Fréttablaðið - 30.06.2011, Síða 36

30. júní 2011 FIMMTUDAGUR4
Hrukkur eru gull-náma lýtalækna en í samfélagi bótoxins og silíkonbrjóstanna
hér á frönsku Ríveríunni eru
sömuleiðis næg verkefni í fitu-
brennslu. Rétt fyrir sumarfrí
bjóða kvennablöðin að vanda
ýmsar aðferðir til þess að missa
3-5 kíló áður en halda skal á
ströndina og nú boða sérfræð-
ingar byltingu í fitubrennslu.
Hægt er að fara til læknis eða
húðsérfræðings og biðja um
hjálp til að vinna á björgunar-
hringnum, slöppum magavöðv-
um eða appelsínuhúð. Í dag
er það „Body contouring“ eða
„Body shaping“ sem gildir og
þá er ég ekki að tala um fitu-
brennsluleikfimi eða þolfimi-
tíma heldur ný tæki sem sífellt
fleiri sækja í. Notkunin á þess-
ari tækni jókst um fimmtán
prósent á síðasta ári og sérfræð-
ingar búast við að þróunin verði
svipuð á næstu árum.
Aðferðirnar eru aðallega tvær.
Annars vegar þær sem eiga að
eyða fitufrumum sem geyma í
sér fitu (Zeltiq) eða sem tæma
þær (Lapex og Redustim) og
hins vegar þær sem eiga að örva
húðfrumur til vinnu, styrkja við-
komandi líkamshluta og minnka
ummál (EndyMed 3DEEP). Sér-
fræðingarnir sem bjóða þessa
þjónustu segja að heilsusamlegt
líferni og hreyfing sé nauðsyn-
legt meðan á meðferð stendur ef
árangurinn á að verða verulegur
og rétt er að taka fram að ekki
eru neinar vísindalegar niður-
stöður sem staðfesta árangurinn.
Til að skýra nánar hvernig
þetta fer fram má nefna Endy-
Med 3DEEP aðferðina sem helst
er beint gegn appelsínuhúð. Raf-
bylgjum er hleypt með heitum
skautum yfir húðina sem örva
húðfrumurnar til vinnu og þann-
ig verður húðin stinnari. Zeltiq
virkar á björgunarhringinn,
er eins konar kælandi ryksuga
sem er látin vinna á keppunum
í góðan klukkutíma í einu og
það hjálpar til við að eyða fitu-
frumum á tveimur til þremur
mánuðum. Lapex er notað til að
grennast á þeim líkamshlutum
sem hættir til að safna á sig fitu;
lærum, maga, lendum og hand-
leggjum. Til þess er notaður
kælandi lasergeisli. Reyndar
fylgir það sögunni að nauðsyn-
legt sé að stunda brennsluleik-
fimi strax á eftir til að halda
áfram að eyða fitunni. Árangur-
inn er nokkur en ekki sláandi.
Redustim er til þess að minnka
magann. Þetta er gert með seg-
ulómi sem eyðir fitu og eykur
brennslu og er lofað allt að sex
sentimetra minna ummáli. Allar
eiga þessar aðferðir það sameig-
inlegt að kosta sitt (1.000-1.500
evrur) og að þörf er á aga til að
fylgja eftir árangrinum. Spurn-
ing hvort ekki sé einfaldara að
reyna gamaldags megrun sem
er næstum ókeypis?
bergb75@free.fr
Tæknileg fitubrennsla
ÚR HÁBORG TÍSKUNNAR
Bergþór Bjarnason skrifar frá Nice
Fyrirsætan Kate Moss gengur í það heilaga
í sumar. Uppi eru getgátur um brúðar-
kjólinn og er talið líklegt að hinn fallni
hönnuður John Galliano muni klæða
brúðina en hann er góðvinur Kate.
Bolir til styrktar
fórnarlömbum jarð-
skjálftanna í Japan
fóru í sölu í verslun-
um Uniqlo um heim
allan í vikunni. Þekktar
tískufyrirmyndir hönn-
uðu boli, þar á meðal
Karl Lagerfeld,
Lady Gaga,
Orlando
Bloom,
Blake Lively
og Cyndi
Lauper.
fashion.telepraph.co.uk
vogue.co.uk
Bæjarlind 6
S. 554 7030
Eddufelli 2
S. 557 1730
En - eigum einnig
svartar, dökk bláar
og ljós bláar.
Verð 8.900 kr.
Og - hvítar og
svartar kakíbuxur
á 6.900 kr.
Kíkið á heimas
íðuna
okkar www.rita
.is
Sendum í póstkröfu
Hvítar kvartbuxur
FORSÍÐA VIÐSKIPTI ÍÞRÓTTIR LÍFIÐ UMRÆÐAN
NÚ ER UMRÆÐAN
FJÖLBREYTTARI,
SKEMMTILEGRI,
FJÖRLEGRI,
ÍTARLEGRI OG
AÐGENGILEGRI Á VÍSI
Meiri Vísir.
m.visir.is
Fáðu Vísi í símann!
Meira úrval afþreyingar, frétta og myndskeiða í topp–upplausn með greiðara og
einfaldara aðgengi fyrir allar tölvur og farsíma. Horfðu, hlustaðu og fylgstu með
öllu því sem gerist, hvar og hvenær sem er á Vísi.
Meira sjónvarp, meira útvarp, meiri fréttir, meiri upplýsingar,
meiri umræða, meira líf, meiri íþróttir, meiri virkni, meira úrval.
Þú færð meira af öllu á Vísi.
Má bjóða ykkur meiri Vísi?