. Fram
kom í fréttatilkynningum á net-
inu að breski leikstjórinn Ridley
Scott myndi leikstýra myndinni
en MacKinnon segir það ekki vera
sannleikanum samkvæmt. Fram-
leiðslufyrirtæki Scotts, FreeS-
cott, komi að framleiðslunni. Mac-
Kinnon er hins vegar bjartsýnn og
segir að ef allt gangi að óskum hefj-
ist tökur strax á næsta ári.
MacKinnon er reynslubolti í sjón-
varps- og kvikmyndaiðnaðinum og
forðast því að gefa alltof mikið upp.
„En ég get þó sagt, að þetta er stór
mynd með stórum stjörnum sem
verður hugsuð fyrir alþjóðlegan
markað. Hún verður tekin upp í
Reykjavík enda leikur höfuðborg-
in og umhverfið hennar stórt hlut-
verk í myndinni,“ útskýrir Mac-
Kinnon en hann líkir myndinni við
kvikmyndina Frost/Nixon sem var
frumsýnd fyrir þremur árum. Sú
mynd kostaði 35 milljónir dollara
eða fjóra milljarða í framleiðslu.
„Við sjáum þetta sem mjög mikil-
væga sögu, þar sem tveir fulltrú-
ar ólíkrar hugmyndafræði sett-
ust niður og reyndu að ná einhvers
konar samkomulagi. Við teljum
þetta mynd sem eigi erindi við
áhorfendur í dag.“
Stór mynd með stórum stjörnum
SÖGULEG STUND Þegar Reagan og
Gorbatsjov hittust í Höfða beindist
kastljós heimspressunnar að Íslandi.
Nú stendur til að gera kvikmynd með
stórum stjörnum um þessa sögulegu
stund.
Matarkröfur Eagles fyrir tón-
leikaferð sína Long Road Out Of
Eden eru gríðarlegar samkvæmt
lista sem Fréttablaðið komst yfir
á netinu. Búast má við að íslenskir
tónleikahaldarar þurfi að uppfylla
einhverjar af þessum kröfum þótt
þeir geti eflaust ekki reddað Star-
bucks-kaffi eins og beðið er sér-
staklega um. Ísleifur B. Þórhalls-
son, sem stendur fyrir tónleikum
Eagles, sagðist ekkert vilja tjá sig
um kröfur Eagles, þær væru trún-
aðarmál.
Matarkröfurnar eru jafn strang-
ar og þær eru margar. Mikilvægt
er að maturinn sé heilsusamlegur
þar sem fólk í föruneyti Eagles er
að reyna að hugsa um heilsuna,
eins og kemur fram á kröfulist-
anum á netinu. Öll búningsher-
bergi verða að vera full af fersk-
um ávöxtum og grænmeti ásamt
nýbökuðu brauði. Mikilvægt er að
harðsoðin egg sem verða í boði séu
köld, með sprungulausri skurn. Þá
verða vínber að vera svo fersk, að
þegar þau eru hrist slitna þau ekki
úr klasanum.
Krafan um ferskleika er ströng,
sem kristallast í kröfunni um
hágæða safapressur frá annað-
hvort Juice Man eða Breville.
Þeir leyfa sér þó líka að sukka,
en Don Henley biður sérstaklega
um snakk frá Lays og átta pakka
af tyggjói með suðrænu og pipar-
myntubragði. Loks þarf allur
matur að vera borinn fram á leir-
taui, ekki plastdiskum og hnífapör-
in verða að vera úr silfri.
Þeir Glenn Frey, Don Henley,
Joe Walsh og Timothy Schmidt
gera kröfu um að vera í sérbún-
ingsherbergjum á þeim tónleika-
stöðum sem þeir spila og þeir
leggja þá væntanlega öll búnings-
herbergin í Laugardalshöll undir
sig. Eftir því sem Fréttablaðið
kemst næst verður stór bílafloti til
taks fyrir þá en einhverjir Eagles-
liðar hafa á tónleikaferðum sínum
notast við einkabílstjóra. Eftir
því sem Fréttablaðið kemst næst
ÍSLEIFUR B. ÞÓRHALLSSON: ÉG TJÁI MIG EKKERT UM ÞETTA
Miklar matarkröfur Eagles
„Það er óvenjulegt sumarfríið sem við tökum þetta
árið en ég er mjög spennt,“ segir Dóra Sif Ingadóttir,
kærasta knattspyrnumannsins Bjarna Þórs Viðars-
sonar, fyrirliða unglingalandsliðsins í knattspyrnu.
Hún ætlar að fylgja kærastanum til Danmerkur og
styðja landsliðið á Evrópumótinu. Fjölskyldur þeirra
hafa leigt sér hús og ætla að vera saman yfir mótið.
Dóra Sif þarf engu að síður að leggja á sig smá
ferðalag fyrir keppnina. „Ég fer fyrst til Belgíu og
sæki bílinn okkar þangað. Keyri svo til Danmerkur
með mömmu en það tekur um átta tíma. Við verðum
að vera á bíl til að geta keyrt milli leikja,“ segir Dóra
Sif en hún er búsett í Belgíu þar sem Bjarni spilar
fyrir úrvalsdeildarliðið KV Mechelen.
Dóra kveðst mjög stolt af kærastanum og hinum
strákunum í liðinu. „Maður fyllist miklu þjóðarstolti
á landsleikjum svo ég á von á að þetta verði skemmti-
legur tími,“ segir Dóra Sif en hún ætlar að reyna að
hóa saman kærustum leikmanna sem fara til Dan-
merkur. „Við Ragga [Ragnheiður Theodórsdóttir,
kærasta Rúriks Gíslasonar] ætlum að hittast úti og
reyna að búa til stemmingu. Enda á ég ekki von á því
að við eigum eftir að hitta strákana mikið, þeir verða
örugglega lokaðir inni á hótelherbergi mestallan tím-
ann.“
Dóra Sif, sem er 23 ára og í fjarnámi frá Háskóla
Íslands, segist finna fyrir miklum áhuga fyrir EM í
kringum sig en er hún bjartsýn á gengi liðsins í Dan-
mörku?„Ég er smá stressuð fyrir þeirra hönd en samt
það bjartsýn að ég bókaði gistingu fram yfir úrslita-
leikinn.“ - áp
Leggur á sig átta stunda akstur
STOLT AF STRÁKNUM Dóra Sif Ingadóttir, kærasta Bjarna Þórs
Viðarsonar, fyrirliða unglingalandliðsins, er að undirbúa ferð
sína á EM í Danmörku. FRÉTTABLAÐIÐ/ANTON
hafa Eagles-menn einnig notað
sína eigin kokka á tónleikaferðum
sínum og gera má ráð fyrir því að
engin breyting verði á því þegar
þeir koma til Íslands.
Eins og fram hefur komið í
Fréttablaðinu mætir einhver hluti
starfsfólksins fjórum dögum fyrir
tónleikana til að hefja upp-
setningu á sviði og hljóðkerfi.
Samkvæmt heimildum Frétta-
blaðsins mæta meðlimir Eagles
til landsins á einkaþotu tveimur
dögum fyrir tónleikana. Miðasala
á þá 200 miða sem eftir eru hefst á
föstudaginn á vefsíðunni midi.is.
STRANGAR KRÖFUR
Kröfulisti hljómsveitarinnar
Eagles er gríðarlega langur.
Búningsherbergin í Laugar-
dalshöll þurfa að vera full af
alls kyns ferskum kræsingum
og hljómsveitin tekur með sér tvo
kokka til að elda ofan í sig og föruneyti.
www.listahatid.is
TRYGGÐU ÞÉR MIÐA!
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Meiri Vísir.