Faxi - 01.12.1985, Blaðsíða 35

bands Norðlendinga var í sumar hald-
ið mjög fjölmenn íþrótta og leikjahá-
tíð á Sauðárkróki. Þangað komu
unglingar frá öllum sveitarfélögum á
Norðurlandi og kepptu í hefðbundn-
um íþróttagrein'jm og ýmsum leikj-
um. Þá var nú í nóvember haldin á
Akureyri ráðstefna sem sótt var af
nemendum framhaldsskóla á
Norðurlandi. Á ráðstefnunni voru
samþykktar ályktanir um sam-
göngumál, menntamál, húsnæðismál
og atvinnumál og sendar til Fjórð-
ungssambandsins.
Á Selfossi héldu unglingarnir
bæjarstjórnarfund og einnig var þar
starfrækt útvarpsstöð sem þeir sáu
um. Útvarpað var efni fyrir unglinga,
fjallað um málefni byggðalagsins.
Á Akranesi völdu unglingarnir sér
að berjast gegn fíkniefnum og svo var
um fleiri, t.d. J.C. hreyfinguna sem
vann ötullega að því verkefni á árinu.
Skátar voru með mörg verkefni í
gangi m.a. Reykjavíkurmót barn-
anna sem var vellukkuð hátíð.
Ungmennafélag íslands kaus að
vinna að gróðursetningu trjáa. Plant-
að var á þeirra vegum 26000 trjáplönt-
um um allt land, eða sem svaraði
einni plöntu á hvern félagsmann.
Nemendaleikhúsið hefur frá því í
sumar farið um landið og flutt rokk-
söngleikinn „Ekkó eða Guðirnir
ungu“. Mikil aðsókn hefur verið að
sýningunum, enda verkið skemmti-
legt fyrir alla aldurshópa, þó sérstak-
lega ungt fólk.
Æskulýðsráð ríkisins mun á þessu
ári gefa út handbók fyrir unglinga. I
henni er tekið á helstu málum sem
ungt fólk hefur áhuga á með framtíð
sína í huga og er bókin hugsuð sem
handbók þeirra á ferð um þjóðfélag
nútímans.
Dagblöðin og landsmálablöðin
hafa öll fjallað um Æskulýðsárið og
ríkisfjölmiðlarnir sjónvarp og útvarp
hafa gert því góð skil í umræðu og
fréttaþáttum og einstökum dagskrár-
liðum, m.a. var útvarpið með sér-
staka tónlistardagskrá sem helguð
var Evrópsku tónlistarári og Ári æsk-
unnar.
Þau verkefni sem ég hef nefnt hér
að framan eru ekki nema lítið brot af
þeim fjölda verkefna sem unnin voru
á árinu og enn er verið að minnast
ársins í verkefnum s.s. eins og með
sölu „Hvfta pennans“ þar sem æskan
þakkaði öldruðum.
Þessum verkefnum hefur fylgt gíf-
urleg vinna unglinganna sjálfra. Að
sjálfsögðu hafa þeir í flestum tilfellum
notið leiðsagnar hinna eldri en þau
hafa haft frumkvæðið, og annast
skipulagningu og framkvæmdina.
Eitt af kjörorðum Æskulýðsársins
er þátttaka. Ég fullyrði að undir því
kjörorði hefur verið unnið af íslenskri
æsku á árinu.
Hvað svo að árinu loknu?
Ekki er undarlegt þótt við spyrjum
hvort Æskulýðsárið hafi skilað ein-
hverjum árangri?
Hver er reynslan af öðrum slíkum
árum Sameinuðu þjóðanna s.s. ári
aldraðra, ári barnsins, ári fatlaðra?
Mín sannfæring er sú að þessi ár
hafi öll, hvert á sinn máta verið til
góða fyrir þá sem hlut áttu að máli.
Þeirra málefni fengu þá mikla um-
fjöllun og voru í sviðsljósinu. Svo var
með æskuna á þessu ári. Að sjálf-
sögðu fyrnist yfir ár æskunnar og senn
kemur næsta ár sem helgað er friði og
það þarf sína athygli.
Ég hef oft verið spurður um það á
þessu ári hvort ungt fólk, eða æskan
sé eitthvað sér fyrirbrigði, hvort þeir
séu ekki eins og annað fólk. Vissulega
eru þeir venjulegt fólk en auðvitað
hafa þeir líka sína sérstöðu. Þeir eru
á tímamótum barns og fullorðinna.
Það er stundum tekið mark á þeim og
stundum ekki. Ungt fólk hefur ákveðn-
ar skoðanir á hlutunum og þær falla
ekki alltaf saman við álit hinna eldri.
Sjálfsagt er að taka tillit til skoðana
þeirra og hugmynda því þeirra bíður
að taka við þjóðfélaginu.
íslensk æska er vel í stakk búin til
að mæta framtíðinni, og hennar hlut-
skipti er mun betra en annarra ung-
menna í heiminum. Hún er ekki
kúguð og hana skortir ekki mat. Hún
er ekki kölluð frá námi, félögum og
fjölskyldu á vígvöll til að berjast við
jafnaldra.
Nei, íslensk æska er svo lánsöm að
búa við frið, hún hefur tækifæri til
menntunar og hennar bíður atvinna á
meðan æska nágrannaþjóða ráfar um
án þess að finna nokkra þörf fyrir sig
eða tilgang með lífinu.
Sú hætta sem íslenskri æsku stend-
ur mest ógn af eru eiturlyfin, í hvaða
mynd sem þau birtast. Neysla þeirra
verður sífellt algengari jafnt hjá ungu
fólki sem fullorðnum. Ofneysla þeirra
er því miður staðreynd hjá allt of
stórum hópi. Gegn þeim vágesti er
þörf á þjóðarátaki.
íslensk æska er vissulega einn mesti
auður okkar lands. Hjá henni liggja
vonir okkar um fegurra mannlíf og
betra þjóðfélag. Okkur sem eldri
erum ber að standa vörð um hana og
aðstoða eftir mætti.
Ég hef verið svo lánsamur að vinna
með ungu fólki í langan tíma. Sá tími
hefur verið mér dýrmætur og fært
mér reynslu. Fyrir hann er ég þakklát-
ur.
Ég óska íslenskri æsku alls velfarn-
aðar og verndar Guðs urn alla
framtíð.
Reykjavík 21.11 1985
Níels Árni Lund,
formaður Framkvæmdanefndar
Alþjóðaárs æskunnar.
Óskum nemendum okkar og foreldrum þeirra
gíeíntegra jóía m
og farsældar á komandi ári.
Þökkum ánœgjulegt samstarf.
KENNARAR OG STARFSLIÐ
M YLLU BAK K ASKÓLA
En það var meira um að vera hjá 10-11 ára börnum í Keflavík
um þetta leyti því hin árlega hlutavelta þeirra í Myllubakkaskóla
var laugardaginn 16. nóvember og varð ágóðinn um 51 þúsund
krónur, sem börnin hafa afhent Styrktarfélagi aldraðra á
Suðumesjum. - Ljósm. Steinar J.
Æskan þakkar öldruðum
Þessi glæsilegi bamahópur er hluti þeirra 4. og 5.-bekkinga
Myllubakkaskóla sem um helgina 8.—10. nóvember seldi 1300
„hvíta penna“ í Keflavík. Þessi pennasala fór fram um land allt.
Var hún landsátak á ári æskunnar og skipulögð af Hjálparstofnun
kirkjunnar og rennur ágóði til málefna aldraðra á viðkomandi
stað. — Ljósm. Axel S.
FAXI 347