Fréttablaðið - 29.07.2011, Side 22

6 föstudagur 29. júlí
Sendu Siggu Dögg póst með spurningum eða
óskum um umfjöllunarefni.
Netfangið er kynlif@frettabladid.is
Á RÚMSTOKKNUM
Sigga Dögg kynfræðingur
Frjálsar ástir og gegnblaut tjöld
Helgin sem flest ungmenni hafa beðið spennt eftir allt sumarið er loksins komin.
Hin langþráða verslunarmannahelgi sem lofar einu lengsta og skipulagðasta
djammi ársins. Fólk virðist fara með alls kyns væntingar inn í helgina og oftar en
ekki á þetta að vera helgin sem ber af. Það eru „töfrar“ í loftinu og nú á að hafa
gaman.
Gott ef stefnan er ekki líka sett á smá kynlíf. Innan um þúsundir annarra ölvaðra
einstaklinga sem allir vilja skemmta sér hljóta tveir að geta rek-
ist saman og kynnst nánar inni í næsta tjaldi eða á gras-
bala. Þegar ég var unglingur var líka sérstök pressa sett á
þá sem litla sem enga reynslu höfðu af kynferðismálum að
nú skyldi ganga lengra. Hvort sem það var fyrsti sleikurinn,
káf og kelerí eða farið „alla leið“.
Persónulega, þá á ég erfitt með að skilja þessa kynferð-
islegu rómantík í kringum útihátíðir, sérstaklega þessa
tilteknu helgi. Ég er ekki hrifin af ofurölvuðu kynlífi
enda gleymast oft öryggisatriði eins og smokkurinn
eða nafn bólfélagans. Báðir anga af víni og það er
vitað að fólk getur átt erfiðara með að fá fullnæg-
ingu, konur blotna síður og karlar eiga erfiðara með
að viðhalda stinningu. Af hverju er þetta þá svona
spennandi? Þetta ber ekki að skilja sem svo að mér
finnist Íslendingar vera „druslur“. Síður en svo. Við
byrjum að stunda kynlíf aðeins yngri en aðrar þjóðir,
eigum nokkra bólfélaga umfram meðaltalið og erum
með háa tíðni kynsjúkdóma og unglingaþungana en
við erum líka forvitin ung þjóð sem hefur gaman af því
að stunda kynlíf.
Hvað sem mér finnst um ölvað kynlíf, þá er
tilhlökkun fyrir helginni. Ég bauð einu sinni gesti frá
Bandaríkjunum á Þjóðhátíð. Viðkomandi skemmti sér
konunglega og sagði að á öllum sínum ferðalögum
um heiminn þá stæði verslunarmannahelgin upp úr
og gott ef hann líkti henni ekki við stóra tónlistarhá-
tíð sem átti sér stað á sjöunda áratug seinustu aldar.
Frjálsar ástir finnst mér hljóma krúttlega, að frátöldu
minnisleysi, þynnku og uppköstum. Mig langar því
að senda þig, lesandi, inn í helgina með það hollráð
að kaupa nóg af smokkum og nota þá. Gerðu kröfu
um smokkanotkun fyrir sjálfan þig og hinn aðilann.
Á þriðjudaginn eftir helgi langar mig að biðja þig
að fara í kynfæraskoðun á Húð & Kyn. Svo, ef þú
manst nafn viðkomandi eða hann þitt, og þín bíður
kannski vinabeiðni á ónefndri vefsíðu, þá er þetta
mögulega upphafið að fallegu ástarsambandi. Þá
er nú smartara að vera sjúkdómalaus þegar farið
er á fyrsta stefnumótið, er það ekki?
S öngkonan Amy Wine-house lést síðasta laugar-
dag á heimili sínu í London að-
eins 27 ára að aldri. Winehouse
þótti sérlega efnilegt tónskáld
og söngkona en hún setti ekki
síður mark sitt á tískuna enda
með einstakan stíl. Winehouse
var auðþekkjanleg af sínu
himinháa hári, svartri augn-
málningu og ballerínuskón-
um sem hún klæddist við flest
tækifæri. Fjöldi tískublaða og
hönnuða virðist hafa sótt inn-
blástur sinn beint til söngkon-
unnar eins og sjá má.
Amy Winehouse hafði mikil áhrif á tískuheiminn:
Sóttu innblástur til Amy
Vinsæll stíll
Winehouse
sást aldrei án

dökkrar augn
-
málningar eð
a
uppsetts hárs
.
Love 2009 Of-urfyrirsætan Adriana Lima í tískuþætti sem innblásinn er af stíl Amy Wine-house.

Vogue 2008 Tískuþáttur fyrir franska Vogue í febrúar árið 2008. Fyrirsætan Isabeli
Fontana í gervi Amy Winehouse. NORDICPHOTOS/GETTY
minnst 60% afsláttur af fatnaði og skóm
Vertu vinur okkur
á facebook
ÚTSALA
LÉTTÖL
Sumarið er stutt, njóttu þess alla leið