Fréttablaðið - 24.05.2011, Blaðsíða 20

24. MAÍ 2011 ÞRIÐJUDAGUR
„Við leggjum mikla áherslu á al-
hliða þjónustu í kringum sláttuvél-
ar,“ segir Jóhann Rúnar Gunnars-
son, eigandi Sláttuvélamarkaðarins
á Smiðjuvegi 11. „Við erum stærstir
á markaðnum þegar kemur að vara-
hlutum í sláttuvélar og erum auk
þess með varahluti og viðgerðaþjón-
ustu fyrir reiðhjól og smávélar.“
Jóhann segir áríðandi að brýna
það fyrir fólki að koma með sláttu-
vélarnar í yfirhalningu strax á
vorin í stað þess að bíða eftir að
þær bili. „Það vill oft gleymast að
láta yfirfara sláttuvélarnar áður
en byrjað er að nota þær,“ segir
Jóhann, „sem er eðlilegt þar sem
þær eru ekki í notkun meirihlut-
ann af árinu, en það þarf auðvitað
að yfir fara þær, smyrja og brýna
hnífana og slíkt og kostnaðurinn
við það er bara örlítið brot af því
sem það kostar að gera við eftir að
eitthvað bilar.“
Jóhann segir sláttuvélavertíð-
ina þó aðeins seinni í gang í ár en í
eðlilegu árferði. „Við erum enn þá
að bíða eftir að sumarið byrji, það
er varla farið að spretta nokkurt
gras,“ segir hann hlæjandi. „En það
er þó orðið þó nokkuð að gera hjá
okkur nú þegar. Enda er þetta ein-
mitt rétti tíminn til að gera sláttu-
vélarnar tilbúnar fyrir sumarið.“
Nú er rétti tíminn
Það borgar sig margfalt að láta yfirfara sláttuvélarnar fyrir sumarið, segir Jóhann
Rúnar Gunnarsson, eigandi Sláttuvélamarkaðarins á Smiðjuvegi 11. MYND/GVA
Útgefandi: 365 miðlar ehf., Skaftahlíð 24, s. 512 5000
Ábyrgðarmaður: Jón Laufdal jonl@365.is s. 512 5449
Umsjónarmaður auglýsinga: Ívar Örn Hansen ivarorn@365.is s. 512 5429.
Það er fátt unaðslegra í
sumartilverunni en ilmur
af nýslegnu grasi og ekkert
sem toppar þá upplifun að
lifa og leika sér berfættur
í grasgrænni, dúnmjúkri
ábreiðu náttúrunnar.
Lifað á teppi
náttúrunnar
Hamingjan á heima í grasinu, þar sem foreldrar breytast aftur í börn og leika glöð við
afkvæmi sín í faðmi móður jarðar. NORDIC PHOTOS/GETTY
Nestisferð með uppdúkuðu veisluborði
í iðagrænu grasi er himnesk upplifun og
gefur öllu ferskara bragð.
Náttúran nærir okkur með ólgandi
krafti sínum í formi grass og blóma, og
einskær orkuáfylling að baða kroppinn í
litríku sumarskrauti hennar.
Á sumrin er blátt áfram skylda að þurrka þvottinn úti á snúru og brakandi ferskt
ævintýri að leggjast til hvílu í grasilmandi sængurfötum.
Börn breytast í mannlega grasmaðka
þegar sól skín í gegnum strá og fyllast
óheftri frelsistilfinningu og vilja hlaupa
um mjúk og nýslegin tún.
Kelerí er náttúrulegur gjörningur og hvergi eins viðeigandi að veltast um í faðm-
lögum og á grænum grasbölum, enda grasangan í senn tælandi og alltumlykjandi.
Það tilheyrir fögrum sumardögum
að setjast flötum beinum á grasbala
borgarinnar og skapa með því tilefni til
hvunndagsveislu.
Skoðaðu nýja og spennandi staði og taktu þér far með
einhverju af þeim 15 flugfélögum sem fljúga frá Íslandi á árinu.
Prófaðu Dohop leitarvélina á Vísi, flug og gisting,
öll hagstæðustu tilboðin á einum stað.