Fréttablaðið - 22.06.2011, Blaðsíða 2

22. júní 2011 MIÐVIKUDAGUR2
Gunnlaugur, ertu núna orðinn
stórlax?
„Nei, og ég held mér endist varla
ævin í það. Verra er þó að þetta
voru eintómir smálaxar sem ég
nældi í.“
Gunnlaugur Sigurðsson var á mánudag
útnefndur Reykvíkingur ársins. Í tilefni
þess opnaði hann veiðina í Elliðaánum í
gærmorgun og nældi sér í maríulaxinn.
KJARAMÁL Steingrímur J. Sigfús-
son fjármálaráðherra fagnar því
að aðilar vinnumarkaðarins hafi
ákveðið að staðfesta gildistöku
kjarasamninga sem undirritaðir
voru í síðasta mánuði. Í samtali við
Fréttablaðið sagði hann að stöðug-
leikinn sem þriggja ára samningar
veiti væri „mikilvægur liður í efna-
hagsbatanum sem nú er hafinn“.
Þrátt fyrir margvíslegar athuga-
semdir staðfestu Samtök atvinnu-
lífsins (SA) og Alþýðusamband
Íslands (ASÍ) kjarasamningana í
gær. Ef annar hvor aðilinn hefði
ákveðið að gera það ekki hefði
aðfararsamningur gilt til janúar-
loka með þeim launahækkunum
sem um var samið fyrir þetta ár.
Í yfirlýsingu frá ASÍ segir að
til þess að hægt sé að vinna bug
á atvinnuleysi þurfi að örva fjár-
festingar og nýsköpun. Lykilatriði
í því að ná þeim markmiðum sé
að allir leggist á eitt. Það valdi þó
áhyggjum að bakslag virðist komið
í fjárfestingaráform.
ASÍ telur upp fimm atriði í því
sambandi, meðal annars tafir á
samgönguframkvæmdum og tafir
á efnahagsáætlun ríkisstjórnar-
innar og úrlausn skuldavanda
heimila og fyrirtækja. Þá segir
að atvinnulífið hafi haldið að sér
höndum og ekki nýtt sér tækifæri
til fjárfestinga og óvissa varðandi
kvótafrumvörp ríkisstjórnarinn-
ar hafi dregið úr fjárfestingu í
sjávar útvegi.
Í tilkynningu frá SA segir að
samtökin sýni ábyrgð með því að
staðfesta samningana. Þeir séu
mikilvægir til að leiða þjóðina úr
kreppunni þrátt fyrir að þeir séu
kostnaðarsamir fyrir atvinnulífið.
„Ákvörðun um að samningarnir
tækju ekki gildi 22. júní hefði
mikla röskun og óvissu í för með
sér. Samtök atvinnulífsins telja
slíka ákvörðun ekki réttlætanlega
þrátt fyrir að yfirlýsing ríkis-
stjórnarinnar hafi ekki gengið
eftir [...].“
SA sparar heldur ekki gagnrýni
sína á stjórnvöld varðandi efndir
á nokkrum lykilatriðum í vilja-
yfirlýsingu stjórnarinnar, meðal
annars varðandi fjárfestingar og
sjávarútvegsmál.
Fjármálaráðherra segist bjart-
sýnn á að vel muni takast til á
næstu misserum og forsendur
kjarasamninganna muni standast.
„Enginn getur tryggt fyrirfram
hversu vel gengur að ná upp fjár-
festingastigi og hagvexti, en við
erum bjartsýn á að það gangi eftir.
Þessir samningar eru hluti af því
að það geti gengið eftir.“
Kjarasamningarnir verða
endur skoðaðir á ný í janúar næst-
komandi. thorgils@frettabladid.is
Staðfesting samninga
grunnur stöðugleika
SA og ASÍ staðfestu þriggja ára kjarasamning í gær. Gera þó athugasemdir við
efndir ríkisstjórnarinnar á málum sem tengjast framkvæmdum og sjávarútvegi.
Fjármálaráðherra er bjartsýnn á að forsendur samninganna muni halda.
SAMNINGAR HALDA
Fjármálaráðherra segir
fagnaðarefni að aðilar
vinnumarkaðarins hafi
staðfest þriggja ára
samninga. ASÍ og SA
eru þó ekki alfarið sátt
við efndir stjórnarinnar
á yfirlýsingum þeim
tengdum.
NÁTTÚRA Almenningi gefst til 22.
ágúst kostur á að senda hugmynd-
ir sínar um þróun þjóðgarðsins á
Þingvöllum til Þingvallanefndar.
Veitt verða fimm 200 þúsund króna
verðlaun.
Í tengslum við tilnefningu Þing-
valla á heimsminjaskrá árið 2004
var mótuð stefna með áherslu á
verndun á forsendum sjálfbærrar
þróunar, svo að komandi kynslóð-
ir fái tækifæri til að njóta sérstöðu
Þingvalla. Hugmyndaleitin er liður
í því og var skipuð dómnefnd um
hana sem Ragna Árnadóttir veitir
forstöðu.
Í fréttatilkynningu segir Ragna
mikilvægt að almenningur taki þátt
í að skilgreina hvaða hlutverki Þing-
vellir eigi að gegna í lífi okkar og
samfélagi. „Við getum horft stolt
til Þingvalla, einstakrar náttúru,
sögunnar og menningarlegs hlut-
verks. Við skulum þó ekki veigra
okkur við að spyrja: Erum við sátt
við Þingvelli eins og þeir eru í dag?
Má eitthvað betur fara? Hvað viljum
við halda í og hvað má bæta? Hug-
myndaleitin er gott tækifæri til að
láta hugann reika og kynnast Þing-
völlum frá nýjum sjónarhóli.“
- kóp
Þingvallanefnd leitar fanga hjá almenningi og verðlaunar bestu hugmyndirnar:
Þjóðin spurð um Þingvelli
REYKJAVÍK Flestir treysta Hönnu
Birnu Kristjánsdóttur, oddvita
Sjálfstæðisflokksins, best af odd-
vitum stjórn-
málaflokkanna
í Reykjavík.
Þetta kemur
fram í könn-
un sem Capa-
cent gerði fyrir
Sjálfstæðis-
flokkinn.
Rúmlega
fimmtíu pró-
sent svarenda sögðust treysta
Hönnu Birnu best af oddvitunum
í borgarstjórn. Rúmur fjórðungur
treystir Degi B. Eggertssyni, odd-
vita Samfylkingarinnar. Sautján
prósent treysta Jóni Gnarr borgar-
stjóra og 7,1 prósent treystir Sól-
eyju Tómasdóttur, oddvita VG,
best. Einnig var spurt um fylgi
flokkanna og mældist Sjálfstæðis-
flokkurinn með 44,5 prósenta fylgi,
mest flokka. Samfylkingin hlaut
21,7 prósent, Besti flokkurinn 17,1
prósent og Vinstri græn 8,7 pró-
sent. 3,8 prósent sögðust myndu
kjósa aðra flokka. - þeb
Könnun um oddvita og fylgi:
Flestir treysta
Hönnu Birnu
HANNA BIRNA
KRISTJÁNSDÓTTIR
Kosið í stjórn Orkuveitunnar
Kosið var í stjórn Orkuveitu Reykja-
víkur til næsta árs í gær. Kosin voru
Haraldur Flosi Tryggvason formaður,
Brynhildur Davíðsdóttir varafor-
maður, Gylfi Magnússon, Kjartan
Magnússon og Sóley Tómasdóttir.
REYKJAVÍK
EFNAHAGSMÁL Greiningardeild
Arion banka býst við verðbólgu-
kúfi fram eftir hausti og gerir ráð
fyrir að hún fari í 5,2 prósent í
september. Deildin gerir ráð fyrir
að verðbólga fari úr 3,4 prósentum
í maí í 4,3 prósent nú.
Deildin hefur áður bent á að lítil
innistæða sé fyrir þeim loforðum
sem kjarasamningar hljóða upp á
og muni mörg fyrirtæki sem ekki
ráða við þá ýta álaginu áfram út
í verðlag. Þá eru líkur taldar á
því að kaupmenn muni jafnframt
nýta tækifærið nú til flytja hærri
rekstrarkostnað yfir á herðar
neytenda og muni vöruverð því
hækka meira en ella hefði mátt
reikna með. - jab
Arion banki spáir hækkunum:
Verðbólga eykst
fram á haustið
KEYPT Í MATINN Greiningardeild Arion
banka spáir því að vöruverð muni
hækka á næstunni. FRÉTTABLAÐIÐ/VILHELM
VINSÆLIR Þingvellir eru vinsæll ferða-
mannastaður og leitað er eftir hug-
myndum um hvernig taka eigi á móti
ferðamönnum þar. FRÉTTABLAÐIÐ/PJETUR
NOREGUR Tveggja stúlkna, eins og þriggja ára, er
saknað eftir að þeim var rænt af grímuklæddum
mönnum í Noregi í gær. Lögreglan í Noregi telur
að faðir þeirra geti staðið á bak við ránið. Hans var
einnig saknað þegar Fréttablaðið fór í prentun í
gærkvöldi.
Stúlkurnar tvær voru með móður sinni og starfs-
manni barnaverndar í bænum Brandbu í Upp-
löndum. Mannræningjarnir voru grímuklæddir og
beittu táragasi þegar þeir námu stúlkurnar á brott.
Norska ríkisútvarpið greindi frá því að þeir hefðu
haft í hótunum við móðurina og barnaverndar-
starfsmanninn. Þeir óku á brott með stúlkurnar í
bláum Saab sem er skráður í Svíþjóð.
Foreldrar stúlknanna eru frá Írak. Lögreglan ótt-
aðist að reynt yrði að fara með stúlkurnar úr landi
og því var landamæraeftirlit hert til muna í gær,
auk þess sem leitað var víða að stúlkunum og mann-
ræningjunum.
Tveir menn voru síðan handteknir um miðjan
dag í gær á bílnum, sem hafði verið eftirlýstur um
alla Evrópu. Stúlkurnar voru ekki í för með þeim.
Undir kvöld var þriðji maðurinn handtekinn, en í bíl
hans fundust tveir barnastólar. Í gær var ekki talið
að hann væri faðirinn. Allir mennirnir sem eru í
haldi lögreglunnar eru íraskir kúrdar. Þeir voru í
yfirheyrslum í gærkvöldi en höfðu neitað að tjá sig
nema lögfræðingar þeirra væru viðstaddir. - þeb
Norska lögreglan yfirheyrði þrjá menn sem eru grunaðir um mannrán:
Leitað að tveimur stúlkum
NORSKIR LÖGREGLUÞJÓNAR Víðtæk leit var gerð að stúlkunum
tveimur í gær. Þá hafa lögregluyfirvöld um alla Evrópu verið
látin vita af málinu, þar sem talið er að reynt hafi verið að
koma þeim úr landi.
GRIKKLAND Hin endurnýjaða ríkis-
stjórn Grikklands hlaut stuðning
gríska þingsins seint í gærkvöldi.
Georgios Papandreú myndaði
nýja ríkisstjórn fyrir helgi. Hann
þurfti stuðning meirihluta þings-
ins til að geta borið fram niður-
skurðartillögur.
Fyrst stjórnin hélt velli verður
niðurskurður upp á 28 milljarða
evra lagður fyrir í næstu viku.
Það er forsenda þess að Grikkir
fái tólf milljarða evra lán frá
Evrópu sambandinu og Alþjóða-
gjaldeyrissjóðnum. - þeb
Kosið um ríkisstjórnina í nótt:
Stjórnin hélt
velli í Grikklandi
Sátu fastir á klettasyllu
Þyrla Landhelgisgæslunnar, TF-
LÍF, bjargaði tveimur illa búnum
mönnum sem lent höfðu í sjálfheldu
á klettasyllu austan við Þverfellshorn í
Esju síðdegis í gær.
BJÖRGUN
BANDARÍKIN, AP Sígarettupakkar í
Bandaríkjunum munu frá og með
haustinu 2012 sýna neikvæðar
afleiðingar reykinga á opinskáan
hátt. Lyfja- og matvælastofnun
Bandaríkjanna kynnti í gær níu
mismunandi merkingar sem munu
þekja efri helming pakkanna. Þar
má meðal annars sjá nærmynd af
tannskemmdum, sýkt lungu reyk-
ingamanns og lík manns sem lést
af völdum reykinga.
Reykingar draga 443.000
Bandaríkjamenn til dauða á
hverju ári og er samfélagslegur
kostnaður reykinga um 200 millj-
arðar dala á ári. - þj
Tóbaksvarnir í Bandaríkjunum:
Viðvaranir þekja
hálfan pakkann
SPURNING DAGSINS
HLAÐBORÐ MEÐ ÖLLU, SÓDAVATN OG KAFFI
30 rétta hlaðborð. Heitir og
kaldir réttir. Tvær tegundir af
súpu. Nýbakað brauð
kórónar úrvalið – alla daga!
www.salatbarinn.is
20 viðskiptavini þarf til að virkja tilboðið
HÓPKAUP.IS Í DAG
í krafti fjöldans
hópkaup.is
990 kr. GILDIR Í 24 TÍMA
1.890 kr.
Verð
48%
Afsláttur
900 kr.
Afsláttur í kr.