Fréttablaðið - 22.06.2011, Blaðsíða 14
22. júní 2011 MIÐVIKUDAGUR14
timamot@frettabladid.is
„Ég hef sjálf verið með sex börn með
lögheimili heima hjá mér og hef í
gegnum tíðina reynt að finna eitthvað
að gera fyrir þau öll. Þessi vefsíða er
því að vissu leyti leið til að auðvelda
mér vinnuna,“ segir Sif Sigfúsdóttir
glaðlega. Hún stofnaði nýlega vefinn
www.gerumeitthvad.is þar sem finna
má viðburði fyrir alla fjölskylduna alla
daga ársins og um allt land.
„Ég er búin að ganga með þessa hug-
mynd í maganum í tvö ár enda fannst
mér vanta síðu þar sem hægt væri að
finna yfirlit yfir allt það sem er að ger-
ast,“ segir Sif, sem fékk forritara með
sér í verkefnið í fyrra en sér nú sjálf
um alla forritun og vinnslu á myndum,
auglýsingum og texta.
„Fyrsta hugmyndin var að einblína á
viðburði fyrir börn en svo ákvað ég að
bæta við flokkum fyrir eldri borgara,
20 ára og eldri og að lokum allt landið,“
segir Sif. Hún bendir á að vefurinn sé
þannig einkar sniðugur fyrir fólk sem
hyggi á ferðalög út á land.
Vefinn vinnur Sif í frítíma sínum en
annars er hún markaðs- og samskipta-
stjóri á félagsvísindasviði Háskóla
Íslands. „Sumar konur prjóna á kvöld-
in, ég vef,“ segir hún og hlær.
En hvernig fær hún upplýsingar um
allt sem er að gerast? „Efst á síðunni
er flipi þar sem hægt er að senda mér
upplýsingar og fæ ég fullt í gegnum
hann bæði frá einstaklingum, lista-
söfnum og ýmsum öðrum. Svo er ég
sjálf alltaf á tánum og hendi inn upp-
lýsingum þegar ég sé eitthvað áhuga-
vert,“ upplýsir Sif og segir mun meira
að gera fyrir fjölskylduna en hún hélt
í fyrstu. Til dæmis séu í boði marg-
ir smáir en skemmtilegir viðburðir
sem oft á tíðum séu lítið auglýstir. „Ef
við tökum Viðey og Árbæjarsafn sem
dæmi þá er alveg heilmikið að gerast
þar í allt sumar,“ segir hún og bendir
einnig á göngur Ferðafélags Íslands.
Sif segist hafa fengið mjög góð við-
brögð við síðunni. „Tuttugu þúsund
manns hafa skoðað hana frá því í
mars,“ segir hún en vinsælustu undir-
flokkarnir eru börn og 20+ en í seinni
flokknum er að finna ýmsa smærri
tónleika og viðburði.
„Ég er enn þá rétt að byrja og geri
þetta áhugans vegna. Ég hef unnið síð-
una eftir kenningum markaðsfræð-
ingsins Guy Kawasaki, sem sagði að
allar viðskiptahugmyndir þyrftu að
gleðja heiminn, uppfylla þörf og auka
lífsgæði,“ segir Sif og telur síðuna
falla vel að þeirri hugmyndafræði.
Hún hvetur að lokum alla til að senda
sér upplýsingar um uppákomur um allt
land á síðunni gerumeitthvad.is
solveig@frettabladid.is
SIF SIGFÚSDÓTTIR: OPNAÐI VEFINN WWW.GERUMEITTHVAD.IS
Sumar konur prjóna, ég vef
GERIR EITTHVAÐ Sif Sigfúsdóttur fannst vanta vefsíðu þar sem hægt væri að finna upplýsingar um allt það sem er á döfinni. FRÉTTABLAÐIÐ/GVA
Ástkær eiginkona mín, móðir okkar,
tengdamóðir og amma,
Þuríður Svava
Kjartansdóttir
Sólvöllum 7, Selfossi,
lést á líknardeild Landspítalans í Kópavogi
laugardaginn 18. júní. Útförin verður gerð frá
Selfosskirkju miðvikudaginn 29. júní kl. 13.30.
Óli Þ. Guðbjartsson
Kjartan Ólason Valgerður Bjarnadóttir
Anna María Óladóttir Jóhann M. Lenharðsson
Guðbjartur Ólason Margrét Sverrisdóttir
Haraldur Óli Kjartansson
Melkorka Kjartansdóttir Elín Svava Kjartansdóttir
Þórunn Anna Guðbjartsdóttir Óli Þorbjörn Guðbjartsson
Innilegar þakkir til allra þeirra sem
auðsýndu okkur samúð og hlýhug við
fráfall föður okkar,
Aðalsteins Sigfúsar
Árelíussonar
frá Geldingsá.
Sérstakar þakkir til starfsfólks Asparhlíðar fyrir
yndislegheit og góða umönnun.
Kærar þakkir til ykkar allra.
Lára Kristín Sigfúsdóttir
Hafsteinn Sigfússon
Halldór Heiðberg Sigfússon
Sigrún Heiðdís Sigfúsdóttir
Sólveig Sigfúsdóttir
tengdabörn, barnabörn og barnabarnabörn
Ástkær eiginmaður minn, faðir,
tengdafaðir, afi, langafi og bróðir,
Friðþjófur I. Strandberg
sjómaður,
til heimilis að Melgerði 32, Kópavogi,
lést á líknardeild Landspítalans laugardaginn 18. júní.
Jarðarförin verður auglýst síðar.
Guðrún Magnúsdóttir Strandberg
börn, tengdadætur, barnabörn, barnabarnabörn og bróðir.
Elskulegur sonur minn, bróðir minn,
mágur og frændi,
Bragi Kristjánsson
Sólvallagötu 9, Keflavík,
lést á Sjúkrahúsinu í Keflavík hinn 17. júní
síðastliðinn. Útförin fer fram í kyrrþey.
Guðbjörg Þórhallsdóttir
Baldur Kristjánsson
Svala Björgvinsdóttir
Sigríður Baldursdóttir
Sif Baldursdóttir
Innilegar þakkir til allra er sýndu
okkur samúð og hlýju við andlát og
útför okkar ástkæra föður, tengdaföður,
afa og langafa,
Stefáns Frímanns
Jónssonar
múrarameistara, Kirkjuvegi 11,
Reykjanesbæ.
Sérstakar þakkir til starfsfólks D-deildar Heilbrigðis-
stofnunar Suðurnesja fyrir einstaka umönnun og hlýtt
viðmót.
Börn hins látna, fjölskyldur og aðrir aðstandendur.
AFMÆLI
EYRÚN
MAGNÚS-
DÓTTIR
fyrrverandi
sjónvarps-
kona er 32
ára.
ÞÓR
TÚLINÍUS
leikari er 52
ára.
MERYL
STREEP leik-
kona er 62
ára.
KRIS
KRISTOFFER-
SON leikari og
kántrísöngvari
er 75 ára.
Merkisatburðir
168 f.Kr. Rómverjar sigra Makedóníumenn í orrustunni við
Pydna.
1372 Englendingar bíða ósigur fyrir sameinuðum flota Frakka
og Kastilíumanna í orrustunni við La Rochelle.
1636 Herstjóraveldið í Japan bannar allar ferðir Japana til og frá
landinu. Bannið gildir til ársins 1853.
1939 Hitamet er sett á Teigarhorni í Berufirði: Mesti mældur hiti
á Íslandi frá upphafi mælinga, 30,5°C.
1941 Þýskaland hefur innrás í Sovétríkin.
1977 Hópferðabíll veltur í Biskupstungum og liggur við stórslysi.
Í bílnum eru 46 farþegar af skemmtiferðaskipi og meiðast
margir þeirra en enginn alvarlega.
1991 Á Snæfellsjökli falla hjón niður í alldjúpa sprungu en er
bjargað.
STEINGRÍMUR HERMANNSSON fyrrverandi forsætisráðherra (1928-2010) fæddist þennan dag.
„Verðleikar Gunnars Thoroddsens réðu mestu um það að stjórn hans varð að veruleika.
Fáir hefðu getað leikið stjórnarmyndun hans eftir.“
Á þessum degi árið 1986 skoraði argentínski
knattspyrnumaðurinn Díego Maradona tvö
mörk í heimsmeistarakeppni í leik gegn Eng-
landi. Mikil spenna var fyrir leikinn, enda höfðu
samskipti þjóðanna utan fótboltavallarins verið
ærið stirð vegna Falklandseyjastríðsins.
Lið Argentínu þótti sterkara og hafði ein-
beittan sigurvilja. Fyrsta markið sem Maradona
skoraði var hins vegar mjög umdeilt. Í fyrstu
virtist hann hafa skallað boltann í markið en
síðar kom í ljós að hann hafði kýlt boltann í
netið með vinstri hendi án þess að dómarar
tækju eftir. Þegar Maradona var spurður út í
markið eftir leikinn sagði hann að markið hefði
verið skorað að hluta með hausnum og að hluta
með „hendi guðs“, eða Mano de Dios.
Örfáum mínútum síðar skoraði Maradona
mark sem árið 2002 var valið besta mark í sögu
HM. Argentína sigraði síðar Þjóðverja í úrslitum
og varð þar með heimsmeistari í knattspyrnu.
ÞETTA GERÐIST 22. JÚNÍ 1986
Maradona fær hjálp frá guði