Fréttablaðið - 14.06.2011, Blaðsíða 32
4 ● vinnuvélar
Aflmiklar vélar þarf í
námugreftri enda verið að
flytja mikið magn þungra
efna. Því er ekki að undra
að í námuvinnu sé að finna
stærstu og afkastamestu
vinnuvélarnar.
Evrópska flutningabílaverksmiðj-
an (European Truck Factory,
ETF) hefur fundið frumlega leið
til að auka afköst í efnaflutning-
um. Það er ný gerð af svokölluð-
um trukkalestum en svo kallast
það þegar nokkrir vöruflutninga-
bílar eru tengdir saman til að auka
afköst. ETF-trukkana er hægt að
tengja saman með stálarmi en inni
í honum eru gagnatengi sem miðla
gögnum milli bílanna. Þannig getur
stjórnandi fyrsta bílsins stjórnað
bílunum á eftir sér. Því þarf að-
eins einn bílstjóra á alla bílana sem
minnkar verulega launakostnað.
Einnig hægt að aftengja hvern bíl
og nota einan sér.
Nokkrar gerðir af trukkum
verða í boði. Áhersla fyrirtækisins
verður á MT-240 módel en frum-
gerð þess var tilbúin í janúar og
prófuð í Þýskalandi en þar er verk-
smiðjan starfrækt.
ETF-trukkurinn verður búinn fjór-
um MTU/Mercedes OM 502 V8
vélum (480kW). Til að minnka álag
á dekk og koma í veg fyrir slit og
bilanir hefur verið útbúið sérstakt
kerfi sem heldur sama þrýstingi á
öllum dekkjum. Þegar dekk spring-
ur fær stjórnandi tilkynningu og
öxullinn lyftist sjálfkrafa.
Bílarnir verða með eins íhluti sem
auðvelt er að skipta um. Því þarf
ekki að setja bílinn á verkstæði
heldur er hægt að setja annan hlut
í bílinn á meðan gert er við þann
bilaða.
Nánari upplýsingar um fyrir-
tækið ETF er hægt að nálgast á
www.etftrucks.eu/
Aflmikil trukkalest
Hægt verður að tengja nokkra trukka saman og einn ökumaður getur stjórnað þeim.
Bílarnir geta sturtað í nokkrar áttir.
Hrauntak ehf. sérhæfir sig í sölu
á tækjum, vinnuvélum og at-
vinnubílum bæði á innanlands-
markaði og til útlanda. Fyrir
rúmu ári hóf fyrirtækið innflutn-
ing og sölu á vinnuvéla-, landbún-
aðar- og atvinnubílahjólbörðum
sem hefur mælst vel fyrir meðal
viðskiptavina, segir sölustjórinn
Sigurjón Gylfason.
„Við ákváðum að stækka sjón-
deildarhringinn með því að bæta
við dekkjum og dekkjavélum
sem eru frá Cormach. Það hefur
heldur betur borgað sig, þar sem
viðbrögðin eru jákvæð og salan
góð.“ Fyrirtækið er með samn-
inga við stóra erlenda byrgja og
selur hjólbarða frá öllum helstu
framleiðendum. „Við bjóðum
dekk af öllum stærðum og gerð-
um og biðtíminn eftir sérpönt-
unum er stuttur. Megináhersla
er hins vegar lögð á stóru dekk-
in enda erum við fyrst og fremst
að bæta þjónustuna við landbún-
aðargeirann, vinnuvélar, og at-
vinnubifreiðar,“ tekur Sigurjón
fram.
Hann segir allt kapp lagt á
að bjóða eingöngu upp á hágæða
vöru á góðu verði og ætti að vita
hvað hann syngur enda með ára-
tuga reynslu af sölu á hjólbörðum.
„Ég hef verið viðloðandi þenn-
an geira frá árinu 1984 og tók til
starfa hjá Hrauntaki í fyrra. Ég
get því ábyrgst að þetta eru góð
dekk,“ segir hann og getur þess að
ekki vanti upp á reynslu og kunn-
áttu annarra starfsmanna. „Hér
vinna eingöngu reynsluboltar sem
eru boðnir og búnir til að aðstoða
viðskiptavinina eftir fremsta
megni.“
Hrauntak er að Skútuhrauni
11 í Hafnafirði og er með ýmis
umboð, svo sem Fliegl sem fram-
leiðir meðal annars gámagrind-
ur, malarvagna og ýmsar gerð-
ir af véla- og flatvögnum ásamt
vögnum til notkunar í landbúnaði
og til ýmissa sérverkefna. Nánar
á www.hrauntak.is.
Dekk í dótakassann
Sigurjón Gylfason tekur vel á móti viðskiptavinum Hrauntaks. MYND/GVA
… að fyrsti vörubíllinn kom til
Íslands 21. júlí 1914 og hóf þegar
ferðir austur fyrir fjall. Þetta
virðist hafa verið fólksbílsgrind
með flutningskassa í stað far-
þegarýmis.
… að eftir að traktorar fóru
að berast til landsins á árunum
1929-1931 var ákveðið að halda
námskeið fyrir ökumenn þeirra í
Reykjavík og austur á Reykjum í
Ölfusi. Námskeiðið vakti athygli
utan landsteinanna og í mánað-
arriti IHC í Chicago var því gerð
sérstök skil í grein undir fyrir-
sögninni Iceland´s First Tractor
School eða Fyrsti traktorskólinn
á Íslandi.
… að stærðarinnar vinnu-
vélasafn, Konnasafn, er á Akur-
eyri. Konráð Vilhjálmsson og af-
komendur hans stofnuðu safn-
ið árið 1984 þegar Konráð festi
kaup á fyrsta safngripnum, Bor-
geit jarðbor. Tilgangur safnsins
er að varðveita sögu vinnuvéla á
Íslandi. Þar eru nú í kringum 70
vélar og sífellt bætist við.
… að fleiri spennandi vinnu-
vélasöfn er að finna á Íslandi.
Landbúnaðarsafn Íslands á
Hvanneyri byggir á grunni Bú-
vélasafnsins sem var þar starf-
rækt um árabil. Safnið varðveit-
ir ýmis gögn, gripi og aðrar minj-
ar um sögu og þróun landbúnaðar
á Íslandi.
… að dráttarvélum var fyrst
ekið yfir Skeiðarársand og aust-
ur í Öræfi í apríl 1958. Viðtal við
ferðalangana tvo, þá Guðjón Jóns-
son frá Fagurhólsmýri og Grím
Brandsson úr Reykjavík, birtist
í Tímanum skömmu fyrir brott-
för þeirra.
… að á heimasíðu Fornvéla-
félags Íslands er að finna marg-
víslegan fróðleik um gamlar
dráttarvélar og vélar sem tengd-
ar voru þeim.
Heimild: landbunadarsafn.is.
VISSIR ÞÚ...
Þessi jarðýta vakti athygli þegar hún var flutt til landsins árið 1974. Hún var af
gerðinni Caterpillar og sú stærsta sem hér hafði sést. Barnið við hlið hennar undir-
strikar vel stærðina. MYND/LJÓSMYNDASAFN REYKJAVÍKUR
Varahluta og viðgerðaþjónusta
Íspartar - Vélavit
Skeiðarási 3 - garðabær - Sími 527 2600
Varahluta
og viðgerðaþjónusta
fyrir utanborðsmótóra,
vinnuvélar
rafstöðvar, sláttuvélar,
fjórhjól, sexhjól
og allar aðrar vélar