Faxi - 01.07.1986, Blaðsíða 37

um, þegar við krakkarnir rennd-
um okkur á sleðum á Virkishól,
sagði fólkið við okkur: „Verið þið
skikkanleg og góð börn á Virkis-
hólnum. Gætið þess að hafa ekki
hávaða. Það gæti orðið ykkur dýrt
og foreldrum ykl<ar.“ Við reynd-
um að muna þetta, en oft fór þetta
úr skorðum hjá okkur.
Ég á margar minningar frá
Virkishól í stjörnudýrð og tungls-
ljósi, þegar við krakkarnir úr
Kirkjuvogshverfinu vorum þar
með marga sleða. Það voru dás-
amleg kvöld með leiksystkinum,
þegar norðaustan andvari var,
heiðríkja, tungl og hægur frjós-
andi, en þungt soghljóð frá sjón-
um öðru hverju eins og undirspil
á þessum dýrðarkvöldum okkar
krakkanna.
Virkishóllinn var ávallt mikið
tengdur æskufólkinu. Hann var
miðstöð unglinganna í Kirkju-
vogshverfmu á fögrum vetrar-
kvöldum. Um Virkishólinn og
Hjallhólinn er þessi gamla saga:
,,Á fyrri hluta 19. aldar var
maður í Hafnarhreppi, sem Haf-
liði hét, Guðmundsson. Hann var
barnakennari um tíma. Hann
kenndi börnum lestur og skrift.
Hafliði þessi var ókvæntur og bú-
laus og hafðist við sem lausa-
maður í Kirkjuvogi. Nótt eina í
júlímánuði vaknar Hafliði og
Kirkjuvogskirkja í Höfnum.
gengur út. Þetta var laust eftir sól-
aruppkomu. Veður var fagurt
logn og blíða. Sveit og sjór í un-
aðslegri fegurð og stillu. Þegar
Hafliði kom vestur fyrir Kirkju-
vogsbæinn, sér hann, að Virkis-
hóllinn opnast og út úr honum
kemur mikill mannfjöldi. Sá
hann brátt, að þetta var líkfylgd,
og gengu tveir prestar í fullum
skrúða á undan þeim, sem kist-
una báru. Jafnframt heyrði Haf-
liði söng mikinn og gat vel greint,
að sunginn var sálmurinn:
Langar mig í lífshöll,
leidist mér heimsról o.s.frv.
Horfði Hafliði undrandi á líkfylgd
þessa, uns hún kom að Hjallhóln-
um. Þá opnaðist sá hóll einnig og
hvarf öll líkfylgdin þar inn.“
Þá má geta þess, að Hákon Vil-
hjálmsson lögréttumaður í
Kirkjuvogi ætlaði einu sinni að
byggja vindmyllu á Virkishóln-
um, en vegna aðsókna úr öðrum
heimi, hætti hann við það og sjást
enn í dag rústirnar efst á Virkis-
hólnum, þar sem myllan átti að
standa.
Þá er erftir að geta upptúnsins,
sem Kirkjuvogurinn átti. Þar get
ég ekkert sagt, því ég fékk ekkert
að heyra um það, nema Mið-
mundakrókur var þar í hásuður,
þar upp af Lúðvíkshæð og Gildra-
hagi, þar sem stórbóndinn Vil-
hjálmur Christian Hákonarson lá
á greni fyrir tófu, kvöldið sem
Oddur Gíslason rændi Önnu
dóttur hans. Loks skal þess getið,
að Kotvogurinn átti stórt og fagurt
tún, sem Réttarhús nefndist eftir
samnefndri hjáleigu syðst í
Kirkjuvogshverfmu. Frásögn
Ketils fósturföður míns um ör-
nefnin en huldufólkssagan er frá
Ólafi bróður hans.
Jón Thorarensen.
Launþegar
Atvinnu-
rekendur
Skrifstofur félaganna eru
opnar mánudaga til fimmtu-
daga kl. 9-17.
Föstudaga frá kl. 9-15.
Sími 2085
Verkalýðs- og sjómannafélag
Keflavíkur og nágrennis
Verkakvennafélag Keflavíkur
og Njarðvíkur
Veríð frjáls
í myndatökum
hjá okkur
Sími 2930
Hafnargötu 79
Keflavík
FAXI 201