Fréttablaðið - 29.07.2011, Síða 8

29. júlí 2011 FÖSTUDAGUR8
1. Hversu mörg störf er talið að
skapist gangi áform um uppbygg-
ingu fiskeldis á Suðurnesjum eftir?
2. Hversu mörg afbrigði af rósum
eru í nýjum rósagarði í Laugardal?
3. Hvaða íslenski listamaður
teiknaði útför Amy Winehouse fyrir
tveimur árum?
SVÖR
1. Að minnsta kosti 110. 2. 130. 3. Hug-
leikur Dagsson.
Meira í leiðinni
PUNKTAR
GILDA
x4
3.990 KR.
+1.000 PUNKTAR
SJÓPOKI 40 L FULLT VERÐ
7.990 KR.
Vatnsheldur poki með límdum
saumum sem hentar mjög vel í
ferðalagið. Hliðarhandfang og ól
yfir öxlina sem hægt er
að taka af.
FRÁBÆR POKI FYRIR
VERSLUNARMANNAHELGINA
N1 þjónustustöðvar
N1 verslanir
NOREGUR Formleg ákæra á hendur
Anders Behring Breivik verður að
öllum líkindum ekki tilbúin fyrr en
á næsta ári. Þetta segir ríkissak-
sóknari Noregs, Tor-Aksel Busch.
Hann vonast til þess að hægt verði
að hefja réttarhöld snemma á næsta
ári.
Ríkissaksóknarinn segir að mikil
áhersla verði lögð á það að ódæðis-
maðurinn verði látinn svara til saka
fyrir hvert einasta morð sem hann
framdi. Til þess að það sé hægt
þurfi að vera fyrir hendi upplýs-
ingar um hvert og eitt fórnarlamb
og það hvernig dauða þeirra bar að.
Fórnarlömbin verða öll nafngreind
í ákærunni. Saksóknarar skoða nú
hvort hægt verði að ákæra Brei-
vik fyrir bæði hryðjuverk og glæpi
gegn mannkyninu. Ákvörðun um
það verður ekki tekin fyrr en rann-
sókn málsins lýkur. Breivik verður
yfirheyrður á ný í dag, en hingað til
hefur hann aðeins verið yfirheyrð-
ur í sjö klukkustundir á laugardag.
Norska dagblaðið Aftenposten
hefur eftir lagaprófessor í háskólan-
um í Ósló að erfitt verði að ákveða
ákæru. Þó að Breivik yrði ákærður
fyrir bæði hryðjuverk og glæp gegn
mannkyni yrði fangelsisdómurinn
yfir honum aldrei lengri en þrjá-
tíu ár. Þann dóm væri svo hægt að
lengja í lok afplánunar um fimm ár
í senn, eftir því hversu mikil hætta
er talin stafa af honum.
Breivik hefur sagt að hann til-
heyri samtökum og að minnsta
kosti tvær aðrar hryðjuverkasell-
ur séu virkar. Janne Kristiansen,
yfirmaður öryggislögreglunnar í
Noregi, segir að enn bendi ekkert
til þess að það eigi við rök að styðj-
ast. „Þetta er einstakt mál. Þetta er
einstök manneskja. Hann er illur,“
segir hún. Þó verður rannsókn á
því hvort aðrir tengist málinu ekki
hætt.
Lögreglan í Noregi greindi í gær
frá því að margar sprengjuhótan-
ir hafi borist á síðustu dögum en
engin þeirra hafi verið raunveru-
leg. Það sé eðlilegt í svona ástandi
að einhverjir vilji auka á ótta fólks.
Lögreglan nafngreindi í gær 24
fórnarlömb til viðbótar og hafa nú
verið borin kennsl á 41 lík. Leit
að líkum var hætt í Útey í gær
en áfram verður leitað í vatninu í
kringum eyjuna. thorunn@frettabladid.is
Svari til saka fyrir hvert morð
Ríkissaksóknari í Noregi segir að hryðjuverkamaðurinn Breivik verði látinn svara til saka fyrir hvert morð
sem hann framdi. Ákæra verður líklega ekki tilbúin fyrr en á næsta ári. Breivik verður yfirheyrður í dag.
Ólafsvaka er haldin hátíðleg í
Noregi í dag til minningar um
dauða Ólafs Haraldssonar á
þessum degi 1030. Dagurinn er
opinber fánadagur í Noregi en
vegna hryðjuverkanna í Ósló og
Útey verður flaggað í hálfa stöng
um landið allt í dag.
Flaggað í hálfa
MIÐBORG ÓSLÓ Hreinsunar- og rannsóknarstarf er í fullum gangi í miðborg Óslóar
en eins og sjá má eru margar byggingar illa farnar eftir sprenginguna þar.
FRÉTTABLAÐIÐ/AP
MANNLÍF Eflaust hafa margir veg-
farendur í Reykjavík tekið eftir
götupredikaranum Duane H.
Lyon á leið sinni um götur og torg.
Fréttablaðið ákvað að forvitnast
um hann og erindið sem bar hann
hingað.
„Ég hef komið til 47 ríkja Banda-
ríkjanna og nú ætlaði ég að bæta
Alaska í hópinn en þegar ég sá að
það var dýrara að fara til Alaska
en til Íslands þá sagði ég: Hei, af
hverju skelli ég mér ekki bara til
Íslands,“ segir Lyon.
En hvað vill hann segja við
Íslendinga. „Í raun og veru aðeins
tvö orð; Jesús frelsar,“ svarar
hann að bragði. Þegar spurt er frá
hverju hann frelsi okkur stendur
heldur ekki á svari. „Ég er frá Ten-
nessee í Bandaríkjunum og þar
vellur allt í Jack Daniel´s vískíi.
Mér þótti það reyndar afskaplega
gott, jafnvel allt of gott. En þegar
ég stóð frammi fyrir því að þurfa
að gera upp á milli Jesús og Jacks,
þá sá ég að annar var á leiðinni að
drepa mig en hinn vildi frelsa mig
og því lá rétta ákvörðunin í augum
uppi.“
Hann leggur ríka áherslu á að
það sé ekki leiðinlegt líf að vera
trúaður. „Þetta er bara hreint og
beint fjör,“ segir hann og hlær við.
„Ég er að láta draum minn ræt-
ast, ég hef ferðast um 58 lönd á 28
árum og kynnst yndislegu fólki.
Núna er ég til dæmis hæstánægð-
ur hér á Íslandi, fólkið er yndislegt
og veðrið er frábært. Ef einhver
er að kvarta út af verðinu hérna
getur sá hinn sami minnst þess að
við í Tennessee borgum háar fjár-
hæðir til þess að fá inn til okkar
þennan ferska blæ en Guð lætur
ykkur fá hann endurgjaldslaust,“
svo skellihlær hann. - jse
Götuprédikari hefur ferðaðst til 58 landa á 28 árum:
Jesús tók við af Jack
Daniel ś hjá Duane
ÞAÐ ER FJÖR AÐ VERA TRÚAÐUR Duane
H. Lyon segist kunna vel við sig í svölu
íslensku sumarveðri. FRÉTTABLAÐIÐ/ANTON
STJÓRNSÝSLA Kauphöll Íslands
hefur áminnt og sektað fimm
sveitarfélög fyrir að skila árs-
reikningum of seint. Sektin nam
einni og hálfri milljón króna á
hvert sveitarfélag; Reykjavíkur-
borg, Vestmannaeyjabæ, Norður-
þing, Sandgerðisbæ og Langanes-
byggð.
Samkvæmt upplýsingum frá
Kauphöll Íslands er þetta í fyrsta
sinn sem sveitarfélög eru sektuð
vegna þessa. Er það nú gert í ljósi
þess að ofangreind sveitarfélög
hafi áður fengið áminningar um
sein skil á ársreikningum. Þarna
sé um endurtekin brot að ræða.
Samkvæmt sveitarstjórnar-
lögum ber sveitarfélögum að skila
ársreikningum fyrir lok aprílmán-
aðar. Sé það ekki gert gerir Kaup-
höllin fyrst athugasemd, veitir svo
áminningu, síðan opinbera áminn-
ingu og loks sekt.
Reykjavíkurborg, Vestmanna-
eyjabær, Norðurþing og Sandgerði
skiluðu ársreikningum til Kaup-
hallarinnar um miðjan maí síðast-
liðinn. Vestmannaeyjabær skilaði
reikningi sínum í seinni hluta júní.
Tíu sveitarfélög til viðbótar
skiluðu ársreikningum of seint,
en brugðust við áminningum frá
Kauphöllinni og sluppu þar með
við sekt. - sv
Kauphöll Íslands áminnir og sektar sveitarfélög fyrir vanskil á ársreikningum:
Sveitarfélög sektuð um 1,5 milljónir
VESTMANNAEYJAR Yfirvöld í Vestmanna-
eyjum skiluðu ársreikningi nær tveimur
mánuðum of seint.
DANMÖRK Fimm mánaða vist
danskrar fjölskyldu í haldi sómal-
skra sjóræningja gæti lokið innan
skamms samkvæmt fregnum í
þarlendum fjölmiðlum.
Fjölskyldan var tekin í gísl-
ingu í febrúar síðastliðnum þegar
þau sigldu skútu sinni um Ind-
landshaf í átt að Rauðahafi.
Fréttir herma að samkomulag
sé að nást um lausnargjald að
upphæð fimm milljónir Banda-
ríkjadala, sem jafngildir 574
milljónum íslenskra króna.
- þj
Möguleg lausn í sjónmáli:
Danskir gíslar
eygja frelsi
ESB Danir og Þjóðverjar eru þær
þjóðir innan Evrópusambands-
ins, ESB, sem fá flesta frídaga.
Þeir fá að meðaltali 40 frídaga
á ári að helgidögum meðtöldum,
samkvæmt könnun á vegum sam-
bandsins. Svíar fá að meðaltali 34
frídaga á ári en Grikkir og Portú-
galar að meðaltali 33 frídaga á
ári. Rúmenar, sem eru neðstir á
listanum, fá 27 daga árlega.
Angela Merkel Þýskalands-
kanslari sagði á fundi í maí síð-
astliðnum að almenningur í Suð-
ur-Evrópu fengi of marga frídaga
og færi of snemma á eftirlaun.
Ekki væri hægt að hafa sameig-
inlegan gjaldmiðil þegar sumir
fengju mikið frí og aðrir lítið. - ibs
Könnun á frídögum hjá ESB:
Lengsta fríið í
Danmörku og
Þýskalandi
Meiddust lítið í bílveltu
Bíll valt á Fróðárheiði á Snæfells-
nesi í fyrradag og er talið að mikil
bleyta á malarveginum og rok á
heiðinni hafi valdið slysinu. Þetta
kemur fram á Skessuhorni. Fimm
erlendir ferðamenn voru í bílnum.
Að sögn lögreglunnar á Snæfellsnesi
missti ökumaður stjórn á bifreiðinni
með þeim afleiðingum að bíllinn
valt. Ferðamennirnir voru fluttir á
heilsugæslustöðina í Ólafsvík til
aðhlynningar en þeir sluppu vel og
meiðsl þeirra eru minni háttar.
LÖGREGLUFRÉTTIR
VEISTU SVARIÐ?