Fréttablaðið - 29.07.2011, Side 16

29. júlí 2011 FÖSTUDAGUR2
„Dagskráin er samsett úr hinum
ýmsu óperum, svo sem Rakaran-
um í Sevilla, La Bohème, Toscu,
Tannhäuser og fleirum,“ segir
Helga Rós Indriðadóttir, skipu-
leggjandi óperutónleika í Mið-
garði í Skagafirði annað kvöld.
„Við erum fjórir einsöngvar-
ar sem komum þar fram, Ágúst
Ólafsson baritón, Gissur Páll
Gissurarson tenór, Sigríður Aðal-
steinsdóttir messósópran og
ég sem er sópran. Síðan verður
Karlakórinn Heimir með okkur
ásamt hópi af ungum hljóðfæra-
leikurum frá Dalvík sem kallar
sig Bergmálshópinn og Guðmund-
ur Óli Guðmundsson stjórnar.“
Helga Rós býr undir hinum
fagra Mælifellshnjúki í Skaga-
firði. Hún kennir tónlist og
stjórnar Karlakórnum Heimi.
„Ég er fædd og uppalin hér í
þessu sönghéraði og fór í söng-
nám sem leiddi mig áfram inn
á óperusvið í Stuttgart í Þýska-
landi. Lærði þar við óperudeild
tónlistarháskólans og fékk fast-
ráðningu meðan ég var í nám-
inu,“ segir hún þegar forvitnast
er um ferilinn. Árið 2003 skrapp
hún heim frá Stuttgart og stóð
fyrir óperutónleikum í Miðgarði,
ásamt Magnúsi Sigmundssyni.
Hún kveðst alltaf hafa ætlað sér
að endurtaka þann leik og hafa
hljómsveit með. Nú sé búið að
endurnýja Miðgarð og hann sé
orðinn mun betra tónlistarhús.
„Mér finnst líka gaman að tengja
okkur, þetta klassískt menntaða
fólk, við hina rótgrónu tónlistar-
menningu karlakórs,“ segir hún.
„Heimir er magnaður kór sem
syngur með í tveimur einsöngs-
atriðum á þessum tónleikum,
sópransóló úr Valdi örlaganna
og tekur líka undir með Ágústi í
nautabanasöngnum úr Carmen.
Svo syngur hann Pílagrímakór-
inn eftir Verdi.“
Tónleikarnir í Miðgarði hefj-
ast klukkan 20.30. „Mörg fyrir-
tæki styrkja þetta framtak,“ segir
Helga Rós „og ég vona að söng-
elskir Norðlendingar og ferða-
menn sjái sér fært að mæta.“
gun@frettabladid.is
Óperugleði í Skagafirði
Óperutöfrar verða allsráðandi í menningarhúsinu Miðgarði í Varmahlíð í Skagafirði annað kvöld. Þar
verða fjórir einsöngvarar, Karlakórinn Heimir og ungir hljóðfæraleikarar undir stjórn Guðmundar Óla.
Gissur Páll og Ágúst Ólafsson eru sam-
æfðir. Hér eru þeir í Óperuperlum.
Helga Rós með Karlakórnum Heimi, sem hún stjórnar og kemur fram með á tón-
leikunum annað kvöld. MYND/ÚR EINKASAFNI
Hinsegin bíódagar verða endur-
vaktir eftir fimm ára hlé dagana 29.
til 7. ágúst. Eftirtaldar myndir verða
sýndar: Howl, Broderskap, Tomboy
og L‘Arbre et la forêt. Myndirnar eru
sýndar í Bíó Paradís.
Sölustaðir:
10 -11, Inspired í Flugstöðinni, Samkaup, Nettó,
Kaskó, Fjarðarkaup, Skeljungsbúðirnar, Olís, N1,
Kaupfélag V- Húnvetninga, Kaupfélag Skagfirðinga,
Verslunin Vísir, Bláa lónið, Hreyfing, Krambúðin,
Fiskbúðin Freyja, Melabúðin.
ÍSLENSK FÆÐUBÓT
BITAFISKUR
-næring fyrir líkama og sál
Upplýsingar hjá skálavörðum í Básum
Leiðsögn að gosstöðvunum á
Fimmvörðuhálsi frá Básum
laugardag og sunnudag