Fréttablaðið - 22.06.2011, Blaðsíða 16
22. júní 2011 MIÐVIKUDAGUR2
Sýningin e
r opin:
Fimmtuda
gur 23. jú
ní kl. 17.0
0 – 19.00
Föstudag
inn 24. jún
í kl. 12.00
– 18.00
Laugarda
ginn 25. jú
ní kl. 12.0
0 – 18.00
Sunnudag
inn 26. jún
í kl. 12.00
– 18.00
Aðgangu
r ókeypis
alla dag
ana!
www
.blomibae
.is
Garðyrkju- og blómasýningin 2011
Hveragerði 23. – 26. júní
Hveragerði
„Reykjadalur er mikil útivistar-
perla. Þar er mikil náttúru fegurð
og þegar gengið er um dalinn má
sjá litrík hverasvæði, auk þess
sem magnað er að ganga meðfram
Djúpagili þar sem sjá má fagra
fossa.“ Þannig lýsir Jóhanna Mar-
grét Hjartardóttir, menningar- og
frístundafulltrúi Hveragerðis bæjar,
gönguleiðinni upp Reykjadalinn frá
Hveragerði. Leiðin er afskaplega
vinsæl enda býður hún ekki aðeins
upp á eitthvað fyrir augað heldur
er einnig upplagt að hafa með sér
sundföt til að baða sig í heitri laug.
„Þetta er mjög vel merkt og
afskaplega greiðfær leið og engin
hætta á að týnast; hins vegar þarf
að fara varlega í kringum heita
hveri, sem geta verið varasamir,“
segir Jóhanna, sem hefur farið um
dalinn í ófá skipti.
Dalinn má nálgast á tvennan
máta. Annars vegar er hægt að
leggja bílnum rétt við Árhólmana
við hesthúsin í Hveragerði og ganga
upp Rjúpnabrekkurnar að Reykja-
dalsánni, upp að Ölkelduhnúk og til
baka. Hins vegar er hægt að ganga
leiðina ofan frá, eins og Jóhanna
hefur oft á tíðum gert með skóla-
hópa. „Þá er farið á bíl upp á Hellis-
heiði. Þá gengur maður frá Ölkeldu-
hálsinum, niður Klambragil og í átt
að Hveragerði,“ upplýsir Jóhanna
og segir þá leið á margan hátt auð-
veldari.
Um einn og hálfan til tvo tíma
tekur að ganga að heitu lauginni
frá Árhólmanum. „Laugin er rétt
fyrir neðan Klambragil, en þar
hefur maður Ölkelduhnúkinn og
Dalaskörðin fyrir ofan sig og rétt
sér í Dalaselið,“ lýsir Jóhanna.
Margar fleiri leiðir eru í boði út
frá Hveragerði, að sögn Jóhönnu.
Næsti dalur við Reykjadal er
Grænsdalur, sem þykir einstakur,
en þar má finna allar tegundir af
hverum. „Það svæði er hins vegar
svolítið hættulegt,“ segir hún.
Hún bendir einnig á Heilsu-
hringinn, sem er tæplega þriggja
kílómetra löng leið sem byrjar
við Sundlaugina í Laugarskarði,
liggur meðfram Reykjafjalli niður
með og yfir ána og aftur upp í
sundlaug. „Á þessari leið eru svo-
kölluð heilsutæki,“ segir hún. Að
lokum nefnir Jóhanna Hvera-
leiðina, sem skemmtilegt er að
ganga, en hún liggur frá hvera-
svæðinu í hjarta bæjarins og teng-
ist hverum í kringum bæinn.
solveig@frettabladid.is
Pottaferð í Reykjadal
Útivistarmöguleikar út frá Hveragerði eru æði margir. Ein vinsælasta gönguleiðin er upp Reykjadalinn í
Ölfusi, en hún þykir afskaplega fögur. Þar er einnig hægt að hvíla lúin bein í heitri laug.
Eldhestar fara oft í ferðir upp í Reykjadal og skemmta ferðalangar sér iðulega vel,
eins og sést á þessari mynd. MYND/ELDHESTAR
Gönguleiðir út frá Hveragerði.
Hveragerði er fremur ungt bæjarfélag, en þorpsmyndun hófst þar árið
1929. Hveragerðishreppur var stofnaður 1946 og varð bæjarfélag 1987.
Árið 2011 voru íbúar orðnir 2.316.