Fréttablaðið - 30.06.2011, Side 16

30. júní 2011 FIMMTUDAGUR16
Um næstu mánaðamót renna út síð-
ustu samningar Sjúkratrygginga
Íslands við tannlækna um ókeypis
forvarnarskoðanir fyrir þriggja,
sex og tólf ára börn. Samningavið-
ræður standa nú yfir milli tann-
lækna og Sjúkratrygginga en for-
maður Tannlæknafélagsins segir
þörf á heildstæðri endurskoðun
málaflokksins.
Samningar hafa verið um eftirlit
fyrir ofangreinda aldurshópa frá
ársbyrjun 2009, en flestir samning-
anna runnu út um síðustu áramót.
Allnokkrir gilda þó fram á morgun-
dag, en upp frá því verður sami
háttur á niðurgreiðslu fyrir þessa
þjónustu og aðrar heimsóknir barna
til tannlækna.
Sigurður Benediktsson, formað-
ur Tannlæknafélags Íslands, segir
í samtali við Fréttablaðið að vilji
tannlækna sé til að leysa málið.
„Það eru þreifingar í gangi en það
er ekki hægt að segja til um hvenær
viðræðum gæti lokið.“
Sigurður bætir því við að þessi
þjónusta sé þó bara hluti af heild-
arþjónustu fyrir börn sem þyrfti að
hugsa upp á nýtt.
„Þetta leysir ekki stærstu vanda-
málin, sem eru að hluti fólks hefur
ekki efni á að senda börnin sín til
tannlæknis vegna kostnaðar.“
Sigurður segir það orsakast að
hluta af því að ráðuneytið hafi
ekki hækkað viðmiðunartaxta sína
vegna endurgreiðslu síðan 2004, á
meðan tannlæknar hafa hækkað
sína taxta eftir verðlagi. - þj
16
hagur heimilanna
Það er varla til sá veitinga-
staður í miðbænum sem
ekki býður gestum sæti
utandyra að sumarlagi og
oft komast færri að en vilja.
Á veitingastöðunum við
Austurvöll geta yfir 500
manns setið til borðs utan-
dyra.
Þegar vel viðrar er þar iðandi
mannlíf og veigarnar renna ljúf-
lega niður. Verðið á þeim er þó
ekki það sama hjá öllum og sums
staðar er jafnvel hægt að fá bjór-
inn ódýrari á ákveðnum tíma
dagsins eins og sjá má hér fyrir
neðan. Sumir veitingastaðanna
hækka verðið á bjór eftir mið-
nætti.
Kaffi París: Sólin er farin að verma
gesti um klukkan 11 fyrir hádegi
og fer ekki fyrr en seint á kvöldin
eins og á hinum veitingastöðunum
þremur sem eru í sömu lengju.
Utandyra eru sæti fyrir 120 gesti.
Léttvínsglas kostar 950 kr., stór bjór
900 kr. en lítill 700 kr.
Hvíta perlan: Utandyra eru sæti fyrir
30 gesti. Léttvínsglas kostar 950 kr.
Á kvöldin kostar stór bjór 850 kr.
en lítill 700 kr. Tilboð er á stórum
bjór til kl. 18 og kostar hann þá
600 kr. Bjórverðið hækkar um 100
kr. eftir miðnætti.
Enski barinn: Sætin utandyra eru 80
til 100. Léttvínsglas kostar 1.000
kr., stór bjór 800 kr. en lítill 600 kr.
Thorvaldsen bar: 120 geta setið
úti. Léttvínglas er á 1.000 kr., stór
bjór 800 kr. en lítill 600 kr. Eftir
miðnætti kostar stór bjór 950 kr.
en lítill 700 kr. Í Pósthússtræti fer
sólin ekki að skína á þá sem tylla
sér utandyra fyrr en um klukkan
14. Hún yljar þeim þar til seint á
kvöldin.
Esja: Útisætin eru 60. Léttvínsglas
kostar 990 kr., stór bjór 850 kr. en
lítill 690 kr.
Íslenski barinn: Um 50 manns geta
setið þar til borðs utandyra. Létt-
vínsglas kostar 1.000 kr., stór bjór
900 kr., en lítill 650 kr. Tilboð á ein-
hverri bjórtegund eru alltaf í gangi.
Silfrið: Alla jafna eru sæti fyrir 20 úti.
Fleiri borð eru sett út ef þurfa þykir.
Léttvínsglas kostar 1.100 kr. en
1.300 kr. eftir klukkan 18. Bjórinn
er á flöskum og kostar 950 kr.
Gamla pósthúsið: Þar eru sæti fyrir
50 til 60 manns. Léttvínsglas kostar
1.000 kr. Stór bjór kostar 850 kr. en
lítill 650 kr. Mánudaga til föstudaga
kostar allur bjór 500 kr. til klukkan
16.00.
Hundruð sæta á
Austurvelli fyrir
sólþyrsta gesti
IÐANDI MANNLÍF Á sumum veitingastaðanna við Austurvöll er tilboð á bjór á vissum
tíma dagsins. FRÉTTABLAÐIÐ/HARALDUR
Nældu litla öryggisnælu í undirkjól
til að koma í veg fyrir að kjóll eða
pils loði við þig. Sama er hægt að
gera til að koma í veg fyrir
að sokkabuxur loði við
buxur. Ef nælan er fest
í sauminn á buxunum
hverfur stöðurafmagnið
og flíkurnar loða ekki
hvor við aðra.
GÓÐ HÚSRÁÐ
Öryggisnæla er málið
Öryggisnæla gegn stöðurafmagni
16. júní - 7. júlí í Kringlunni
Sýning á bestu fréttaljósmyndum ársins 2010.
Opið til 21 í kvöld.
Ferðamenn mega nú kaupa meiri
bjór í Fríhöfninni en áður eftir
að ný tollalög tóku gildi í gær.
Lögunum var breytt á Alþingi
í síðustu viku. Ferðamenn
mega nú kaupa tollfrjálst:
a) 1 lítra af sterku áfengi, 1
lítra af léttvíni og 6 lítra af
bjór.
b) 3 lítra af léttvíni og 6
lítra af bjór.
c) 1 lítra af sterku áfengi
og 9 lítra af bjór.
d) 1,5 lítra af léttvíni og 9
lítra af bjór.
e) 12 lítra af bjór.
■ Breytingar á tollalögum:
Má kaupa meiri bjór
í Fríhöfninni en áður
Jakob Frímann Magnússon, framkvæmdastjóri samtak-
anna Miðborgin okkar og Stuðmaður, segir bestu kaup
sem hann hafi gert um ævina vera sófasett sem hann
keypti hérlendis árið 2006.
„Það er þeim kostum búið að vera svo mjúkt
og notalegt að maður sekkur á bólakaf og
festir djúpan bjútíblund nánast í hvert skipti
sem maður sest í það,“ segir Jakob Frí-
mann. Hann segir það ekki hafa skemmt
fyrir að sófasettið hafi hann keypt á góðu
verði og það sé auðhreinsanlegt og fallegt.
„En það er fyrst og fremst ávísun á eitt
það dýrmætasta sem maður fær í lífinu –
góða hvíld,“ segir hann.
Verstu kaupin sem Jakob Frímann hefur
gert segir hann vafalaust vera asíska
myndbandsupptökuvél sem hann keypti
á Tenerife árið 2007.
„Hún var að vísu grunsamlega ódýr,“
segir hann. „En hún hefur aldrei virkað og
mun enda á haugunum.“
NEYTANDINN: JAKOB FRÍMANN MAGNÚSSON FRAMKVÆMDASTJÓRI
Dúnmjúkur sófi sem
skilar bjútíblundi
Samningur um þriggja ára tannskoðun að renna út:
Tannvernd barna
þarf að endurskoða
Í forvarnarskoðun felst meðal ann-
ars viðtal og fræðsla um mataræði,
munnhirðu og annað sem snertir
tannvernd. Einnig er um að ræða
skoðun, skráningu, hreinsun tanna
og flúormeðferð fyrir alla aldurs-
hópana, auk röntgenmyndatöku
fyrir tólf ára hópinn.
Velferðarráðherra sagði á þingi
í síðasta mánuði að stefnt væri að
því að tryggja forvarnarskoðun fyrir
fjóra árganga og að „innan nokk-
urra ára njóti öll börn og unglingar
á Íslandi nauðsynlegrar tannlækna-
þjónustu óháð efnahag.“
Heimildir: heilsugaeslan.is og
althingi.is
Forvarnarskoðanir fyrir
3, 6 og 12 ára:
42% VERÐHÆKKUN á bíómiða á venjulega sýningu á fimm árum.