Faxi - 01.01.1983, Blaðsíða 23

Leikfélag Fjölbrautaskóla Suðumesja með „Lokaðar dyr“:
Virðingarvertframtak tókst vel
Þann 21. nóvember sl. færði
leikfélag Fjölbrautaskóla Suður-
nesja upp leikritið „Lokaðar dyr”
eftir þýska skáldið Wolfgang
Borchert.
Þetta val á verkefni verður að
teljast allóvenjulegt, þegar í huga
er haft að hér er um áhugamanna-
leikfélag að ræða og leikendur allir
mjög ungir. Það mun öllu algeng-
ara að slík leikfélög færi upp gam-
anleiki eða lauflétta „farsa”; en
magnþrungið ádeiluverk, sem
„Lokaðar dyr”er.
í stuttu máli fjallar söguþráður-
inn um ungan hermann er heim
kemur af vígvellinum. Hann hefur
verið lengi að heiman en loks er
hann snýr aftur að hildarleiknum
afstöðnum þá rekur hann sig á þá
napurlegu en bláköldu staðreynd
að hann á hvergi heima lengur.
Hann hefur verið of lengi að heim-
an. Við heimkomuna sýnast hon-
um allar dyr lokaðar, foreldrarnir
látnir í eymd og umkomuleysi,
enga vinnu að fá og jafnvel á hans
eigin heimili er ekki lengur rúm
fyrir hann. Hermaðurinn stendur
einn uppi, allslaus og vegalaus, og
sýnist ekki önnur leið úr ógöngum
sínum en að fyrirfara sér. Inn í
þennan söguþráð fléttast síðan
samræður er fylla út í þennan
ramma og dýpka myndina og
skapa allsérstakt andrúmsloft.
Þrátt fyrir að hér sé um drama-
tískt verk að ræða, sem krefst tölu-
verðs þroska af hálfu leikenda við
að koma efninu til skila, þá er ekki
annað hægt að segja en að vel hafi
tekist upp hjá Leikfélagi F.S.
Hlutverk voru í höndum góðra
leikara er komust allir vel frá sínu.
Langstærsta hlutverkið og það
sem mest mæddi á var í góðum
höndum. Jóhannes Ellertsson fór
með hlutverk hermannsins og má
segja að hann hafi staðið á sviöinu
allan tímann. Jóhannes er ágætum
hæfileikum gæddur, hefur sterka
rödd og gott látbragð er duldi vel
reynsluleysi áhugaleikarans.
Onnur hlutverk voru mun
smærri en komust vel til skila. Má
þar nefna umboðsmanninn er var í
höndum Gylfa Jóns Gylfasonar,
ofurstann er var í höndum Þor-
finns Sigurgeirssonar, stúlkuna er
bjargar hermanninum í höndum
Höllu Svavarsdóttur, útfararstjór-
ann er var í höndum Ragnar Sæ-
ýarssonar og lífið er var túlkað af
Agústi Ásgeirssyni. í heild má segja
að hlutverkaskipan hafi verið góð,
en að öllum ólöstuðum hafði
Baldur Þórir Guðmundsson, Þorbjörg Guðnadóttir, Guðrún Ágústsdóttir, Þorfinnur Sigurgeirsson og Jóhannes
Ellertsson.
ofurstinn í höndum Þorfinns Sig-
urgeirssonar mest áhrif á undirrit-
aðan. Túlkaði hann hlutverk sitt af
mikilli innlifun og komst feykilega
vel frá sínu hlutverki.
Þorfinnur Sigurgeirsson átti
meiri þátt í uppfærslunni en að
túlka ofurstann. Hann sá einnig
um leiktjaldamálun, er var hrein
snilld, og sást þar glöggt að þama
er gott listamannsefni á ferð. Leik-
tjöldin settu mjög sterkan svip á
sýninguna og einnig hljóðeffektin
(er settu mjög sterkan blæ á sviðs-
gerðina).
í heild má segja að hér hafi verð
um mjög svo virðingarvert fram-
tak af hálfu nemenda fjölbrauta-
skólans að ræða og er mér óhætt að
segja að enginn hafi verið svikinn
af því að hafa varið þessu sunnu-
dagskvöldi í nóvember með Leik-
félagi N.F.S. Þökk fyrir.
Helgi Eiríksson

KEFLAVÍK
FASTEIGNAGJÖLD
Álagningu ársins 1983 er lokið og var fyrri
gjalddagi 15. janúar sl., en síðari gjalddagi
er 15. maí n.k.
Góðfúslega greiðið helming gjaldsins nú og
forðist þar með álagningu dráttarvaxta.
Innheimta Keflavíkurbæjar
L
FAXI - 23